Ӧксыяслӧн 4 небӧг 23:30 - Коми Библия 2023

³⁰ Иосейлӧн кесйӧгъясыс вайисны Мегиддоысь сылысь шойсӧ Ерусалимӧ да дзебисны сійӧс аслас дзебанінӧ. Сэсся Иуда войтыр мавтыштіс Иосейлысь Иохаз писӧ да пуктіс сійӧс ӧксыӧ Иосей батьыс пыдди.

Ӧксыяслӧн 4 небӧг 23:30 ပူးပေါင်းရင်းမြစ်များ

Ӧксыяслӧн 4 небӧг 14:21

Амасей ӧксы бӧрти Иуда войтыр пуктіс ӧксыӧ Амасейлысь дас квайт арӧса Азарий писӧ.

Ӧксыяслӧн 4 небӧг 21:24

Но Иуда войтыр виис ставнысӧ, кодъяс кыпӧдчисны Амон ӧксылы паныд. Амон бӧрти найӧ пуктісны ӧксыӧ сылысь Иосей писӧ.

Ӧксыяслӧн 4 небӧг 22:20

Ме вуджӧда тэнӧ батьясыд дінӧ. Тэ лӧня кулан, и тэнӧ пуктасны дзебанінӧ. Тэнад синмыд оз аддзыв сійӧ ыджыд шогсӧ, мый Ме ыста тайӧ карыс вылӧ”». Мӧдӧдӧмаяс бӧр локтісны да висьталісны ӧксылы тайӧ кывъяссӧ.

Ӧксыяслӧн 4 небӧг 9:28

Ахазийлӧн кесйӧгъяс нуисны сылысь шойсӧ Ерусалимӧ да дзебисны Давид карӧ аслас дзебанінӧ батьясыскӧд орччӧн.

2 Каднебӧг 35:20

[Иосей ӧксы сотіс Ерусалим карын да став Иуда муын туналысьясӧс да ылӧгсӧ водзвыв юӧртысьясӧс, сотіс бӧлбанъяс, идолъяс да идолъяслы юрбитанінъяс. Тадзи сійӧ збыльмӧдіс Индӧд кывъяссӧ, мый вӧлі гижӧма небӧгӧ, кодӧс аддзис Господьлӧн крамысь Хилки поп. Таӧдз эз вӧв Иосей кодь ӧксыыс, коді эськӧ став сьӧлӧмнас, олӧмнас да став выннас шыасис Господь дінӧ да оліс Мӧисейлӧн Индӧд серти. И Иосейлӧн кулӧм бӧрти сы кодь ӧксыыс эз вӧв. Но Господь эз кусӧд Ассьыс ыджыд скӧрлунсӧ. Господьлӧн скӧрлуныс ыпъяліс Иуда вылӧ, ӧд Манассей ёна дӧзмӧдіс Сійӧс. Господь шуис: «Израильӧс моз Ме ӧтдорта Иуда войтырӧс. Ме эновта Ерусалим кар, мый Ме бӧрйи, и крам, мый йылысь Ме шулі, мый сэні лоас Менам нимӧй».] Сы бӧрти, кор Иосей ӧксы выльысь лӧсьӧдіс крамын кесъялӧмсӧ, египетса Неко ӧксы мӧдӧдчис уськӧдчыны Каркемис кар вылӧ, мый сулаліс Ефрат ю дорын. Иосей ӧксы петіс сылы паныд тышӧ.

2 Каднебӧг 35:24

Кесйӧгъясыс босьтісны сійӧс тарантассьыс, пуктісны мӧд тарантасӧ да нуисны Ерусалимӧ. Сэні сійӧ кувсис. Сійӧс дзебисны батьясыслӧн дзебанінӧ. Став Иуда войтырыс да Ерусалимын олысьяс бӧрдісны Иосей вӧсна.

Еремей 22:10

– Энӧ бӧрдӧй кулӧма вӧсна, энӧ жалитӧй сійӧс, но курыда бӧрдӧй пленӧ нуӧдӧма вӧсна, сійӧ ӧд бӧрсӧ оз нин бергӧдчы, ассьыс чужан мусӧ оз нин аддзыв.

Еремей 22:11

Иудаса Шаллум ӧксы йылысь, коді лои ӧксыӧн аслас Иосей батьыс бӧрти, Господь тадзи висьталӧ: «Сійӧс нуӧдісны татысь Египетӧ, и бӧрсӧ сійӧ оз нин бергӧдчы.

Езекиль 19:1

Сьыв израильса ӧксыяс йылысь тайӧ бӧрдӧдчанкывсӧ: