Ӧксыяслӧн 4 небӧг 19:3 - Коми Библия 2023

³ Езекей тшӧктіс висьтавны Исайлы: «Тайӧ луныс – шогалан да мыждан-янӧдан лун. Чужысь кага дась нин петны мам кынӧмысь, но мамлӧн абу выныс чужтынысӧ.

Ӧксыяслӧн 4 небӧг 19:3 ပူးပေါင်းရင်းမြစ်များ

Ӧксыяслӧн 4 небӧг 18:29

Сійӧ тадзи висьталӧ: ”Энӧ кывзӧй Езекейӧс, сійӧ ылӧдлӧ. Сійӧ оз вермы мездыны тіянӧс менам киысь.

Ӧксыяслӧн 4 небӧг 19:2

Езекей мӧдӧдіс Исай пророк дінӧ, Амослӧн пи дінӧ, ӧксы керкаӧн веськӧдлысь Элякимӧс, гижалысь Шевнайӧс да юрнуӧдысь попъясӧс. Ставныс найӧ вӧліны шогалан паськӧмаӧсь.

Ӧксыяслӧн 4 небӧг 19:4

Гашкӧ, Господь, тэнад Енмыд, кылас ассурса ӧксылӧн эскана мортлысь кывъяссӧ. Сылӧн ыджыдыс, ассурса ӧксы, мӧдӧдіс сійӧс, медым омӧльтны ловъя Енмӧс. Гашкӧ, Господь, тэнад Енмыд, мыждас сійӧс омӧльтана кывъяссьыс. Кевмысь ловйӧн кольӧмаяс вӧсна».

Псалтыр 39:11

Тэнсьыд веськыдлунтӧ ме эг дзеблы, а восьсӧн висьтавлі, мый Тэ эскана Мездысь. Тэнад войтырлӧн ыджыд чукӧртчӧмын ме висьтавлі Тэнад буралӧмыд да збыльыд йылысь.

Псалтыр 95:8

ошкӧй Господьлысь нимсӧ, локтӧй Сылӧн крамбердса йӧръясӧ, вайӧй Сылы козинъяс,

Исай 66:9

– Ме ӧмӧй ог сет чужтынысӧ, вайӧда кӧ кагасӧ чужтӧмӧдз? – висьталӧ Господь. – Ме кӧ чужтысьлы сета вын, тупка ӧмӧй чужысьлы петан туйсӧ? – висьталӧ тэнад Енмыд.

Осий 13:13

Чужтан дойяс топӧдӧны сійӧс, но сійӧ вежӧртӧм кага кодь, кодлы воис кад чужны, но сійӧ оз пет.

Осий 5:15

Ме бӧр локта Аслам оланінӧ да кута виччысьны, кытчӧдз найӧ оз гӧгӧрвоны мыжнысӧ да оз пондыны корсьны Менӧ.