Ӧксыяслӧн 4 небӧг 21:24 - Коми Библия 2023

²⁴ Но Иуда войтыр виис ставнысӧ, кодъяс кыпӧдчисны Амон ӧксылы паныд. Амон бӧрти найӧ пуктісны ӧксыӧ сылысь Иосей писӧ.

Ӧксыяслӧн 4 небӧг 21:24 ပူးပေါင်းရင်းမြစ်များ

Ӧксыяслӧн 2 небӧг 5:3

Хевронын Господь водзын Давид кӧрталіс израильса юрнуӧдысьяскӧд йитӧд. Найӧ мавтыштӧмӧн пуктісны Давидӧс Израиль войтырлы ӧксыӧ.

Ӧксыяслӧн 3 небӧг 12:1

Ровоам локтіс Сикемӧ, ӧд сэтчӧ чукӧртчис Израиль войтыр, медым пуктыны сійӧс ӧксыӧ.

Ӧксыяслӧн 3 небӧг 12:20

Израиль войтыр тӧдмаліс, мый Еровам бӧр локтӧма [Египетысь]. Сэки найӧ чукӧртчисны, корисны Еровамӧс да пуктісны сійӧс ӧксыӧ Израильлы. Сӧмын Иуда [да Венямин] чужанкотыр кольччис Давид рӧдкӧд.

Ӧксыяслӧн 4 небӧг 11:17

Иодай поп кӧрталіс Господь, ӧксы да войтырыс костын йитӧд сы йылысь, мый найӧ – Господьлӧн войтыр. Нӧшта кӧрталіс торъя йитӧд ӧксы да войтырыс костын.

Ӧксыяслӧн 4 небӧг 14:21

Амасей ӧксы бӧрти Иуда войтыр пуктіс ӧксыӧ Амасейлысь дас квайт арӧса Азарий писӧ.

Ӧксыяслӧн 4 небӧг 14:5

Кор Амасейлӧн юралӧмыс зумыдмис, сійӧ виис ассьыс кесйӧгъяссӧ, кодъяс виисны сылысь батьсӧ, Йоас ӧксыӧс.

Ӧксыяслӧн 4 небӧг 21:25

Амон ӧксыалӧм дырйи мукӧд лоӧмторъяс да сылӧн уджъясыс йылысь гижӧма иудаса ӧксыяслӧн каднебӧгӧ.

Ӧксыяслӧн 4 небӧг 22:1

Ӧксыӧ пуксигас Иосейлы вӧлі кӧкъямыс арӧс. Комын ӧти во чӧж сійӧ юраліс Ерусалимын. Сылӧн мамыс вӧлі Едида, Боцкатысь Адайлӧн нылыс.

2 Каднебӧг 22:1

Ерусалимса олысьяс Иорам бӧрти ӧксыӧ пуктісны Ахазийӧс, иудаса Иорам ӧксылысь медічӧт писӧ, ӧд сылысь ыджыдджык пиянсӧ виисны арабъяскӧд локтӧм йӧз, кодъяс уськӧдчисны иудаса тышкайӧз вылӧ. Та вӧсна Ахазий лои ӧксыӧн.

2 Каднебӧг 26:1

Амасей ӧксы бӧрти Иуда войтыр пуктіс ӧксыӧ Амасейлысь дас квайт арӧса Озей писӧ.

2 Каднебӧг 33:25

Но Иуда войтыр виис ставнысӧ, кодъяс кыпӧдчисны Амон ӧксылы паныд. Амон бӧрти найӧ пуктісны ӧксыӧ сылысь Иосей писӧ.

Еремей 1:2

Иудаса Иосей ӧксылӧн, Амон пилӧн, дас коймӧд веськӧдлан воӧ Еремейлы вӧлі Господьсянь кыв.

Ӧксыяслӧн 1 небӧг 11:15

Ставныс мунісны Галгалӧ, и сэні Господь водзын пуктісны Саулӧс ӧксыӧ. Сэсся вайисны Господьлы бурасян висьяс. Израиль войтыр Саулкӧд ёна нимкодясис-гажӧдчис сэні.