Ӧксыяслӧн 4 небӧг 2:2 - Коми Библия 2023

² Илля шуис Елисейлы: «Тэ кольччы татчӧ, а менӧ Господь тшӧктӧ мунны Вефильӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ ӧтлаын мунісны Вефильӧ.

Ӧксыяслӧн 4 небӧг 2:2 ပူးပေါင်းရင်းမြစ်များ

Олӧм 28:19

Тайӧ местасӧ Яков нимтіс Вефильӧн, а таӧдз нимыс вӧлі Луз.

Ӧксыяслӧн 3 небӧг 12:28

Туйдӧдысьяскӧд сёрнитчӧм бӧрын Еровам ӧксы вӧчис кык зарни ӧшкӧс. Сэсся шуис войтырыслы: «Тіянлы оз ков ветлыны Ерусалимӧ. Израиль, со тэнад енъясыд, кодъяс петкӧдісны тэнӧ Египетысь».

Ӧксыяслӧн 3 небӧг 12:29

Ӧти ӧшсӧ сійӧ сувтӧдіс Вефильӧ, а мӧдсӧ – Данӧ.

Ӧксыяслӧн 3 небӧг 12:33

Аслас индӧм лунӧ – кӧкъямысӧд тӧлысьлӧн дас витӧд лунӧ – Еровам дасьтіс израильсаяслы гаж. Вефильӧ сувтӧдӧм висьпуктанін вылын сійӧ вайис висьяс да тшынӧдчис.

Ӧксыяслӧн 4 небӧг 2:23

Ериконсянь Елисей муніс Вефильӧ. Туй кузя мунігас карсьыс петісны зонпосни да пондісны серавны сы вылын: «Куш юра, мун татысь! Куш юра, мун татысь!»

Ӧксыяслӧн 4 небӧг 2:4

Илля шуис Елисейлы: «Кольччы татчӧ, Елисей, а менӧ Господь тшӧктӧ мунны Ериконӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ ӧтлаын мунісны Ериконӧ.

Ӧксыяслӧн 4 небӧг 2:6

Илля бара шуис Елисейлы: «Кольччы татчӧ, а менӧ Господь тшӧктӧ мунны Йӧрдан ю дорӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ водзӧ мунісны.

Ӧксыяслӧн 4 небӧг 4:30

Зонкалӧн мамыс шуис: «Ловъя Господь водзын да тэ водзын шуа: тэтӧг ме ог мун». Сэки Елисей тшӧтш муніс анькӧд.

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

1 Иоан 2:19

Найӧ петісны миян пӧвстысь, но найӧ эз вӧвны миянкӧд ӧтув. Вӧліны кӧ миянкӧд ӧтув, кольччисны эськӧ миянкӧд. Но налӧн петӧмыс висьталӧ, мый найӧ абу миянкӧд.

Ӧксыяслӧн 1 небӧг 1:26

Анна шуис: «Ыджыдӧй, ме кыв сета тэ водзын, мый ме дзик сійӧ аньыс, коді коркӧ сулаліс тані тэ водзын да кевмысис Господьлы.

Ӧксыяслӧн 1 небӧг 17:55

Кор Давид петіс филистимсалы паныд, Саул юаліс тышкайӧзӧн веськӧдлысьыслысь: «Авенир, тайӧ том зонкаыс кодлӧн пиыс?» Авенир вочавидзис: «Ӧксыӧй, ме збыльысь ог тӧд».

Ӧксыяслӧн 1 небӧг 25:26

Ловъя Господь водзын да тэ водзын, ыджыдӧй, шуа, мый Господь оз лэдз тэныд вир кисьтны да водзӧс перйыны. Ыджыдӧй, тэнӧ мустӧмтысьяскӧд да лёксӧ вӧчысьяскӧд мед лоас сійӧ жӧ, мый виччысьӧ Навалӧс.