Ӧксыяслӧн 4 небӧг 18:29 - Коми Библия 2023

²⁹ Сійӧ тадзи висьталӧ: ”Энӧ кывзӧй Езекейӧс, сійӧ ылӧдлӧ. Сійӧ оз вермы мездыны тіянӧс менам киысь.

Ӧксыяслӧн 4 небӧг 18:29 ပူးပေါင်းရင်းမြစ်များ

Ӧксыяслӧн 4 небӧг 18:28

Ассурса ӧксылӧн эскана морт сувтіс да еврей кыв вылын гораа шуис: «Кывзӧй ассурса ыджыд ӧксылысь кывъяссӧ.

Ӧксыяслӧн 4 небӧг 18:30

Энӧ эскӧй Езекейлы! Сійӧ ышӧдӧ тіянӧс Господь вылӧ лача кутны, да эскӧдӧ, мый Господь мездас тіянӧс, и карнытӧ оз ло сетӧма ассурса ӧксы киӧ”.

2 Каднебӧг 32:11

Езекей шуӧ, мый Господь, тіян Енныд, мездас тіянӧс ассурса ӧксылӧн киысь. Но тадзи шуалігӧн сійӧ ылӧдлӧ тіянӧс, и ті куланныд тшыгныдла да горш косьмӧмныдла.

2 Каднебӧг 32:15

Сідзкӧ, энӧ лэдзӧй Езекейлы ылӧдлыны тіянӧс. Энӧ эскӧй сылы. Оз сюр сэтшӧм войтырыс, кодлӧн енмыс эськӧ вермис мездыны ассьыс войтырсӧ менам киысь да менам батьяслӧн киысь. Тіян Енныд сідзжӧ оз мезды тіянӧс менам киысь”».

Даниил 6:16

Сэки ӧксы тшӧктіс вайӧдны Даниилӧс да шыбитны сійӧс левъяслӧн гуӧ. Ӧксы шуис Данииллы: «Тэнад Енмыд, кодлы тэ дугдывтӧг кесъялан, мед мездас тэнӧ!»

2 Фессалоникаӧ 2:4

Енлы паныд сувтысь. Сійӧ пуктас асьсӧ ставсьыс вылӧ, мый шуӧма енмӧн да вежаӧн. Сійӧ пуксяс Енлӧн крамӧ да шуас асьсӧ Енмӧн.

2 Фессалоникаӧ 2:8

сэки паныд сувтысь воссяс. Но Господь Исус локтігас виас сійӧс Аслас лолыштӧмнас да бырӧдас сійӧс Аслас дзирдлуннас.