Ӧксыяслӧн 4 небӧг 24:1 - Коми Библия 2023

¹ Ехоякимлӧн юралан кадӧ Иуда му вылӧ уськӧдчис вавилонса Навукодоносор ӧксы. Куим во чӧж Ехояким вӧлі Навукодоносорлӧн кипод улын, но сэсся кыпӧдчис сылы паныд.

Ӧксыяслӧн 4 небӧг 24:1 ပူးပေါင်းရင်းမြစ်များ

Ӧксыяслӧн 4 небӧг 17:5

Ассурса Салманассар ӧксы уськӧдчис Израиль му вылӧ да кытшаліс Самария кар, и куим во чӧж видзис сійӧс кытшын.

Ӧксыяслӧн 4 небӧг 24:20

Иуда муын да Ерусалим карын олысьяс вылӧ Господьлӧн скӧрлуныс вӧлі сэтшӧм ыджыд, мый вӧтліс найӧс Аслас чужӧмбан водзысь. Седекей кыпӧдчис вавилонса ӧксылы паныд.

2 Каднебӧг 36:1

Иосейлӧн кулӧм бӧрын Ерусалимын Иуда войтыр [мавтыштіс да] пуктіс ӧксыӧ Иосейлысь Иохаз писӧ.

Ездра 4:12

Юӧртам тэныд, ӧксыӧй, мый иудейяс, кодъяс мунісны тэ дорысь, локтісны миян дінӧ Ерусалимӧ. Ӧні найӧ лэптӧны лёкнас да шызьӧмнас тырӧм тайӧ карсӧ, кыпӧдӧны карса стенсӧ да дзоньталӧны подувсӧ.

Исай 36:5

Тэ висьталан нинӧм абусӧ, а тышад колӧны сюсьлун да вын. Тэ кыпӧдчин меным паныд, а ӧні код вылӧ тэ лача кутан?

Еремей 25:1

Еремейлы вӧлі Иуда войтыр йылысь Енсянь кыв. Тайӧ вӧлі иудаса Ехояким ӧксылӧн, Иосей пилӧн, нёльӧд веськӧдлан воӧ, а вавилонса Навукодоносор ӧксылӧн медводдза веськӧдлан воӧ.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 35:1

Иудаса Ехояким ӧксылӧн, Иосей пилӧн, веськӧдлан кадӧ Еремейлы вӧлі Господьсянь кыв:

Еремей 35:11

Кор вавилонса Навукодоносор ӧксы уськӧдчис тайӧ муыс вылӧ, ми шуим пышйыны калдеяса да арамса тышкайӧзысь Ерусалимӧ, и ӧніӧдз ми олам тані».

Еремей 36:1

Иудаса Ехояким ӧксылӧн, Иосей пилӧн, нёльӧд веськӧдлан воӧ Еремейлы вӧлі Господьсянь кыв:

Еремей 45:1

Иудаса Ехояким ӧксылӧн, Иосей пилӧн, нёльӧд веськӧдлан воӧ, кор Нирийлӧн Барук пиыс гижис Еремей пророклӧн висьталӧм серти кывъяссӧ гижӧд тубрасӧ, Еремей шуис:

Еремей 46:2

Иудаса Ехояким ӧксылӧн, Иосей пилӧн, нёльӧд веськӧдлан воӧ, кор вавилонса Навукодоносор ӧксы пасьвартіс египетса Неко фараонлысь тышкайӧзсӧ Каркемисын, Ефрат ю дорын, Еремейлы вӧлі Египет йылысь да египетса тышкайӧз йылысь Господьсянь кыв:

Еремей 50:17

Израиль войтыр разалӧм ыж чукӧр кодь, левъяс вӧтлісны сійӧс. Водзынджык сійӧс вильӧдіс ассурса ӧксы, сэсся вавилонса Навукодоносор ӧксы чегъяліс сылысь лыяссӧ.

Езекиль 19:8

Сы вылӧ уськӧдчисны войтыръяс, матігӧгӧр муясын олысьяс, сы вылӧ шыбитісны тывнысӧ, сійӧ шедіс налӧн гуӧ.

Езекиль 21:14

А тэ, морт пиӧй, пророкав, скӧрысь вачкы ки пыдӧсад. Шыпуртыс мед кыкысь кучкас, куимысь бырснитас, мед уна йӧзӧс виас, быд боксянь найӧс кытшалас.

Даниил 1:1

Иудаса Ехояким ӧксылӧн коймӧд веськӧдлан воӧ Ерусалим кар вылӧ уськӧдчис вавилонса Навукодоносор ӧксы да кытшаліс сійӧс.

Даниил 1:2

Навукодоносор киӧ Господь сетіс иудаса Ехояким ӧксыӧс да Енлӧн крамысь дозмук-кӧлуй. Навукодоносор нуис тайӧ дозмук-кӧлуйсӧ Сеннар муӧ, аслас енлӧн крамӧ, да пуктіс найӧс крамса озырлун видзанінӧ.

Аввакум 1:6

Ме кыпӧда калдея войтырӧс, скӧр да этш тӧдтӧм войтырӧс. Найӧ мунасны став му пасьталаыс, мед босьтны йӧз муяс.