Ӧксыяслӧн 4 небӧг 24:2 - Коми Библия 2023

² Господь мӧдӧдіс Ехоякимлы паныд калдея, арамей, моав да аммон тышкайӧзӧс, медым бырӧдны Иуда му, кыдзи висьталіс Господь Сылы кесъялысь пророкъяс пыр.

Ӧксыяслӧн 4 небӧг 24:2 ပူးပေါင်းရင်းမြစ်များ

Ӧксыяслӧн 4 небӧг 20:17

Воасны лунъяс, кор тэнад керкаысь ставсӧ нуасны Вавилонӧ. Нуасны тшӧтш сійӧ, мый тэнад батьясыд чукӧртісны тайӧ лунӧдзыс. Нинӧм оз коль, – висьталӧ Господь. –

Ӧксыяслӧн 4 небӧг 22:16

мый Господь тадзи висьталӧ: Ме ыста ыджыд шог тайӧ карыс да сэні олысьяс вылӧ. Ме олӧмӧ пӧрта ставсӧ, мый гижӧма сійӧ небӧгас, кодӧс лыддис иудаса ӧксы.

Ӧксыяслӧн 4 небӧг 23:27

Господь шуис: «Израильӧс моз Ме ӧтдорта Иуда войтырӧс. Ме эновта Ерусалим кар, мый Ме бӧрйи, и крам, мый йылысь Ме шулі, мый сэні лоас Менам нимӧй».

Ӧксыяслӧн 4 небӧг 6:23

Арамейяслы дасьтісны ыджыд пызан. Вердӧм-юкталӧм бӧрын израильса ӧксы лэдзис найӧс асланыс ӧксы дінӧ. Та бӧрын арамейяс дугдісны усьласьны Израиль му вылӧ.

2 Каднебӧг 33:11

Сэки Господь мӧдӧдіс налы паныд ассурса ӧксылӧн тышкайӧзлысь юралысьясӧс. Найӧ дорисны Манассейлысь ки-коксӧ чепъясӧн да нуӧдісны сійӧс Вавилонӧ.

Иов 1:17

Сылӧн сёрнитігӧн локтіс коймӧд юӧртысь да шуис: «Калдея муысь локтісны йӧз куим чукӧрӧн, найӧ уськӧдчисны да босьтісны тэнсьыд верблюдъястӧ, а кесйӧгъястӧ виалісны шыпуртӧн. Сӧмын ме ловйӧн коли, медым юӧртны тэныд».

Исай 13:5

Ылі муысь, енэжтас сайысь, локтӧны Господь да Сылӧн скӧрлуна вермасянторъясыс, медым пазӧдны ставнас мусӧ.

Исай 28:19

Сійӧ кутас локны выльысь и выльысь, асывнас, луннас и рытнас, быд лун сійӧ кутас кылӧдны тіянӧс. Тайӧ висьталӧмсӧ гӧгӧрвоигӧн полӧмныдла ті кутанныд дзӧрны.

Исай 7:17

Тэныд, тэнад войтырлы да тэнад рӧдлы Господь мӧдӧдас сэтшӧм лунъяс, кутшӧмӧсь эз на вӧвны сійӧ кадсяньыс, кор Ефрем торйӧдчис Иудаысь. Тіянлы паныд Господь мӧдӧдас ассурса ӧксыӧс.

Еремей 12:9

Менам бӧрйӧм войтырӧй лои уна рӧма лэбач кодь, код вылӧ быд боксянь усьласьӧ кырныш-варыш. Локтӧй, чукӧртчӧй, зверъяс, локтӧй сёйны!

Еремей 25:1

Еремейлы вӧлі Иуда войтыр йылысь Енсянь кыв. Тайӧ вӧлі иудаса Ехояким ӧксылӧн, Иосей пилӧн, нёльӧд веськӧдлан воӧ, а вавилонса Навукодоносор ӧксылӧн медводдза веськӧдлан воӧ.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 26:20

Господь нимсянь пророкаліс тшӧтш Шемайлӧн Урий пиыс, сійӧ вӧлі Киръят-Яримысь. Еремей моз Урий пророкаліс тайӧ карыс да тайӧ муыс йылысь.

Еремей 32:28

Та вӧсна Господь тадзи висьталӧ: тайӧ карсӧ Ме сета калдеяса тышкайӧзлӧн киӧ да вавилонса Навукодоносор ӧксы киӧ. Сійӧ босьтас тайӧ карсӧ.

Еремей 35:11

Кор вавилонса Навукодоносор ӧксы уськӧдчис тайӧ муыс вылӧ, ми шуим пышйыны калдеяса да арамса тышкайӧзысь Ерусалимӧ, и ӧніӧдз ми олам тані».

Еремей 52:28

Аслас сизимӧд веськӧдлан воӧ Навукодоносор нуӧдіс Иуда муысь пленӧ куим сюрс кызь куим мортӧс.

Бӧрданкыв 1:17

Сион нюжӧдӧма кисӧ, но бурӧдысьыс абу. Орччӧн олысь войтырлы Господь тшӧктіс дзескӧдны Яковӧс. Ерусалим лои пежӧн налӧн син водзын.

Езекиль 19:8

Сы вылӧ уськӧдчисны войтыръяс, матігӧгӧр муясын олысьяс, сы вылӧ шыбитісны тывнысӧ, сійӧ шедіс налӧн гуӧ.

Езекиль 23:23

Вайӧда йӧзӧс Вавилонысь, Калдеяысь, Пекодысь, Шоаысь да Коаысь. Накӧд локтасны и ассурсаяс, мича том зонъяс. Ставныс найӧ нималана йӧз, ыджыдалысьяс да юралысьяс, тарантаса тышкайӧзӧн веськӧдлысьяс.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Аввакум 1:6

Ме кыпӧда калдея войтырӧс, скӧр да этш тӧдтӧм войтырӧс. Найӧ мунасны став му пасьталаыс, мед босьтны йӧз муяс.