Ӧксыяслӧн 4 небӧг 3:27 - Коми Библия 2023

²⁷ Сэки босьтіс ассьыс медыджыд писӧ, кодлы вуджӧ вӧлі ӧксыалӧмыс, да карса стен вылын сотіс сійӧс вись пыдди. Тайӧ лоӧмторйыс ёна скӧрмӧдіс израильсаясӧс. Найӧ эновтісны моавсаясӧс да бӧр локтісны асланыс муӧ.

Ӧксыяслӧн 4 небӧг 3:27 ပူးပေါင်းရင်းမြစ်များ

Олӧм 22:13

Ӧвраам бергӧдчис да аддзис межӧс. Сійӧ вӧлі сюрнас сибдӧма увъясӧ. Ӧвраам матыстчис да босьтіс межсӧ, вайис сійӧс сотан вись пыдди. Эз пиыс, а тайӧ межыс лои сотан висьнас.

Олӧм 22:2

Ен шуис: «Босьт Исаактӧ, радейтана ӧтка питӧ, да мун Мориа муӧ. Сэні керӧс вылын, кутшӧмӧс инда тэныд, вай сійӧс Меным сотан вись пыдди».

Ӧксыяслӧн 3 небӧг 20:13

Сэки ӧти пророк локтіс израильса Ахав ӧксы дінӧ да шуис: «Господь тадзи висьталӧ: ”Аддзан-ӧ тайӧ уна лыда тышкайӧзсӧ? Талун Ме сета найӧс тэнад киӧ, медым тэ тӧдін, мый Ме – Господь”».

Ӧксыяслӧн 3 небӧг 20:28

Сэки израильса ӧксы дінӧ матыстчис Енлӧн морт да шуис: «Господь тадзи висьталӧ: ”Арамейяс шуӧны, Господь пӧ керӧсъяслӧн ен, абу ковтыслӧн ен. Та вӧсна Ме сета налысь уна лыда тышкайӧзсӧ тэнад киӧ. Сэки ті тӧдмаланныд, мый Ме – Господь”».

Ӧксыяслӧн 3 небӧг 20:43

Скӧрмӧмӧн да шогӧ усьӧмӧн израильса ӧксы муніс гортас Самарияӧ.

Ӧксыяслӧн 4 небӧг 3:26

Моавса ӧксы кор аддзис, мый найӧс вермӧны, босьтіс аскӧдыс сизимсё шыпуртаӧс, мед уськӧдчыны эдомса ӧксы вылӧ да тадзикӧн петны кытшалӧм карсьыс. Но сылӧн тайӧ эз артмы.

Езекиль 16:20

Тэ босьтін пиянтӧ да нывъястӧ, кодъясӧс чужтін Меным, да вайин найӧс вись пыдди идолъяслы сёйны. Тайӧ уджъясыд вӧліны кырсалӧм кодь жӧ, и тайӧ этша на вӧлі тэныд.

Амос 2:1

Господь тадзи висьталӧ: – Моав войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд эдомса ӧксылысь лыяссӧ коризӧдз сотісны.

Микей 6:7

Шогмана-ӧ лоӧ Господьлы, вая кӧ сюрс межӧс, вая кӧ ю моз визувтысь олив вый? Сета ӧмӧй ассьым медводдза чужысьӧс лёк вӧчӧмӧй вӧсна, сьӧлӧмувса кагаӧс – мыжӧй вӧсна?

Индӧд 12:31

Господьлы, асланыд Енлы, кесъялігӧн на моз энӧ вӧчӧй. Асланыс енъяслы кесъялігӧн найӧ ӧд вӧчӧны сійӧ, мый зывӧктӧ-мустӧмтӧ Господь. Найӧ весиг ассьыныс ныв-писӧ сотӧны асланыс енъяслы.

Ёрдысьяс 11:31

сэки найӧс вермӧм бӧрын гортӧ локтігам ме сета Тэныд сійӧс, коді менам керкаысь медводдзаӧн петас меным воча. Сійӧс ме вая Тэныд сотан вись пыдди».

Ёрдысьяс 11:39

Кык тӧлысь кольӧм бӧрын ныв локтіс батьыс ордӧ. Батьыс збыльмӧдіс Господьлы кыв сетӧмсӧ, и нылыс куліс, верӧс сайӧ эз мунлы. Тайӧ кадсяньыс Израиль войтыр пӧвстын