Ӧксыяслӧн 4 небӧг 20:13 - Коми Библия 2023

¹³ Локтысьясӧс кывзӧм бӧрын Езекей петкӧдліс налы ассьыс озырлун видзанінъяссӧ да ставсӧ, мый сэні вӧлі: эзысь-зарни, чӧскыд ӧвтанторъяс да дона мавтасъяс. Нӧшта петкӧдліс шыпурт видзанінсӧ. Ӧксы керкаысь да аслас муысь Езекей петкӧдліс налы став озырлунсӧ.

Ӧксыяслӧн 4 небӧг 20:13 ပူးပေါင်းရင်းမြစ်များ

Ӧксыяслӧн 3 небӧг 10:10

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Та мында ӧвтанторйыс, мый саваса ӧксы-ань козьналіс Соломон ӧксылы, Израильын эз на вӧвлы.

Ӧксыяслӧн 3 небӧг 10:15

Таысь ӧтдор вузасьысьяс, ӧксыув муясын юралысьяс да аравияса ӧксыяс мынтылісны сылы вот.

Ӧксыяслӧн 3 небӧг 10:2

Сійӧ локтіс Ерусалимӧ зэв уна йӧзкӧд. Верблюдъяс вылын найӧ вайисны зэв уна зарни, дона изъяс да чӧскыд ӧвтанторъяс. Ӧксы-ань аддзысис Соломонкӧд. Сійӧ сёрнитіс Соломонкӧд быдтор йылысь, мый кӧсйис тӧдны.

Ӧксыяслӧн 3 небӧг 10:25

Соломон дінӧ волысьяс вайлісны аскӧдныс козинъяс: эзысь-зарниысь вӧчӧм дозмук-кӧлуй, паськӧм, шыпуртъяс, чӧскыд ӧвтанторъяс, вӧвъясӧс да мулъясӧс. Тадзи вӧлі быд во.

Ӧксыяслӧн 4 небӧг 20:14

Исай пророк локтіс Езекей ӧксы дінӧ да юаліс: «Мый висьталісны тайӧ йӧзыс? Кытысь найӧ волісны тэ дінӧ?» Езекей вочавидзис: «Найӧ волісны ылі муысь, Вавилонысь».

Ӧксыяслӧн 4 небӧг 20:15

«Мый найӧ аддзылісны тэнад керкаысь?» – юаліс Исай. Езекей вочавидзис: «Найӧ аддзылісны ставсӧ. Ме петкӧдлі налы озырлун видзанінъясысь ставсӧ».

Псалтыр 62:11

Найӧс лоӧ виӧма шыпуртӧн, налӧн шойясӧн кутасны пӧткӧдчыны шакалъяс.

Шусьӧгъяс 23:5

Чӧвтан синтӧ озырлун вылад, а сійӧ абу нин, сійӧ вӧчӧма аслыс бордъяс да кутш моз лэбзьӧма енэжлань.

Еклесиаст 7:20

Му вылас абу веськыда олысьыс, коді эськӧ мыжсӧ эз вӧчлы, а сӧмын бурсӧ.

Исай 39:2

Езекей нимкодясис локтысьяс вӧсна. Сійӧ петкӧдліс налы ассьыс озырлун видзанінъяссӧ да ставсӧ, мый сэні вӧлі: эзысь-зарни, чӧскыд ӧвтанторъяс да дона мавтасъяс. Нӧшта петкӧдліс шыпурт видзанінсӧ. Ӧксы керкаысь да аслас муысь Езекей петкӧдліс налы став озырлунсӧ.

Еремей 9:22

Юӧрт тадзи: видз-му вылӧ шыблалӧм куйӧд моз шойясыс кутасны туплясьны му вылын. Вундӧм бӧрти чукӧрттӧм кольтаяс моз шойясыс пондасны сярвидзны му вылын, и некод найӧс оз чукӧрт, – висьталӧ Господь.