Ӧксыяслӧн 4 небӧг 2:3 - Коми Библия 2023

³ Вефильын Елисейлы воча петісны сэтчӧс пророк-велӧдчысьяс да шуисны: «Тӧдан-ӧ, мый талун Господь босьтас Ас дінас тэнсьыд ыджыдтӧ?» Елисей вочавидзис: «Тӧда. Но ті чӧв олӧй!»

Ӧксыяслӧн 4 небӧг 2:3 ပူးပေါင်းရင်းမြစ်များ

Ӧксыяслӧн 3 небӧг 18:4

Кор Езавель виаліс Господьлысь пророкъясӧс, Авдий отсаліс сё пророклы дзебсьыны кырта горсъясӧ: быд горсйӧ дзебсисны ветымын мортӧн. Авдий вердіс-юкталіс найӧс сэні.

Ӧксыяслӧн 3 небӧг 20:35

Господьлӧн тшӧктӧм серти ӧти пророк шуис мӧдлы: «Нӧйт менӧ». Но мӧдыс эз кут тайӧс вӧчны.

Ӧксыяслӧн 4 небӧг 2:15

Ериконысь локтӧм пророк-велӧдчысьяс аддзылісны, мый вӧчис Елисей, да шуисны, Иллялӧн лолыс пӧ Елисей вылын. Найӧ матыстчисны Елисей дінӧ да муӧдзыс копыртчӧмӧн

Ӧксыяслӧн 4 небӧг 2:5

Ериконын Елисей дінӧ матыстчисны сэтчӧс пророк-велӧдчысьяс да юалісны сылысь: «Тӧдан-ӧ, мый талун Господь босьтас Ас дінас тэнсьыд ыджыдтӧ?» Елисей вочавидзис: «Тӧда. Но ті чӧв олӧй!»

Ӧксыяслӧн 4 небӧг 2:7

Пророк-велӧдчысьяс пӧвстысь ветымынӧн мунісны на бӧрся. Кор Илля Елисейкӧд воисны Йӧрдан ю дорӧ, пророк-велӧдчысьяс сувтісны ылӧджык.

Ӧксыяслӧн 4 небӧг 4:1

Ӧти пророк-велӧдчысьлӧн гӧтырыс бӧрдӧмӧн висьталіс Елисейлы: «Менам верӧсӧй, тэнад кесйӧгыд, куліс. Тэ ачыд тӧдан, мый сійӧ оліс Господьысь полӧмӧн. А ӧні сійӧ мортыс, кодлы ми уджйӧзаӧсь, кӧсйӧ босьтны менсьым кыкнан пиӧс аслыс кесйӧг пыдди».

Ӧксыяслӧн 4 небӧг 4:38

Елисей бӧр локтіс Галгалӧ. Сэки сійӧ муас йӧзыс ёна тшыгъялісны. Ӧтчыд пророк-велӧдчысьяс пукалісны Елисей ордын. Елисей тшӧктіс аслас кесйӧглы пуктыны би вылӧ ыджыд пӧрт да пуны пророк-велӧдчысьяслы шыд.

Ӧксыяслӧн 4 небӧг 5:22

«Ставыс бур, – вочавидзис Гезий. – Ыджыдӧй ыстіс менӧ висьтавны, мый Ефрем керӧсвыв муысь локтісны сы дінӧ кык том пророк-велӧдчысь. Корӧ, мед тэ сетін налы ӧти талант эзысь да кык вӧччан паськӧм».

Ӧксыяслӧн 4 небӧг 6:1

Пророк-велӧдчысьяс шуисны Елисейлы: «Тайӧ вежӧсас, кӧні ми ӧні олам да велӧдчам, дзескыд миянлы.

Ӧксыяслӧн 4 небӧг 9:1

Елисей пророк корис ӧти пророк-велӧдчысьӧс да шуис сылы: «Вӧнясь, босьт тайӧ вый тыра дозсӧ да мун галаадса Рамот карӧ.

Исай 8:18

Со, ме да ныв-пи, кодъясӧс сетіс меным Господь, ми – Израильлы пас. Господь Саваоф, Сион керӧс вылын Олысь, водзвыв мӧдӧдіс тайӧ пассӧ Израильлы.

Амос 7:14

Амос вочавидзис Амасейлы: «Ме абу пророк и абу пророклӧн пи. Ме рӧдмӧда ыжъясӧс да чукӧрта инжир.

Ап. уджъяс 22:3

«Ме ачым иудей, чужи Киликияын Тарс карын, но быдми тані. Гамалиэл дорын менӧ велӧдісны батьяслӧн Индӧдӧ да тіян моз ме чорыда сулалі Ен дор.

Индӧд 33:3

Збыльысь Сійӧ радейтӧ Ассьыс войтырсӧ, став вежа войтырыс Сылӧн киын. Сылӧн кок дорын найӧ велӧдчӧны Сылӧн кывъясӧ.

Ӧксыяслӧн 1 небӧг 10:5

Та бӧрти тэ воан Енлӧн керӧс вылӧ, кӧні сулалӧны филистимса тышкайӧз [асланыс юралысьяскӧд]. Карас пыригад тэ паныдасян вись ваян мыльк вылысь лэччысь пророкъяскӧд. Ставныс найӧ пророкалӧны, а на водзвылын мунӧны арфаӧн, тимпанӧн, пӧлянӧн да гуслиӧн ворсысьяс.

Ӧксыяслӧн 1 небӧг 19:20

Саул мӧдӧдіс сэтчӧ кесйӧгъяссӧ, мед босьтны Давидӧс. Кор найӧ локтісны, аддзисны пророкъяслысь ыджыд чукӧр да Самуил веськӧдлысьсӧ. Найӧ ставныс пророкалісны. Сэки Енлӧн Лов лэччис Сауллӧн кесйӧгъяс вылӧ да найӧ тшӧтш кутісны пророкавны.