Ӧксыяслӧн 4 небӧг 25:21 - Коми Библия 2023

²¹ Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

Ӧксыяслӧн 4 небӧг 25:21 ပူးပေါင်းရင်းမြစ်များ

Ӧксыяслӧн 3 небӧг 8:46

Но кор найӧ мыж вӧчасны Тэныд паныд, ӧд мыж вӧчтӧм мортыс абу, и Тэ скӧрман на вылӧ да сетан найӧс вӧрӧг киӧ, и кор найӧс нуӧдасны пленӧ ылӧ либӧ матӧ,

Ӧксыяслӧн 4 небӧг 17:20

Господь бергӧдчис Израильлӧн став чужанкотырысь, ыстіс налы уна шог да сетіс найӧс куштысь-мырддялысьяс киӧ. Сійӧ вӧтліс найӧс Аслас чужӧмбан водзысь.

Ӧксыяслӧн 4 небӧг 17:23

кытчӧдз Господь эз вешты найӧс Аслас чужӧмбан водзысь. Та йылысь Сійӧ водзвыв висьтавліс пророкъяс пыр, кодъяс кесъялісны Сылы. Израильсаясӧс вӧлі нуӧдӧма асланыс муысь Ассурӧ, кӧні найӧ ӧнӧдз олӧны.

Ӧксыяслӧн 4 небӧг 23:27

Господь шуис: «Израильӧс моз Ме ӧтдорта Иуда войтырӧс. Ме эновта Ерусалим кар, мый Ме бӧрйи, и крам, мый йылысь Ме шулі, мый сэні лоас Менам нимӧй».

Ӧксыяслӧн 4 небӧг 24:15

Еконей ӧксыӧс, сылысь мамсӧ да гӧтыръяссӧ, ыджыд чина йӧзӧс да иудаса юралысьясӧс Навукодоносор нуӧдіс Ерусалимысь пленӧ Вавилонӧ.

Еремей 16:13

Та вӧсна Ме вӧтла тіянӧс тайӧ мусьыс мӧд муӧ, мый ті ни тіян батьясныд энӧ тӧдлӧй. Сэні лун и вой ті понданныд кесъявны мукӧд енъяслы, ӧд Ме ог ло бур сьӧлӧма тіян дінӧ.

Еремей 52:27

Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

Бӧрданкыв 4:16

Господь Ачыс разӧдіс-вӧтліс найӧс, Сійӧ на вылӧ оз нин видзӧдлы. Попъясӧс мустӧмтӧны, пӧрысьясӧс бурӧ оз пуктыны.

Езекиль 24:14

Тайӧс висьтала Ме, Господь. Мый шуи, вӧча, ог веж Ассьым шуӧмӧс, ог жалит, ог бурсьӧлӧмтчы. Тэнӧ лоӧ мыждӧма лёк оласногыд да уджъясыд серти, – висьталӧ Господь Ыджыдыс».

Амос 5:27

Та вӧсна Ме вӧтла тіянӧс Дамаскысь на ылӧджык, – висьталӧ Господь. Сылӧн нимыс – Ен Саваоф.

Индӧд 28:36

Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы.

Индӧд 28:64

Господь [тіян Енныд] разӧдас тіянӧс мукӧд войтыръяс пӧвстӧ, му ӧтар помсянь мӧдар помӧдзыс. Сэні ті кутанныд юрбитны пуысь да изйысь вӧчӧмторъяслы, мукӧд енъяслы, кодъясӧс ті ни тіян батьясныд энӧ тӧдлӧй.

Индӧд 29:27

Господь скӧрмис тайӧ муыс вылӧ да кисьтіс сы вылӧ [йитӧд торкӧмысь] ёрӧмсӧ, мый гижӧма тайӧ [Индӧд] небӧгас.

Индӧд 4:26

Талун енэжыс да муыс водзын шуа, мый татшӧмсӧ вӧчӧм вӧсна ті регыдъя кадӧн быранныд сійӧ му вывсьыс, кодӧс босьтны вуджанныд Йӧрдан ю сайӧ. Ті онӧ дыр кутӧй сэні овны, тіянӧс лоӧ бырӧдӧма.