Ӧксыяслӧн 4 небӧг 24:12 - Коми Библия 2023

¹² Сэки иудаса Еконей ӧксы аслас мамкӧд, кесйӧгъясыскӧд, веськӧдлысьясыскӧд да ыджыд чина йӧзыскӧд сетчис вавилонса ӧксылы. Навукодоносор босьтіс Еконейӧс пленӧ аслас кӧкъямысӧд веськӧдлан воӧ.

Ӧксыяслӧн 4 небӧг 24:12 ပူးပေါင်းရင်းမြစ်များ

Ӧксыяслӧн 4 небӧг 20:18

Тэсянь чужысьясӧс нуӧдасны вавилонса ӧксы керкаӧ, и налы ковмас кесъявны сэні евнукъясӧн».

Ӧксыяслӧн 4 небӧг 24:11

Навукодоносор локтіс сэтчӧ, кор сылӧн тышкайӧзыс вӧлі кытшалӧны карсӧ.

Ӧксыяслӧн 4 небӧг 25:27

Иудаса Еконей ӧксыӧс пленӧ нуӧдӧм бӧрын комын сизимӧд вонас дас кыкӧд тӧлысьлӧн кызь сизимӧд лунӧ вавилонса Эвил-Меродак ӧксы бурсьӧлӧмтчис иудаса Еконей ӧксы дінӧ да лэдзис сійӧс дзескыдінысь. Буретш тайӧ вонас Эвил-Меродак лоис ӧксыӧн.

Ӧксыяслӧн 4 небӧг 25:8

Вавилонса Навукодоносор ӧксылӧн дас ӧкмысӧд веськӧдлан воӧ витӧд тӧлысьлӧн сизимӧд лунӧ Ерусалимӧ локтіс Навузардан, ӧксыӧс видзысьяслӧн юралысь, вавилонса ӧксылӧн кесъялысь.

2 Каднебӧг 36:10

Во заводитчигас Навукодоносор ӧксы мӧдӧдіс ассьыс йӧзсӧ, медым вайӧдны Еконейӧс Вавилонӧ. Господьлӧн крамысь Вавилонӧ нуисны дона дозмук-кӧлуй. Иудаын да Ерусалимын юравны Навукодоносор пуктіс Еконей рӧдысь Седекейӧс.

Эсфир 2:5

Суза изкарын оліс Мардокей нима морт. Сійӧ вӧлі иудей, Венямин чужанкотырысь Кис Шимей Яирлӧн пи.

Эсфир 2:6

Мардокей вӧлі на пиысь, кодъясӧс вавилонса Навукодоносор ӧксы босьтіс пленӧ да нуӧдіс Ерусалимысь Вавилонӧ. На пӧвстын вӧлі тшӧтш иудаса Еконей ӧксы.

Исай 24:6

Та вӧсна ёрӧмыс бырӧдӧ мусӧ, му вылын олысьяс вештысьӧны асланыс мыжысь. Му вылын олысьяс бырӧны, йӧзыс коли зэв этша.

Еремей 13:18

– Висьтав ӧксылы да сылӧн мамыслы: эновтӧй юралан пуклӧснытӧ, ӧд тіян юр вылысь усис дзирдалана юркытшныд.

Еремей 24:1

Вавилонса Навукодоносор ӧксы нуӧдіс Ерусалимысь Вавилонӧ пленӧ иудаса Еконей ӧксыӧс, Ехоякимлысь писӧ, тшӧтш иудаса юралысьясӧс, пуысь да кӧртысь вӧчасьысьясӧс. Та бӧрти Господь петкӧдліс меным инжир тыра кык чуман, мый вӧлі пуктӧма Господьлӧн крам водзӧ.

Еремей 25:1

Еремейлы вӧлі Иуда войтыр йылысь Енсянь кыв. Тайӧ вӧлі иудаса Ехояким ӧксылӧн, Иосей пилӧн, нёльӧд веськӧдлан воӧ, а вавилонса Навукодоносор ӧксылӧн медводдза веськӧдлан воӧ.

Еремей 36:30

Та вӧсна иудаса Ехояким ӧксы йылысь Господь тадзи висьталӧ: сысянь чужысь оз кут пукавны Давидлӧн юралан пуклӧсын. Сылысь шойсӧ лоӧ шыбитӧма. Луннас гожйыс пондас сотны сійӧс, а войнас кӧдзыдыс – кынтыны.

Еремей 37:1

Ехоякимлӧн Еконей пи пыдди вавилонса Навукодоносор ӧксы пуктіс Иуда муын ӧксыӧ Иосейлысь Седекей писӧ.

Еремей 52:12

Вавилонса Навукодоносор ӧксылӧн дас ӧкмысӧд веськӧдлан воӧ, витӧд тӧлысьлӧн дасӧд лунӧ, Ерусалимӧ локтіс Навузардан, ӧксыӧс видзысьяслӧн юралысь, вавилонса ӧксыӧс туйдӧдысь.

Еремей 52:28

Аслас сизимӧд веськӧдлан воӧ Навукодоносор нуӧдіс Иуда муысь пленӧ куим сюрс кызь куим мортӧс.

Еремей 52:31

Иудаса Еконей ӧксыӧс пленӧ нуӧдӧм бӧрын комын сизимӧд вонас дас кыкӧд тӧлысьлӧн кызь витӧд лунӧ вавилонса Эвил-Меродак ӧксы бурсьӧлӧмтчис иудаса Еконей ӧксы дінӧ да лэдзис сійӧс дзескыдінысь. Буретш тайӧ вонас Эвил-Меродак лоис ӧксыӧн.

Езекиль 1:2

Тайӧ вӧлі Еконей ӧксыӧс пленӧ босьтӧмсянь витӧд воӧ.

Езекиль 17:12

«Тайӧ асныра войтырыс оз ӧмӧй гӧгӧрво, мый йылысь тайӧ нӧдкывйыс? Висьтав налы: вавилонса ӧксы локтіс Ерусалимӧ, босьтіс пленӧ ӧксыӧс да юралысьяссӧ и нуӧдіс найӧс Вавилонӧ.

Езекиль 17:4

нетшыштіс медвылыс петассӧ, лэбӧдіс сійӧс Ханаан муӧ, пуктіс вузасьысьяслӧн карӧ.

Езекиль 19:1

Сьыв израильса ӧксыяс йылысь тайӧ бӧрдӧдчанкывсӧ:

Езекиль 19:13

Ӧні сійӧс пуктӧма овтӧминӧ, кос да ватӧм муӧ.

Индӧд 28:36

Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы.