Ӧксыяслӧн 4 небӧг 4:1 - Коми Библия 2023

¹ Ӧти пророк-велӧдчысьлӧн гӧтырыс бӧрдӧмӧн висьталіс Елисейлы: «Менам верӧсӧй, тэнад кесйӧгыд, куліс. Тэ ачыд тӧдан, мый сійӧ оліс Господьысь полӧмӧн. А ӧні сійӧ мортыс, кодлы ми уджйӧзаӧсь, кӧсйӧ босьтны менсьым кыкнан пиӧс аслыс кесйӧг пыдди».

Ӧксыяслӧн 4 небӧг 4:1 ပူးပေါင်းရင်းမြစ်များ

Олӧм 22:12

Андел шуис: «Эн лэпты китӧ пиыд вылӧ, эн вӧрӧд сійӧс. Ӧні ме тӧда, мый тэ полан Енмысь. Тэ вӧлін дась весиг ассьыд ӧтка питӧ сетны Енлы».

Ӧксыяслӧн 3 небӧг 18:3

Ахав корис Авдийӧс, ӧксы керкаӧн веськӧдлысьӧс. Авдий поліс-вежавидзис Господьысь.

Ӧксыяслӧн 3 небӧг 20:35

Господьлӧн тшӧктӧм серти ӧти пророк шуис мӧдлы: «Нӧйт менӧ». Но мӧдыс эз кут тайӧс вӧчны.

Ӧксыяслӧн 4 небӧг 2:15

Ериконысь локтӧм пророк-велӧдчысьяс аддзылісны, мый вӧчис Елисей, да шуисны, Иллялӧн лолыс пӧ Елисей вылын. Найӧ матыстчисны Елисей дінӧ да муӧдзыс копыртчӧмӧн

Ӧксыяслӧн 4 небӧг 2:3

Вефильын Елисейлы воча петісны сэтчӧс пророк-велӧдчысьяс да шуисны: «Тӧдан-ӧ, мый талун Господь босьтас Ас дінас тэнсьыд ыджыдтӧ?» Елисей вочавидзис: «Тӧда. Но ті чӧв олӧй!»

Ӧксыяслӧн 4 небӧг 2:5

Ериконын Елисей дінӧ матыстчисны сэтчӧс пророк-велӧдчысьяс да юалісны сылысь: «Тӧдан-ӧ, мый талун Господь босьтас Ас дінас тэнсьыд ыджыдтӧ?» Елисей вочавидзис: «Тӧда. Но ті чӧв олӧй!»

Ӧксыяслӧн 4 небӧг 2:7

Пророк-велӧдчысьяс пӧвстысь ветымынӧн мунісны на бӧрся. Кор Илля Елисейкӧд воисны Йӧрдан ю дорӧ, пророк-велӧдчысьяс сувтісны ылӧджык.

Ӧксыяслӧн 4 небӧг 4:38

Елисей бӧр локтіс Галгалӧ. Сэки сійӧ муас йӧзыс ёна тшыгъялісны. Ӧтчыд пророк-велӧдчысьяс пукалісны Елисей ордын. Елисей тшӧктіс аслас кесйӧглы пуктыны би вылӧ ыджыд пӧрт да пуны пророк-велӧдчысьяслы шыд.

Ӧксыяслӧн 4 небӧг 6:9

А Енлӧн морт Елисей тайӧ кадас ыстыліс юӧр израильса ӧксылы, мед сійӧ оз мун сэтчӧ, кытчӧ лӧсьӧдчӧны локны арамейяс.

Неемий 10:31

Мукӧд войтырысь кӧ кодкӧ ваяс нянь либӧ мукӧд вузалантор шойччан лунӧ, ми налысь огӧ ньӧбӧй ни шойччан лунӧ, ни вежа лунъясӧ. Быд сизимӧд воӧ ми кутам шойччӧдны мунымӧс да вунӧдам быдпӧлӧс уджйӧз.

