Ӧксыяслӧн 4 небӧг 22:10 - Коми Библия 2023

¹⁰ Нӧшта Шафан содтіс, Хилки поп пӧ сетіс меным небӧг. Шафан лыддис сійӧс ӧксылы.

Ӧксыяслӧн 4 небӧг 22:10 ပူးပေါင်းရင်းမြစ်များ

Ӧксыяслӧн 4 небӧг 22:11

Индӧд небӧгысь кывъяссӧ кылӧм бӧрын ӧксы косяліс ассьыс паськӧмсӧ.

Ӧксыяслӧн 4 небӧг 22:9

Сэсся Шафан гижалысь бӧр локтіс ӧксы дінӧ да шуис: «Тэнад кесйӧгъясыд босьтісны крамӧ чукӧртӧм сьӧмсӧ да сетісны крам дзоньталӧм вӧсна кывкутысьяслы».

2 Каднебӧг 34:18

Нӧшта Шафан шуис ӧксылы, Хилки поп пӧ сетіс меным небӧг. И Шафан лыддис тайӧ небӧгсӧ ӧксылы.

Неемий 13:1

Сійӧ лунӧ Израиль войтырлы лыддисны Мӧисейлысь небӧг. Сэні вӧлі гижӧма, мый аммон да моав войтыръясысь некод оз вермы лоны Ен войтырлӧн чукӧртчӧмын.

Неемий 8:18

Медводдза гажӧдчан лунсянь бӧръя лунӧдзыс быд лун лыддисны Енлысь Индӧдсӧ. Гажӧдчисны сизим лун чӧж, а кӧкъямысӧд луннас Гижӧд серти вӧлі вежа чукӧртчӧм.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Исай 66:5

Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Еремей 13:18

– Висьтав ӧксылы да сылӧн мамыслы: эновтӧй юралан пуклӧснытӧ, ӧд тіян юр вылысь усис дзирдалана юркытшныд.

Еремей 36:13

Микей висьталіс налы став кывъяссӧ, мый сійӧ кывліс, кор Барук лыддис войтырыслы гижӧд тубрасысь.

Еремей 36:15

найӧ шуисны сылы: «Пуксьы да лыддьы миянлы». Барук лыддис налы.

Еремей 36:21

Ӧксы мӧдӧдіс Ехудиӧс гижӧд тубрасла. Ехуди вайис Элишам гижалысьлӧн вежӧсысь гижӧд тубрассӧ да лыддис ӧксылы да сы дорын сулалысь юралысьяслы.

Еремей 36:6

Но тэ мун Господьлӧн крамӧ видзалан лунӧ да сэтчӧ чукӧртчӧм войтырлы лыддьы гижӧд тубрасысь Господьлысь кывъяссӧ, мый тэ гижин менам висьталӧм серти. Лыддьы тайӧ кывъяссӧ тшӧтш асланыс каръясысь локтысь Иуда войтырлы.