Ӧксыяслӧн 4 небӧг 3:25 - Коми Библия 2023

²⁵ Израильсаяс кушӧдз бырӧдісны налысь каръяссӧ. Налӧн бур видз-муяс вылӧ быд израильса тышкаморт шыбитіс из, тадзи видз-муясыс тырисны изъясӧн. Ва петанінъяссӧ тырталісны, бур пуяссӧ кералісны. Пасьвартісны ставсӧ, сӧмын Кир-Харешет кар колис сулавны. Но и сійӧс кытшалісны да пасьвартісны изйӧн лыйсьысьяс.

Ӧксыяслӧн 4 небӧг 3:25 ပူးပေါင်းရင်းမြစ်များ

Олӧм 26:15

Весиг Ӧвраам бать дырйиыс на кесйӧгъясӧн кодйылӧм юкмӧсъяссӧ филистимсаяс тупкалісны-тырталісны муӧн.

Олӧм 26:18

Сэні вӧліны Ӧвраам батьыс дырйи на кодйылӧм юкмӧсъяс. Но Ӧвраамлӧн кулӧм бӧрас филистимсаяс тырталісны найӧс. Исаак выльысь кодйис тайӧ юкмӧсъяссӧ да нимтіс найӧс сідзи жӧ, кыдзи нимтыліс сылӧн батьыс.

Ӧксыяслӧн 2 небӧг 8:2

Давид пасьвартіс тшӧтш моавсаясӧс. Тыш помасьӧм бӧрын сійӧ водтӧдіс найӧс му вылас, босьтіс гез да мурталіс: быд кык гез кузьта мурталӧмаясӧс виис, а ӧти гез кузьта мурталӧмаясӧс ловйӧн колис. Моавсаяс лоисны Давидлы кесйӧгъясӧн, мынтісны сылы вот.

Ӧксыяслӧн 4 небӧг 3:19

Ті босьтанныд налысь став изкарсӧ да ыджыд каръяссӧ, кераланныд налысь бур пуяссӧ, тырталанныд ва петанінъяссӧ да налӧн бур видз-муяс вылӧ шыблаланныд изъяс».

Ӧксыяслӧн 4 небӧг 3:24

Кор моавсаяс локтісны израильсаяслӧн сувтанінӧ, израильсаяс уськӧдчисны на вылӧ. Моавсаяс пондісны пышйыны, но израильсаяс вӧтчисны на бӧрся да виалісны найӧс.

Ӧксыяслӧн 4 небӧг 3:26

Моавса ӧксы кор аддзис, мый найӧс вермӧны, босьтіс аскӧдыс сизимсё шыпуртаӧс, мед уськӧдчыны эдомса ӧксы вылӧ да тадзикӧн петны кытшалӧм карсьыс. Но сылӧн тайӧ эз артмы.

2 Каднебӧг 32:4

Чукӧртчис уна йӧз, и найӧ тупкисны му пытшті визувтысь васӧ да ва петанінъяссӧ. Найӧ шуалісны: «Ассурса ӧксыяс мед оз аддзыны татысь васӧ [да мед оз вынсяммыны]».

Исай 15:1

Моав йылысь водзвыв висьталӧм. Войнас лоӧ куштӧма-бырӧдӧма Ар-Моавӧс. Войнас лоӧ куштӧма-бырӧдӧма Кир-Моавӧс.

Исай 16:11

Та вӧсна менам пытшкӧсӧй гусли моз бӧрдӧ Моав вӧсна, сьӧлӧмӧй бӧрдӧ Кир-Харешет вӧсна.

Исай 16:7

Та вӧсна Моавлы ковмас бӧрдны ас вӧснаыс, моавсаяс ставныс бӧрдӧны. Кир-Харешетын ті чукӧртлінныд-косьтылінныд виноград, тайӧс воштӧм вӧсна ӧні ті бӧрданныд.

Еремей 48:31

Та вӧсна Ме бӧрда Моав вӧсна, сыркъялӧмӧн бӧрда моавса войтыр вӧсна, шогсьӧмӧн горза Кир-Харешетын олысьяс вӧсна.

Еремей 48:36

– Та вӧсна менам сьӧлӧмӧй пӧлян моз бӧрдӧ Моав вӧсна, бӧрдӧ Кир-Харешетын олысьяс вӧсна, ӧд налӧн чукӧртӧм озырлунныс бырис.

Индӧд 2:9

Господь шуис меным: ”Энӧ зыксьӧй моавса войтыркӧд, энӧ панӧй накӧд тыш. Налӧн муысь Ме тіянлы нинӧм ог сет. Ӧд Ар-Моавсӧ Ме сеті Лотсянь чужысьяслы”.

Ёрдысьяс 9:45

Авимелек тышкасис сикемсаяскӧд лунтыр. Босьтіс карсӧ, а сэтчӧс олысьясӧс виаліс. Сикем карсӧ бырӧдӧм бӧрын кар местасӧ кояліс солӧн.