Неемий 7:2

Ме пукті Ерусалимын юравны ассьым Ханани вокӧс да Хананейӧс, изкарӧн веськӧдлысьӧс, коді эз вудж ассьыс кывсӧ, а поліс Енмысь. Ме тшӧкті налы:

Псалтыр 103:11

Сэтысь юӧны вӧрса пемӧсъяс, сэтысь веськӧдӧны горшнысӧ вӧлявывса осёлъяс.

Псалтыр 103:17

Налӧн вожъяс вылӧ поздысьӧны лэбачьяс, сэтчӧ поздысьӧны аистъяс.

Шусьӧгъяс 22:7

Гӧль вылын ыджыдалӧ озыр, уджйӧза вылын – сылы водзӧсалысь.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Еклесиаст 8:12

Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Исай 50:1

Господь тадзи висьталӧ: – Кӧні тіян мамныдлӧн торйӧдчан гижӧдыс, Ме кӧ эновті сійӧс? Меным водзӧсӧн сетысьяс пӧвстысь кодлы Ме вузалі тіянӧс? Тіянӧс вузалӧма асланыд мыжъясныд вӧсна, лёк вӧчӧмныд вӧсна вӧтлӧма тіянлысь мамнытӧ.

Еремей 34:14

сизимӧд вонас лэдзны вӧля вылӧ ассьыныс еврей вокъяснысӧ, кодъяс асьнысӧ вузалісны кесйӧг пыдди. Татшӧм мортыс мед кесъялас квайт во, а сэсся сійӧс колӧ лэдзны вӧля вылӧ. Но тіян батьясныд эз кывзыны Менӧ, эз сибӧдны Менсьым кывъясӧс.

Левит 25:48

сэки вузалӧм мортӧс позьӧ ньӧбӧмӧн мездыны. Вокъясыс пиысь мед кодкӧ ньӧбас сійӧс.

Малакий 3:16

Господьысь полысьяс кор сёрнитӧны ӧта-мӧдныскӧд, Господь аддзӧ да кылӧ тайӧс. Сылӧн чужӧмбан водзын казьтылан небӧгӧ гижӧны на йылысь, кодъяс полӧны Господьысь, кодъяс пыдди пуктӧны Сылысь нимсӧ.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Матвей 18:25

Мынтынысӧ сійӧ эз вермы. Сэки ӧксы тшӧктіс вузавны тайӧ кесйӧгсӧ, сылысь гӧтырсӧ, ныв-писӧ да овмӧссӧ, медым тадзи бергӧдны уджйӧзсӧ.

Матвей 18:30

Мӧдыс эз кӧсйы виччысьнысӧ да йӧртіс ёртсӧ дзескыдінӧ уджйӧзсӧ мынтытӧдзыс.

Матвей 18:35

Тадзи Менам енэжвыв Бать вӧчас тіянлы, онӧ кӧ сьӧлӧмсяньныд прӧститӧй вокнытӧ».

Ап. уджъяс 13:26

Вокъясӧй, Ӧвраам пиян, тшӧтш Енмысь полысьяс! Тіянлы мӧдӧдӧма тайӧ мездана кывсӧ.

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

Восьтӧм 19:5

Сэсся Ен пуклӧссянь кыліс гӧлӧс шы: – Ошкӧй миян Енмӧс ставныд, Сылӧн кесйӧгъяс да Сыысь полысьяс, ичӧтъяс и гырысьяс!

Руфа 1:3

Элимелек куліс, и Ноеминь ӧтнасӧн колис пияныскӧд.

Ӧксыяслӧн 1 небӧг 22:2

Давид дінӧ чукӧртчисны дзескӧдӧмаяс, уджйӧзаяс да шогас вӧйӧмаяс – ставнас нёльсё гӧгӧр морт. Давид лои налӧн веськӧдлысьӧн.