Ӧксыяслӧн 4 небӧг 3:7 - Коми Библия 2023

⁷ Сійӧ мӧдӧдіс иудаса Иосафат ӧксы дінӧ ассьыс йӧзсӧ да тшӧктіс висьтавны сылы: «Моавса ӧксы кыпӧдчис меным паныд. Мунан-ӧ тэ мекӧд тышӧ Моавлы паныд?» «Муна, – вочавидзис Иосафат. – Ме муна тэ моз тышӧ. Менам тышкайӧзӧй мунасны тэнад тышкайӧзыд моз, менам вӧвъясӧй мунасны тэнад вӧвъясыд моз».

Ӧксыяслӧн 4 небӧг 3:7 ပူးပေါင်းရင်းမြစ်များ

Ӧксыяслӧн 3 небӧг 22:4

Ахав ӧксы юаліс Иосафатлысь: «Мунан-ӧ тэ мекӧд тышӧ Галаадӧ Рамот кар босьтны?» Иосафат вочавидзис израильса ӧксылы: «Ме муна тэ моз тышӧ. Менам тышкайӧзӧй мунасны тэнад тышкайӧзыд моз, менам вӧвъясӧй мунасны тэнад вӧвъясыд моз».

Ӧксыяслӧн 4 небӧг 13:20

Елисей куліс, и сійӧс дзебисны. Мӧд вонас моавса тышкайӧз уськӧдчисны Израиль вылӧ.

Ӧксыяслӧн 4 небӧг 3:6

Сэки Иорам ӧксы петіс Самария карысь да чукӧртіс став израильса тышкайӧзсӧ.

Ӧксыяслӧн 4 небӧг 3:8

Иосафат юаліс: «Кысянь ми уськӧдчам?» Израильса ӧксы вочавидзис: «Эдом овтӧминсянь».

Ӧксыяслӧн 4 небӧг 3:9

Израильса, иудаса да эдомса ӧксыяс петісны туйӧ. Кытшола туйӧд сизим лун мунӧм бӧрын налӧн помасис ваныс – тышкайӧзлы да накӧд мунысь пемӧсъяслы нинӧм вӧлі юнысӧ.

2 Каднебӧг 18:3

Израильса Ахав ӧксы юаліс иудаса Иосафат ӧксылысь: «Мунан-ӧ тэ мекӧд Галаадӧ Рамот кар босьтны?» Иосафат вочавидзис: «Ме муна тэ моз тышӧ. Менам тышкайӧзӧй мунасны тэнад тышкайӧзыд моз. Ме муна тэкӧд тышӧ».

2 Каднебӧг 19:2

Иосафат ӧксылы воча петіс Еху нима пророк, Хананилӧн пиыс, да шуис: «Мыйла тэ отсалін лёк вӧчысьлы? Мыйла тэ Господьӧс мустӧмтысьясӧс радейтан? Таысь тэнӧ суас Господьлӧн скӧрлуныс.