Ӧксыяслӧн 4 небӧг 2:24 - Коми Библия 2023

²⁴ Елисей бергӧдчис налань, видзӧдліс на вылӧ да ёрис Господь нимӧн. Сэки кык ош петісны вӧрсьыс да косявлісны зонпосни пӧвстысь нелямын кык зонкаӧс.

Ӧксыяслӧн 4 небӧг 2:24 ပူးပေါင်းရင်းမြစ်များ

Олӧм 9:25

да шуис: «Ёрӧма Ханаанӧс, сійӧ лоас кесйӧгӧн вокъясыслӧн кесйӧгъяслы».

Ӧксыяслӧн 2 небӧг 17:8

Тэ ӧд тӧдан ассьыд батьтӧ да сылысь йӧзсӧ. Найӧ повтӧмӧсь да зэв скӧрӧсь, ошпиянсӧ воштӧм ош кодьӧсь [да видз вылын шӧйтысь скӧр кабан кодьӧсь]. Тэнад батьыд зэв сюсь веськӧдлысь, сійӧ оз ӧтилаын кут узьлыны аслас тышкайӧзкӧд.

Ӧксыяслӧн 3 небӧг 13:24

Енлӧн морт петіс туйӧ. Туй вылас сы вылӧ уськӧдчис лев да косявліс сійӧс. Сылӧн шойыс куйліс туй вылын, а лев да осёл сулалісны орччӧн.

Ӧксыяслӧн 3 небӧг 19:17

Азаиллӧн шыпуртысь пышйысьӧс виас Еху, а Ехулӧн шыпуртысь пышйысьӧс виас Елисей.

Ӧксыяслӧн 3 небӧг 20:36

Сэки пророк шуис: «Сыысь, мый тэ эн кывзысь Господьлысь, тэнӧ косявлас лев, кор тэ мунан ме дінысь». Кор тайӧ мортыс муніс, сылы паныдасис лев да косявліс сійӧс.

Ӧксыяслӧн 4 небӧг 2:25

А Елисей муніс водзӧ да кайис Кармил керӧсӧ. Сэтысянь сійӧ бӧр локтіс Самария карӧ.

Петӧм 20:5

Эн копрась да эн юрбит налы, ӧд Ме, Господь, тэнад Ен – вежӧгтысь Ен. Батьныслӧн мыж вӧсна Ме водзӧс перъя Менӧ мустӧмтысь челядьыслысь коймӧд да нёльӧд чужанвужйӧдз.

Шусьӧгъяс 17:12

Йӧй руа вежӧртӧм морткӧд паныдасьӧм дорысь бурджык паныдасьны пиянсӧ воштӧм ошкӧд.

Шусьӧгъяс 19:29

Мывкыдлунсӧ омӧльтысьӧс мыждӧм виччысьӧ, мывкыдтӧмлысь мышкусӧ – орс.

Шусьӧгъяс 28:15

Эргысь лев да тшыг ош – татшӧм лёк юралысь гӧль войтырлы.

Еремей 28:16

Та вӧсна Господь тадзи висьталӧ: Ме чышкышта тэнӧ му вывсьыс. Тайӧ вонас тэ кулан, ӧд тэ ышӧдін тайӧ войтырсӧ Господьлы паныд кыпӧдчыны».

Бӧрданкыв 3:65

Пемдӧд налысь вежӧрсӧ, ысты на вылӧ Ассьыд ёрӧмтӧ.

Осий 13:8

Пиянсӧ воштӧм ош моз Ме уськӧдча тэ вылӧ, косявла морӧс кудсьыд сьӧлӧмтӧ, лев моз сёя тэнӧ, звер моз чашъя тэнӧ.

Левит 26:22

Мӧдӧда тіян вылӧ зверъясӧс, и найӧ гусявласны ныв-пинытӧ да косявласны ыж-мӧснытӧ. Ті кутанныд чинӧмӧн чинны, и тіян туйяс вывті ветлысь-мунысьыс оз ло.

Амос 7:17

Та вӧсна Господь тадзи висьталӧ: – Тайӧ карас гӧтырыд лоас кырсалысь аньӧн, ныв-пиыд кулас шыпурт помысь, мутӧ мурталӧмӧн юкласны. Пеж муын тэ кулан, а Израиль войтырӧс нуӧдасны пленӧ».

Марк 11:14

Исус шуис пуыслы: «Ӧнісянь оз пондыны сёйны тэнсьыд вотӧстӧ». Велӧдчысьясыс кывлісны тайӧс.

Марк 11:21

Петырлы тӧд вылас уси Исуслӧн шуӧмыс. Сійӧ шуис Исуслы: «Велӧдысьӧй, видзӧдлы! Инжир пуыд, кодӧс Тэ ёрин, косьмӧма».

Ап. уджъяс 5:5

Тайӧс кылӧм бӧрын Ананий усис да сылӧн лолыс петіс. Та йылысь кывлысьясӧс ставнысӧ ыджыд полӧм босьтіс.

Ап. уджъяс 5:9

Петыр шуис: «Мыйла нӧ сёрнитчӧмныд пӧрйӧдлыны Господьлысь Ловсӧ? Кылан-ӧ ӧдзӧс сайысь кок шыяссӧ? Тэнсьыд верӧстӧ гуалысьяс локтӧны, ӧні тэнӧ тшӧтш петкӧдасны».

Ап. уджъяс 8:20

Петыр шуис сылы: «Тэнад эзысьыд мед сісьмас тэкӧд тшӧтш. Тэ мӧвпыштін ньӧбны Енмыслысь козинсӧ!

2 Коринфӧ 10:6

Ми дасьӧсь мыждыны быдпӧлӧс кывзысьтӧмлунысь, но сӧмын сэки, кор ті асьныд кутанныд тырвыйӧ кывзысьны.

Ёрдысьяс 9:20

А энӧ кӧ веськыда вӧчӧй, Авимелексянь мед петас би да ньылыштас Сикем да Бет-Милло каръясын олысьясӧс, и мӧдарӧ, Сикем да Бет-Милло каръясын олысьяссянь мед петас би да ньылыштас Авимелекӧс!»

Ёрдысьяс 9:57

Енмыс водзӧс перйис тшӧтш Сикем карса олысьяслысь став налӧн лёк вӧчӧмысь. Найӧс суис Ероваал Иотам пилӧн ёрӧмыс.