Ӧксыяслӧн 4 небӧг 18:24 - Коми Библия 2023

²⁴ Тэ он вермы вӧтлыны аслад муысь весиг ӧти веськӧдлысьӧс, менам ыджыдлы медічӧт кесъялысьӧс. Но тэ лача кутан Египет вылӧ, сылӧн тарантасъяс да вӧвъяс вылӧ!

Ӧксыяслӧн 4 небӧг 18:24 ပူးပေါင်းရင်းမြစ်များ

Олӧм 50:9

Мунысьыс вӧлі вывті уна. Мунісны и тарантасъяс, и верзьӧмаяс.

Ӧксыяслӧн 3 небӧг 20:10

Бен-Хадад воча юӧр ыстіс Ахавлы: «Енъяс мед ёна мыждасны менӧ, Самарияысь кӧ весиг китыр пӧим сюрас менам быд тышкамортлы».

Ӧксыяслӧн 4 небӧг 18:21

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.

Ӧксыяслӧн 4 небӧг 18:23

Ассурса ӧксылӧн эскана морт водзӧ тшӧктіс висьтавны Езекейлы: «Ӧтувтчы менам ыджыдкӧд, ассурса ӧксыкӧд. Ме сета тэныд кык сюрс вӧв, сюрас кӧ тэнад та мында верзьӧмаыс.

Ӧксыяслӧн 4 небӧг 18:25

Ме ӧд Господьлӧн кӧсйӧм серти локті татчӧ, медым бырӧдны тайӧ мусӧ. Господь Ачыс шуис меным: ”Мун да бырӧд сійӧ мусӧ”».

Исай 10:8

Сійӧ шуӧ: «Став менам веськӧдлысыс – ӧксыяс!

Исай 30:1

Курыд шог кывзысьтӧмъяслы, – висьталӧ Господь. – Найӧ сёрнитчӧны, но Метӧг, кӧрталӧны йитӧд, но оз Менам кӧсйӧм серти. Тадзи найӧ мыж дінӧ мыж содтӧны.

Исай 31:1

Курыд шог налы, кодъяс мунӧны Египетӧ отсӧгла! Найӧ лача кутӧны вӧвъяс вылӧ, тарантасъяслӧн уна лыдыс вылӧ да верзьӧмаяслӧн выныс вылӧ, а Израильлӧн вежа Ен вылӧ оз видзӧдны, Господь дінӧ отсӧгла оз шыасьны.

Исай 31:3

Египетсаяс – йӧз, абу Ен, налӧн вӧвъясыс – вир-яй, абу лов. Господь лэптас Ассьыс кисӧ, и отсӧг сетысьяс крукасясны, а кодлы отсалісны, найӧ тшӧтш усясны – ставныс ӧтвылысь куласны.

Исай 36:6

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.

Исай 36:9

Тэ он вермы вӧтлыны аслад муысь весиг ӧти веськӧдлысьӧс, менам ыджыдлы медічӧт кесъялысьӧс. Но тэ лача кутан Египет вылӧ, сылӧн тарантасъяс да вӧвъяс вылӧ!

Еремей 37:7

«Господь, Израильлӧн Ен, тадзи висьталӧ: иудаса ӧксылы, коді мӧдӧдіс юавны Менсьым, висьталӧй, мый фараонлӧн тышкайӧзыс, кодъяс вӧлі локтӧны тіянлы отсӧг вылӧ, бӧр бергӧдчасны асланыс муӧ, Египетӧ.

Езекиль 17:15

Но иудаса ӧксы кыпӧдчис вавилонса ӧксылы паныд. Сійӧ мӧдӧдіс ассьыс йӧзсӧ Египетӧ, медым найӧ ваясны сэтысь вӧвъясӧс да уна лыда тышкайӧзӧс. Но лоӧ-ӧ сылы бур? Сёрнитчӧмсӧ торкысь морт оз пышйы мыждӧмысь.

Езекиль 17:17

Кор вавилонсаяс лэптасны Ерусалим кар гӧгӧр тымӧдъяс, медым бырӧдны уна йӧзӧс, фараон аслас уна да вына тышкайӧзыскӧд оз отсав сылы тышын.

Езекиль 29:6

Сэки Египетын став олысьыс тӧдмалас, мый Ме – Господь. Египет, тэ вӧлін Израиль войтырлы вӧсньыдик бедь кодь мыджӧдӧн.

Даниил 4:22

Тэнӧ вӧтласны йӧз дінысь, и тэ пондан овны пемӧсъяскӧд ӧтлаын. Ӧшкӧс моз тэнӧ пондасны вердны турунӧн, тэнӧ пондас кӧтӧдны лысва. Тадзи лоӧ сизим во чӧж, кытчӧдз тэ он гӧгӧрво, мый Медвылыссаыс ыджыдалӧ мувывса став йӧзыс вылын да пуктӧ ӧксыӧ, кодӧс кӧсйӧ.

Индӧд 17:16

Ӧксыныд мед оз лӧсьӧд уна вӧв да оз мӧдӧд ассьыс йӧзсӧ Египетӧ, медым ньӧбны сэтысь вӧвъясӧс. Ӧд Господь шуис тіянлы, сэтчӧ пӧ бӧрсӧ энӧ бергӧдчӧй.