Ӧксыяслӧн 4 небӧг 21:14 - Коми Библия 2023

¹⁴ Ме эновта Ассьым коляс войтырӧс да сета найӧс вӧрӧг киӧ. Вӧрӧг куштас налысь мусӧ да мырддяс налысь став эмбурсӧ.

Ӧксыяслӧн 4 небӧг 21:14 ပူးပေါင်းရင်းမြစ်များ

Ӧксыяслӧн 4 небӧг 17:18

Господь чорыда скӧрмис Израиль войтыр вылӧ, вештіс найӧс Аслас чужӧмбан водзысь, а колис сӧмын Иуда чужанкотырӧс.

Ӧксыяслӧн 4 небӧг 17:19

Но Иуда чужанкотыр тшӧтш торкаліс аслас Господь Енлысь тшӧктӧмъяссӧ да оліс израильсаяс моз.

Ӧксыяслӧн 4 небӧг 17:20

Господь бергӧдчис Израильлӧн став чужанкотырысь, ыстіс налы уна шог да сетіс найӧс куштысь-мырддялысьяс киӧ. Сійӧ вӧтліс найӧс Аслас чужӧмбан водзысь.

Ӧксыяслӧн 4 небӧг 17:23

кытчӧдз Господь эз вешты найӧс Аслас чужӧмбан водзысь. Та йылысь Сійӧ водзвыв висьтавліс пророкъяс пыр, кодъяс кесъялісны Сылы. Израильсаясӧс вӧлі нуӧдӧма асланыс муысь Ассурӧ, кӧні найӧ ӧнӧдз олӧны.

Ӧксыяслӧн 4 небӧг 19:4

Гашкӧ, Господь, тэнад Енмыд, кылас ассурса ӧксылӧн эскана мортлысь кывъяссӧ. Сылӧн ыджыдыс, ассурса ӧксы, мӧдӧдіс сійӧс, медым омӧльтны ловъя Енмӧс. Гашкӧ, Господь, тэнад Енмыд, мыждас сійӧс омӧльтана кывъяссьыс. Кевмысь ловйӧн кольӧмаяс вӧсна».

Ӧксыяслӧн 4 небӧг 21:13

Ме муртала Ерусалимлы мыждӧмсӧ сідзи жӧ, кыдзи мурталі Самария карлы. Ме весита Ерусалимӧс сійӧ жӧ вескинас, мыйӧн веситі Ахавлысь рӧдсӧ. Кыдзи тасьті чышкалӧны да кымыньтӧны, тадзи вӧча тшӧтш Ерусалимкӧд.

Ӧксыяслӧн 4 небӧг 21:15

Тадзи вӧча Аслам войтыркӧд, мыйла батьясныслӧн Египетысь петӧмсянь найӧ ӧнӧдз вӧчӧны Ме водзын шогмытӧмсӧ да тайӧн скӧрмӧдӧны Менӧ».

Ӧксыяслӧн 4 небӧг 23:27

Господь шуис: «Израильӧс моз Ме ӧтдорта Иуда войтырӧс. Ме эновта Ерусалим кар, мый Ме бӧрйи, и крам, мый йылысь Ме шулі, мый сэні лоас Менам нимӧй».

Ӧксыяслӧн 4 небӧг 24:2

Господь мӧдӧдіс Ехоякимлы паныд калдея, арамей, моав да аммон тышкайӧзӧс, медым бырӧдны Иуда му, кыдзи висьталіс Господь Сылы кесъялысь пророкъяс пыр.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

Псалтыр 74:1

Сьылысьясӧн веськӧдлысьлы. Сьылӧны ”Эн бырӧд” шылад улӧ. Асафлӧн псалом. Сьыланкыв.

Исай 10:6

Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Еремей 12:7

– Ме эновті Ассьым керкаӧс, эновті Ассьым бӧрйӧм войтырӧс, Ассьым муса войтырӧс Ме сеті вӧрӧг киӧ.

Еремей 19:7

Тані Ме бырӧда Иуда войтырлысь да Ерусалимын олысьяслысь кӧсйӧмсӧ. Ме сета найӧс вӧрӧглӧн шыпурт улӧ, и найӧ куласны налысь олӧмсӧ босьтны кӧсйысьяслӧн ки помысь. Налысь шойяссӧ Ме шыбита кырныш-варышлы да зверъяслы.

Еремей 23:33

Тайӧ войтырысь, пророкъясысь либӧ попъясысь кӧ кодкӧ юалас тэнсьыд, мыйӧн Господь сьӧктӧдӧ миянӧс, сэки шу налы: сьӧктӧда сійӧн, мый эновта найӧс, – висьталӧ Господь. –

Еремей 44:27

Ме кута сюся видзӧдны тіян бӧрся, но тайӧ лоӧ тіянлы лёк вылӧ, а оз бур вылӧ. Египетын олысь Иуда войтыр кулас шыпуртысь да тшыглунысь, кытчӧдз ставнысӧ оз ло бырӧдӧма.

Бӧрданкыв 1:10

Дзескӧдысьяс нюжӧдісны кинысӧ, медым петкӧдны Ерусалимысь став донаторсӧ. Сійӧ аддзис, кыдзи ентӧдтӧмъяс пырисны вежаинӧ, а Тэ ӧд шулін на йылысь, мый налы оз позь лоны Тэнад чукӧртчӧм войтыр пӧвстын.

Бӧрданкыв 1:5

Дзескӧдысьяс ыджыдалӧны Сион вылын, мустӧмтысьяс гажаа олӧны. Сионлӧн уна мыж вӧсна Господь ыстіс сылы шог. Сылысь челядьсӧ нуӧдісны пленӧ, дзескӧдысьяс вӧтлісны найӧс водзвыланыс.

Бӧрданкыв 5:20

Мый вӧсна Тэ дзикӧдз вунӧдін миянӧс, мыйла та дыра кежлӧ эновтін миянӧс?

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Амос 5:2

Усьӧма Израиль ныв, чеччынысӧ оз вермы! Аслас му вылӧ сійӧс шыбитӧма, сійӧс лэптысьыс абу.

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Индӧд 28:48

Та вӧсна ті кутанныд кесъявны Господьӧн [тіян Енмӧн] ыстӧм вӧрӧгныдлы тшыгъяліганыд да горш косьмиганыд. Ті пасьтӧг колянныд, тіян нинӧм оз ло. Господь сийӧсалас тіянӧс кӧрт сийӧсӧн, кытчӧдз оз бырӧд тіянӧс.

Индӧд 31:17

Сійӧ лунӧ Ме скӧрма на вылӧ да эновта найӧс. Ме тупка Ассьым чужӧмбанӧс наысь, и уна шог да сьӧкыдлун суас найӧс. Сійӧ лунӧ найӧ шуасны, мый шогъясыс суисны найӧс сы вӧсна, мый [Господь] налӧн Енныс абу накӧд.