Ӧксыяслӧн 4 небӧг 19:20 - Коми Библия 2023

²⁰ Амослӧн Исай пиыс мӧдӧдіс мортӧс да тшӧктіс висьтавны Езекейлы: «Господь, Израильлӧн Ен тадзи висьталӧ: ”Тэ кевмысин Меным, кор ассурса Сеннахирим ӧксы повзьӧдліс тэнӧ, и Ме кылі тэнӧ”.

Ӧксыяслӧн 4 небӧг 19:20 ပူးပေါင်းရင်းမြစ်များ

Ӧксыяслӧн 2 небӧг 15:31

Давидлы юӧртісны, Ахитофел пӧ ӧтувтчӧма Авессаломкӧд. Сэки Давид пондіс кевмысьны: «Господьӧй, [Енмӧй,] вӧч сідзи, мед Ахитофеллӧн шуӧм-вӧзйӧмыс лоӧ мывкыдтӧм вӧзйӧмӧн».

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Ӧксыяслӧн 4 небӧг 18:13

Езекей ӧксылӧн дас нёльӧд веськӧдлан воӧ ассурса Сеннахирим ӧксы уськӧдчис иудаса изкаръяс вылӧ да босьтіс найӧс.

Ӧксыяслӧн 4 небӧг 20:5

«Бӧр бергӧдчы да висьтав Езекейлы, Менам войтырлӧн юралысьлы, мый Господь, Давид пӧльыдлӧн Ен, тадзи висьталӧ: ”Ме кылі тэнсьыд кевмӧмтӧ да аддзи тэнсьыд синватӧ. Ме бурдӧда тэнӧ. Кык лун мысти тэ мунан Господьлӧн крамӧ.

Иов 22:27

Кевмысян Сылы, и Сійӧ кылас тэнӧ, и тэ вӧчан, мый кӧсйысьлін.

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Псалтыр 65:2

Сьылӧмӧн ошкӧй Сылысь нимсӧ, кыпӧдӧй Сылы ошкӧмсӧ да нимӧдӧмсӧ.

Псалтыр 65:3

Шуӧй Енмыслы: «Тэнад уджъясыд повзьӧдланаӧсь! Тэнад кипод улӧ сетчасны Тэныд паныд сувтысьяс, ӧд Тэнад выныд вывті ыджыд.

Исай 58:9

Тэ шыасян Господь дінӧ, и Сійӧ кылас тэнӧ, тэ чукӧстан Сійӧс отсӧг вылӧ, и Сійӧ шуас: «Ме тані». Бырӧдан кӧ ас пӧвстсьыд быдпӧлӧс сьӧктӧдан сийӧс, дугдан кӧ мӧд вылӧ индавны чуньнад да паськӧдны лёк сёрнияс,

Исай 65:24

Найӧ оз на удитны шыасьны Ме дінӧ, а Ме налы вочавидза нин. Найӧ пондасны на висьтавны, а Ме найӧс кыла нин.

Еремей 33:3

Шыась Ме дінӧ, и Ме вочавидза тэныд, юӧрта тэныд ыджыдторъяс йылысь, мый тэ он на тӧд да он гӧгӧрво.

Иоан 11:42

Ме тӧда, мый Тэ век кылан Менӧ. Но тайӧс Ме шуи тані сулалысь йӧзыс вӧсна, медым найӧ эскисны, мый Тэ Менӧ мӧдӧдін».

Ап. уджъяс 10:31

да шуис, Корнилий, Енмыс пӧ кылӧма тэнсьыд кевмысьӧмтӧ да аддзӧма гӧльяслы отсасьӧмтӧ.

Ап. уджъяс 10:4

Повзьӧмпырысь андел вылӧ видзӧдлӧмӧн Корнилий шуис: «Мый, Ыджыдӧй?» Андел шуис сылы: «Енмыс кылӧма тэнсьыд кевмысьӧмтӧ да аддзӧма гӧльяслы отсасьӧмтӧ.