Ӧксыяслӧн 4 небӧг 23:2 - Коми Библия 2023

² Сэсся ӧксы муніс Господьлӧн крамӧ. Сыкӧд тшӧтш мунісны Иуда войтыр да Ерусалимын олысьяс, попъяс да пророкъяс – муніс став войтырыс, том и пӧрысь. Ӧксы гораа лыддис ставнас Йитӧд небӧгсӧ, мый аддзисны Господьлӧн крамысь.

Ӧксыяслӧн 4 небӧг 23:2 ပူးပေါင်းရင်းမြစ်များ

Олӧм 19:11

Ывлаын сулалысь пӧрысь да том йӧзлысь найӧ пемдӧдісны синнысӧ. Некод эз аддзы керкаӧ пыранінсӧ, кӧть мудзтӧдзыс корсис.

Ӧксыяслӧн 3 небӧг 8:9

Кудйын вӧлі сӧмын кык изпӧв, найӧс сэтчӧ Хорив керӧсын пуктыліс Мӧисей. Буретш сэні Израиль войтырлӧн Египет муысь петӧм бӧрын Господь кӧрталіс накӧд йитӧд.

Ӧксыяслӧн 4 небӧг 22:8

Хилки аркирей шуис Шафан гижалысьлы: «Господьлӧн крамысь ме аддзи Индӧд небӧг». Хилки сетіс небӧгсӧ Шафанлы. Шафан лыддис сійӧс.

2 Каднебӧг 15:13

да вины быдӧнӧс, коді оз кут корсьны Господьӧс, Израильлысь Енсӧ, том морт-ӧ сійӧ либӧ пӧрысь, айлов-ӧ сійӧ либӧ ань.

2 Каднебӧг 17:9

Найӧ велӧдісны Иуда войтырӧс. Иуда муысь став карсӧ кытшовтігӧн налӧн аскӧдныс вӧлі Господьлӧн Индӧд небӧг.

Неемий 13:1

Сійӧ лунӧ Израиль войтырлы лыддисны Мӧисейлысь небӧг. Сэні вӧлі гижӧма, мый аммон да моав войтыръясысь некод оз вермы лоны Ен войтырлӧн чукӧртчӧмын.

Неемий 9:3

Найӧ сулалісны куим час чӧж, кор налы лыддисны Господь Енлысь Индӧдсӧ. Сэсся найӧ куим час чӧж копыртчӧмӧн висьтасисны мыжъяссьыныс Господьлы, асланыс Енлы.

Эсфир 1:5

Кор тайӧ лунъясыс помасисны, ӧксы аслас сад йӧрын лӧсьӧдіс нӧшта сизимлунся гаж. Корис гаж вылас Суза изкарысь став олысьсӧ – тӧдчана и прӧстӧй йӧзӧс.

Иов 3:19

Ичӧт и ыджыд сэні ӧткодьӧсь, кесйӧг абу нин ыджыдыслӧн кипод улын.

Еремей 34:8

Еремейлы вӧлі Господьсянь кыв сы бӧрти, кор Седекей ӧксы сёрнитчис ерусалимса войтыркӧд кесйӧгъясӧс лэдзӧм йылысь.

Ап. уджъяс 26:22

Но Енмыс пыр на отсаліс меным тайӧ лунӧдзыс, та вӧсна ме ӧнӧдз сулала да висьтала быдӧнлы: прӧстӧй и чина йӧзлы. Висьтала сӧмын сійӧ, мый йылысь водзвыв висьтавлісны Мӧисей да пророкъяс. Найӧ висьталісны,

Индӧд 31:26

«Босьтӧй тайӧ Индӧд небӧгсӧ да пуктӧй сійӧс асланыд Господь Енлӧн Йитӧд кудкӧд орччӧн, медым Индӧдыс серти тіянӧс лыддьыны мыжаӧн.

Восьтӧм 20:12

Ме аддзи гырысь да ичӧт кулӧмаясӧс, найӧ сулалісны Ен водзын. Сэні вӧліны восьса небӧгъяс. Сэсся восьтісны нӧшта ӧти небӧг – Олӧмыслысь небӧг. Кулӧмаясӧс мыждісны налӧн уджъясныс серти, мый вӧлі гижӧма небӧгъясас.

Ӧксыяслӧн 1 небӧг 30:2

Аньясӧс да карса став олысьсӧ, ичӧтсянь ыджыдӧдз, эз кутны виавны, но нуӧдісны аскӧдныс.

Ӧксыяслӧн 1 небӧг 5:9

Сэтчӧ вайӧм бӧрын Господь кутіс мыждыны и тайӧ карсӧ. Ставныс шызисны. Йӧзсӧ полӧм босьтіс. Господь чорыда дойдаліс гырысьӧс и посниӧс, ставныс найӧ мылльӧссисны.