Ӧксыяслӧн 4 небӧг 23:29 - Коми Библия 2023

²⁹ Иосейлӧн ӧксыалігӧн Неко фараон, египетса ӧксы, мӧдӧдчис Ефрат ю дорӧ ассурса ӧксылы отсӧг вылӧ. Иосей ӧксы петіс фараонлы паныд тышӧ, но Мегиддо кар дорын фараон виис сійӧс.

Ӧксыяслӧн 4 небӧг 23:29 ပူးပေါင်းရင်းမြစ်များ

Ӧксыяслӧн 3 небӧг 4:12

Ахилудлӧн Баан пиыс юраліс Танакын, Мегиддоын да Бет-Шеан гӧгӧр муын, мый Цартан кар дорын Изреельысь улынджык. Сы кипод улын нӧшта вӧлі муыс Бет-Шеансянь Авел-Мехолаӧдз да Иокмеам кар сайӧдз.

Ӧксыяслӧн 4 небӧг 14:11

Но Амасей эз кывзы Йоасӧс. Сэки израильса Йоас ӧксы петіс тышӧ иудаса Амасей ӧксылы паныд. Найӧ паныдасисны Иуда муын Бет-Шемеш карын.

Ӧксыяслӧн 4 небӧг 14:8

Сэсся Амасей мӧдӧдіс израильса Йоас ӧксы дінӧ юӧртысьӧс. Йоас вӧлі Иохазлӧн пи, Иохаз – Ехулӧн. Амасей тшӧктіс висьтавны Йоаслы, мый кӧсйӧ аддзысьлыны сыкӧд.

Ӧксыяслӧн 4 небӧг 22:20

Ме вуджӧда тэнӧ батьясыд дінӧ. Тэ лӧня кулан, и тэнӧ пуктасны дзебанінӧ. Тэнад синмыд оз аддзыв сійӧ ыджыд шогсӧ, мый Ме ыста тайӧ карыс вылӧ”». Мӧдӧдӧмаяс бӧр локтісны да висьталісны ӧксылы тайӧ кывъяссӧ.

Ӧксыяслӧн 4 небӧг 23:28

Иосей ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма иудаса ӧксыяслӧн каднебӧгӧ.

Ӧксыяслӧн 4 небӧг 24:7

Египетса ӧксы эз нин петавлы тышӧ аслас муысь, ӧд вавилонса ӧксы босьтіс Египет кипод улысь став мусӧ Египет мудорса шорсянь Ефрат ю дорӧдз.

Ӧксыяслӧн 4 небӧг 9:27

Иудаса Ахазий ӧксы кор аддзис Иорамлысь кулӧмсӧ, уськӧдчис пышйыны Бет-Хагганлань. Еху вӧтчис сы бӧрся аслас йӧзлы горзӧмӧн: «Виӧй тшӧтш сійӧс тарантасас!» Ахазийӧс дойдісны Ивлеам кар дорын Гур керӧсын. Но сійӧ воӧдчис на Мегиддо карӧдз, и сэні куліс.

Еклесиаст 8:14

Му вылас нӧшта эм сэтшӧмтор, мый артмӧ весьшӧрӧ: веськыда олысьӧс суӧ сійӧ, мый колӧ суны лёк вӧчысьӧс сылӧн уджъясыс серти, а лёк вӧчысьлы вичмӧ сійӧ, мый колӧ вичмыны веськыда олысьлы сылӧн уджъясыс серти. Вӧлӧмакӧ, и тайӧ весьшӧрӧ.

Еремей 22:10

– Энӧ бӧрдӧй кулӧма вӧсна, энӧ жалитӧй сійӧс, но курыда бӧрдӧй пленӧ нуӧдӧма вӧсна, сійӧ ӧд бӧрсӧ оз нин бергӧдчы, ассьыс чужан мусӧ оз нин аддзыв.

Еремей 22:11

Иудаса Шаллум ӧксы йылысь, коді лои ӧксыӧн аслас Иосей батьыс бӧрти, Господь тадзи висьталӧ: «Сійӧс нуӧдісны татысь Египетӧ, и бӧрсӧ сійӧ оз нин бергӧдчы.

Еремей 22:12

Сійӧ кулас сэні, кытчӧ нуӧдісны, и тайӧ мусӧ сійӧ оз нин аддзыв».

Еремей 46:2

Иудаса Ехояким ӧксылӧн, Иосей пилӧн, нёльӧд веськӧдлан воӧ, кор вавилонса Навукодоносор ӧксы пасьвартіс египетса Неко фараонлысь тышкайӧзсӧ Каркемисын, Ефрат ю дорын, Еремейлы вӧлі Египет йылысь да египетса тышкайӧз йылысь Господьсянь кыв:

Еремей 46:6

Тэрыб кока оз вермы пышйыны, вына морт оз мездмы. Войвылын, Ефрат ю дорын, найӧ крукасясны да усясны.

Езекиль 19:1

Сьыв израильса ӧксыяс йылысь тайӧ бӧрдӧдчанкывсӧ:

Закар 12:11

Сійӧ лунӧ Ерусалимын кутас кывны гораа ырзӧм-бӧрдӧм, сэтшӧм бӧрдӧм, кутшӧмӧс кывлісны Хадад-Риммонын Мегиддо ковтысын.

Римӧ 11:33

Енлӧн озырлуныс пыдӧстӧм, Сылӧн мывкыдлуныс да тӧдӧмлуныс шымыртны вермытӧм. Сылӧн мыждана кывъясыс вежӧрӧ тӧрӧдтӧмӧсь, Сылысь туйяссӧ он вермы туявны!

Нав Исус 17:11

Иссакар да Асир чужанкотыръяслӧн муясысь Манассей чужанкотырлы вичмис Бет-Шеан, Ивлеам, Дор, Эн-Дор, Танак да Мегиддо каръяс, нагӧгӧрса сиктъяс да Нафет муысь коймӧд юкӧныс [сиктъяснас].

Восьтӧм 16:16

Пеж ловъяс чукӧртісны мувывса ӧксыясӧс ӧти местаӧ. Тайӧ местаыс еврей ногӧн шусьӧ Армагеддон.

Ёрдысьяс 1:27

Манассей чужанкотыр эз вермы босьтны Бет-Шеан карсӧ [мӧд ногӧн кӧ, Скифополь карсӧ,] да сыгӧгӧрса сиктъяссӧ, Танак, Дор, Ивлеам да Мегиддо каръяссӧ да нагӧгӧрса сиктъяссӧ. Та вӧсна ханаансаяс кольччисны овны тайӧ муас.

Ёрдысьяс 5:19

Ӧксыяс локтісны вермасьны, Танакын, мегиддоса ваяс дорын, тышкасисны, но ханаанса ӧксыяслы эзысь эз вичмы.