Ӧксыяслӧн 4 небӧг 2:1 - Коми Библия 2023

¹ Со кыдзи Господь тӧвнырӧн кыпӧдіс Илляӧс енэжӧ. Кор Илля Елисейкӧд вӧлі мунӧны Галгал карысь,

Ӧксыяслӧн 4 небӧг 2:1 ပူးပေါင်းရင်းမြစ်များ

Олӧм 5:24

Енок кывзысис Енлысь став олӧм чӧжыс. Сэсся сійӧ эз ло, ӧд Енмыс босьтіс сійӧс Ас дінас.

Ӧксыяслӧн 3 небӧг 18:12

Ме кӧ ӧні муна тэ дінысь, Господьлӧн Лолыс нуас тэнӧ код тӧдас кытчӧ. И кор ме висьтала Ахавлы, мый тэ тані, а сійӧ оз аддзы тэнӧ, сэки виас менӧ. А ме, тэнад кесйӧг, том кадсянь ола Господьысь полӧмӧн.

Ӧксыяслӧн 3 небӧг 19:11

Господь шуис: «Пет да сувт керӧс вылӧ Господь водзӧ. Господь мунас тэ дінті». Кыпӧдчис ыджыд тӧвныр, сійӧ поткӧдліс керӧсъяс да жугліс изкыртаяс. Тӧвнырыс муніс Господь водзвылын, но Господь эз вӧв тӧвнырын. Тӧвныр бӧрти заводитчис му вӧрӧм, но Господь эз вӧв му вӧрӧмын.

Ӧксыяслӧн 3 небӧг 19:4

ачыс муніс овтӧминӧ лунтыр мунан ылнаӧ да пуксис пу улӧ. Сэні пондіс кевмыны аслыс кулӧм: «Тырмас, Господьӧй, меным овнысӧ. Босьт менсьым лолӧс, ме ӧд абу бурджык аслам батьяс дорысь».

Ӧксыяслӧн 4 небӧг 1:18

Ахазий ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма израильса ӧксыяслӧн каднебӧгӧ.

Ӧксыяслӧн 4 небӧг 2:11

Мунігмозныс Илля да Елисей сёрнитісны ас костаныс. Виччысьтӧг тыдовтчисны биа тарантаса вӧвъяс да торйӧдісны найӧс. Тӧвныр кыпӧдіс Илляӧс енэжӧ.

Ӧксыяслӧн 4 небӧг 4:38

Елисей бӧр локтіс Галгалӧ. Сэки сійӧ муас йӧзыс ёна тшыгъялісны. Ӧтчыд пророк-велӧдчысьяс пукалісны Елисей ордын. Елисей тшӧктіс аслас кесйӧглы пуктыны би вылӧ ыджыд пӧрт да пуны пророк-велӧдчысьяслы шыд.

Иов 38:1

[Кор Элиху помаліс сёрнисӧ,] Господь шыасис Иов дінӧ бушков пытшсянь:

Лука 9:51

Кор матыстчис Исусӧс енэжӧ босьтан луныс, Сійӧ шуис мунны Ерусалимӧ.

Ап. уджъяс 1:9

Тайӧс висьталӧм бӧрын налӧн син водзын Исус кыпӧдчис енэжӧ. Кымӧрыс кыпӧдіс Сійӧс налӧн син водзсьыныс.

Еврейяслы 11:5

Эскӧм вӧсна Енокӧс вӧлі кыпӧдӧма енэжас кулӧмсӧ тӧдлытӧг. Сійӧ эз ло, ӧд Енмыс босьтіс сійӧс Ас дінас. Таӧдз на Еноклы вӧлі шуӧма, мый сійӧ шогмана Енмыслы.

Нав Исус 4:19

Медводдза тӧлысьлӧн дасӧд лунӧ Израиль войтыр вуджис Йӧрдан ю да сувтіс Галгалӧ. Сэтчӧ, Ериконсянь асыввылӧ, найӧ сувтӧдісны чомъяснысӧ.

Нав Исус 5:9

Господь шуис Исуслы: «Египетын яналӧмнытӧ талун Ме вешті тіян вылысь». Та вӧсна тайӧ местаыс ӧнӧдз шусьӧ Галгал.

Восьтӧм 11:12

Висьталысьяс кылісны енэжсяньыс гора шы. Сійӧ шуис налы: «Кыпӧдчӧй татчӧ!» Сэки найӧ кыпӧдчисны енэжас кымӧр вылын, а найӧс мустӧмтысьяс видзӧдісны на вылӧ.