Ӧксыяслӧн 4 небӧг 25:27 - Коми Библия 2023

²⁷ Иудаса Еконей ӧксыӧс пленӧ нуӧдӧм бӧрын комын сизимӧд вонас дас кыкӧд тӧлысьлӧн кызь сизимӧд лунӧ вавилонса Эвил-Меродак ӧксы бурсьӧлӧмтчис иудаса Еконей ӧксы дінӧ да лэдзис сійӧс дзескыдінысь. Буретш тайӧ вонас Эвил-Меродак лоис ӧксыӧн.

Ӧксыяслӧн 4 небӧг 25:27 ပူးပေါင်းရင်းမြစ်များ

Олӧм 40:13

Куим лун мысти фараон кыпӧдас тэнӧ да босьтас важ удж вылад. Тэ сетан сылы киас юан дозсӧ, тадзи важ мозыс кутан кисьтавны сылы вина.

Олӧм 40:20

Куим лун мысти аслас чужан лунӧ фараон лӧсьӧдіс гаж став чина йӧзыслы. Сылы тӧд вылас усины медыджыд вина кисьталысьыс да нянь пӧжалысьыс.

Ӧксыяслӧн 4 небӧг 24:12

Сэки иудаса Еконей ӧксы аслас мамкӧд, кесйӧгъясыскӧд, веськӧдлысьясыскӧд да ыджыд чина йӧзыскӧд сетчис вавилонса ӧксылы. Навукодоносор босьтіс Еконейӧс пленӧ аслас кӧкъямысӧд веськӧдлан воӧ.

Ӧксыяслӧн 4 небӧг 24:15

Еконей ӧксыӧс, сылысь мамсӧ да гӧтыръяссӧ, ыджыд чина йӧзӧс да иудаса юралысьясӧс Навукодоносор нуӧдіс Ерусалимысь пленӧ Вавилонӧ.

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Еремей 22:26

Ме вӧтла тэнӧ да тэнӧ чужтысь мамтӧ йӧз муӧ. Сэні ті энӧ чужлӧй, но сэні куланныд.

Еремей 28:4

Иудаса Еконей ӧксыӧс, Ехоякимлысь писӧ, да ставнысӧ, кодъясӧс Иудаысь вӧлі нуӧдӧма пленӧ Вавилонӧ, Ме бӧр вайӧда тайӧ муас, – висьталӧ Господь, – ӧд Ме жугӧда вавилонса ӧксылысь сийӧссӧ».

Еремей 38:17

Еремей шуис Седекейлы: «Господь Ен Саваоф, Израильлӧн Ен, тадзи висьталӧ: ”Тэ кӧ сетчан вавилонса ӧксылӧн киподувса юралысьяслы, тэ ловйӧн колян, и тайӧ карсӧ оз сотны биӧн. Тэ да тэнад гортсаыд ловйӧн колянныд.