Ӧксыяслӧн 4 небӧг 19:7 - Коми Библия 2023

⁷ Ме ыста ассурса ӧксы пытшкӧ сэтшӧм лов, мый юӧр кылӧм бӧрти сійӧ бӧр бергӧдчас аслас муӧ. Сэні Ме вӧча сідзи, мый сійӧ кулас шыпурт помысь”».

Ӧксыяслӧн 4 небӧг 19:7 ပူးပေါင်းရင်းမြစ်များ

Ӧксыяслӧн 4 небӧг 19:28

Тэ кыпӧдчин Меным паныд, тэнад ышнясьӧмыд воис Менам пельӧдз. Таысь Ме сюя тэнад ныр розьӧ кольча да кӧртвомала тэнӧ, сэсся бӧр ыста тэнӧ сійӧ туйӧдыс, кыті тэ локтін.

Ӧксыяслӧн 4 небӧг 19:33

Сійӧ бӧр мунас сійӧ туйӧдыс, кыті локтіс, тайӧ карас сійӧ оз пыр, – висьталӧ Господь. –

Ӧксыяслӧн 4 небӧг 7:6

Господь вӧчис сідзи, мый арамейяс кылісны тарантас шыяс, вӧвъяслысь гӧрдлӧм да уна тышкайӧзлысь шы. Арамейяс шуалісны ӧта-мӧдныслы: «Израильса ӧксы, буракӧ, медаліс хеттейяслысь да египетсаяслысь ӧксыясӧс, мед уськӧдчыны миян вылӧ».

2 Каднебӧг 32:21

Сэки Господь мӧдӧдіс анделӧс, и сійӧ бырӧдіс ассурса ӧксылысь став вына тышкайӧзсӧ да налысь юралысь-веськӧдлысьяссӧ. Ассурса ӧксы яналӧмӧн бӧр бергӧдчис аслас муӧ. Кор сійӧ пырис аслас енлӧн крамӧ, сэні сылӧн пияныс виисны сійӧс шыпуртӧн.

Иов 15:21

Повзьӧдлан шы жвиньгӧ сылӧн пеляс, лӧньлун дырйи локтӧ сійӧс бырӧдысь.

Иов 4:9

Енлӧн лолыштӧмысь найӧ кулӧны, Сылӧн скӧрлуна пӧльыштӧмысь бырӧны.

Псалтыр 11:6

Но Господь висьталӧ: «Ме сувта, медым мездыны коньӧръясӧс дзескӧдӧмысь, медым отсавны гӧльяслы налӧн шог дырйи. Доръя сійӧс, кодӧс кӧсйӧны кыйны».

Псалтыр 50:3

Енмӧй, Аслад буралӧмыд кузя ло бур сьӧлӧма ме дінӧ, Аслад ыджыд бурлуныд кузя чышкышт менсьым мыжъясӧс.

Исай 11:4

Сійӧ веськыда мыждас коньӧръясӧс, гӧльясӧс доръяс збыльыс серти. Аслас чорыд кывнас сійӧ чирыштас мувывса олысьясӧс, аслас ловшынас виас лёк вӧчысьясӧс.

Еремей 49:14

– Ме кывлі Господьсянь, мый войтыръяс дінӧ мӧдӧдӧма юӧртысьӧс, сійӧс мӧдӧдӧма шуны: «Чукӧртчӧй, петӧй тышӧ, уськӧдчӧй Эдом вылӧ!»

Еремей 51:1

Господь тадзи висьталӧ: – Ме кыпӧда бырӧдан тӧвныр Вавилон да сэні олысьяс вылӧ, Меным паныд сувтысьяс вылӧ.

Еремей 51:46

Тіян сьӧлӧмныд мед оз тірав, энӧ полӧй юӧрысь, мый разалӧ му пасьталаыс. Ӧти воӧ локтӧ ӧтипӧлӧс юӧр, мӧд вонас – мӧдпӧлӧс юӧр, му вылын виалӧны-дзескӧдӧны, юралысь кыпӧдчӧ юралысьлы паныд.

Авдий 1:1

Авдийлы Енсянь восьтӧм. Ми кывлім Господь Ыджыдсянь, Сійӧ Эдом йылысь висьталіс, мый войтыръяс дінӧ мӧдӧдӧма юӧртысьӧс, сійӧс мӧдӧдӧма шуны: «Чеччӧй, петамӧй тышӧ Эдомлы паныд!»