Ӧксыяслӧн 4 небӧг 3:3 - Коми Библия 2023

³ Но Иорам эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 4 небӧг 3:3 ပူးပေါင်းရင်းမြစ်များ

Ӧксыяслӧн 3 небӧг 13:33

Весиг став тайӧ лоӧмтор бӧртиыс Еровам эз бергӧдчы аслас лёк туй вылысь. Сійӧ водзӧ сувтӧдаліс войтыр пӧвстысь попъясӧс кесъявны вись ваян мылькъяс вылын. Коді кӧсйис лоны попӧн, сійӧс Еровам и индыліс.

Ӧксыяслӧн 3 небӧг 14:16

Еровамлӧн мыж вӧчӧмысь да Израиль войтырӧс мыжас кежӧдӧмысь Господь эновтас Израильӧс».

Ӧксыяслӧн 3 небӧг 14:9

Тэ вӧчин лёксӧ унджык на дорысь, кодъяс вӧліны тэӧдз. Тэ сувтӧдалін аслыд мукӧд енъясӧс да бӧлбанъясӧс, медым Менӧ скӧрмӧдны. Тадзи тэ ӧтдортін Менӧ.

Ӧксыяслӧн 3 небӧг 15:26

Надав вӧчис Господь водзын шогмытӧмсӧ, ветліс батьыслӧн туйӧд да сы моз вӧчис мыж. Аслас мыж вӧчӧмнас сылӧн батьыс коркӧ кежӧдіс Израиль войтырӧс мыжас.

Ӧксыяслӧн 3 небӧг 15:34

Сійӧ вӧчис Господь водзын шогмытӧмсӧ, ветліс Еровамлӧн туйӧд да сы моз вӧчис мыж. Аслас мыж вӧчӧмнас Еровам коркӧ кежӧдіс Израиль войтырӧс мыжас.

Ӧксыяслӧн 3 небӧг 16:31

Сійӧ вӧчис сійӧ жӧ мыжъяссӧ, мый вӧчліс Неватлӧн Еровам пиыс. Но тайӧ вӧлі этша на. Сійӧ босьтіс гӧтырӧ сидонса Этваал ӧксылысь Езавель нывсӧ да кутіс кесъявны-юрбитны Вааллы.

Ӧксыяслӧн 4 небӧг 13:11

Израильса Йоас ӧксы вӧчис Господь водзын шогмытӧмсӧ, эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 4 небӧг 13:2

Иохаз вӧчис Господь водзын шогмытӧмсӧ, вӧчис сійӧ жӧ мыжъяссӧ, мыйӧн Неватлӧн Еровам пиыс коркӧ кежӧдіс Израиль войтырӧс мыжас. Иохаз эз эновтчы тайӧ мыжъяссьыс.

Ӧксыяслӧн 4 небӧг 13:6

Но найӧ эз эновтчыны Еровам рӧдлӧн мыжъяссьыс, мыйӧн Еровам коркӧ кежӧдіс Израиль войтырӧс мыжас. Найӧ водзӧ вӧчисны тайӧ мыжъяссӧ, и Самарияын век на сулаліс юрбитан пу.

Ӧксыяслӧн 4 небӧг 14:24

Еровам вӧчис Господь водзын шогмытӧмсӧ, эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 4 небӧг 15:18

Менаим вӧчис Господь водзын шогмытӧмсӧ. Став олан лунъяс чӧжыс Менаим эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 4 небӧг 15:9

Батьясыс моз Закар вӧчис Господь водзын шогмытӧмсӧ, эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 4 небӧг 17:21

Кор Господь торйӧдіс Израильӧс Давид рӧдлӧн юралӧм улысь, израильсаяс пуктісны ӧксыӧ Неватлысь Еровам писӧ. Еровам кежӧдіс Израиль войтырӧс Господьысь да кыскис найӧс ыджыд мыжӧ.

Ӧксыяслӧн 4 небӧг 17:22

Израильсаяс вӧчисны сійӧ жӧ мыжъяссӧ, мый вӧчліс Еровам. Найӧ эз эновтчыны тайӧ мыжъяссьыс,

Ӧксыяслӧн 4 небӧг 17:23

кытчӧдз Господь эз вешты найӧс Аслас чужӧмбан водзысь. Та йылысь Сійӧ водзвыв висьтавліс пророкъяс пыр, кодъяс кесъялісны Сылы. Израильсаясӧс вӧлі нуӧдӧма асланыс муысь Ассурӧ, кӧні найӧ ӧнӧдз олӧны.

Ӧксыяслӧн 4 небӧг 21:16

Манассей кежӧдіс Иуда войтырӧс мыжас, и найӧ вӧчисны Господь водзын шогмытӧмсӧ. Тайӧ мыжсьыс ӧтдор Манассей кисьтіс мыжтӧм йӧзлысь вирсӧ сы мында, мый Ерусалим помсянь помӧдзыс тырис вирӧн.

Ӧксыяслӧн 4 небӧг 23:15

Иосей ӧксы жугӧдіс Вефильысь висьпуктанін да вись ваян мыльк, мый коркӧ вӧчліс Неватлӧн Еровам пиыс, коді кежӧдіс Израиль войтырӧс мыжас. Иосей сотіс юрбитан пу да вись ваян мыльк, сэтысь изъяссӧ нырис пызьӧдз.