Ӧксыяслӧн 4 небӧг 18:12 - Коми Библия 2023

¹² Тайӧ ставыс суис Израиль войтырӧс сы понда, мыйла найӧ эз кывзысьны асланыс Господь Енлысь, торкисны Господьлысь йитӧдсӧ, мый Сійӧ кӧрталіс накӧд, торкисны став индӧд-тшӧктӧмсӧ, мый сетліс налы Мӧисей, Господьлӧн кесйӧг. Найӧ эз кывзыны сылысь тшӧктӧмъяссӧ да эз овны на серти.

Ӧксыяслӧн 4 небӧг 18:12 ပူးပေါင်းရင်းမြစ်များ

Ӧксыяслӧн 3 небӧг 9:6

Но ті да тіянсянь чужысьяс кӧ кежанныд Меысь, онӧ кутӧй овны Менам индӧд-тшӧктӧмъяс серти, мый Ме сеті тіянлы, кутанныд кӧ кесъявны да юрбитны мукӧд енъяслы,

Ӧксыяслӧн 4 небӧг 21:8

Израиль войтыр кӧ кутас овны сы серти, мый Ме тшӧкті налы, да Менам Мӧисей кесйӧгӧн налы сетӧм Индӧд серти, Ме ог вӧтлы найӧс сійӧ мусьыс, мый Ме сеті налӧн батьяслы».

Неемий 9:17

Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

Псалтыр 78:10

Мыйла лэдзан войтыръяслы шуасьны: «Кӧні налӧн Енмыс?» Тэнад кесйӧгъяслысь вирсӧ кисьтӧмысь сет миянлы аддзыны водзӧс перйӧмтӧ. Та йылысь мед тӧдмаласны войтыръяс!

Исай 1:19

Ті кӧ кӧсйысянныд кывзысьны Менсьым, сэки кутанныд пӧткӧдчыны муыслӧн сетӧмторйӧн.

Еремей 3:8

Израиль войтыр эновтіс Менӧ. Тадзи найӧ пежалісны йитӧдӧс, мый Ме кӧрталі накӧд. Та вӧсна Ме сеті Израиль войтырлы торйӧдчан гижӧд да вӧтлі сійӧс Ас дінысь. Ме аддзылі, мый та вылӧ видзӧдтӧг Иуда, сылӧн ылӧдчысь чойыс, эз повзьы, но ачыс кырсалысь ань моз тшӧтш сетчис мукӧд енъяслы.

Еремей 7:23

Ме тшӧкті налы кывзысьны Менсьым да овны Менам тшӧктӧм серти, медым налы вӧлі бур. Ме кӧсйыси, мый сэки лоа налӧн Енмӧн, а найӧ лоасны Менам войтырӧн.

Езекиль 11:12

Сэки ті тӧдмаланныд, мый Ме – Господь. Ті ӧд энӧ олӧй Менам индӧд-тшӧктӧмъяс серти, а олінныд тіян гӧгӧр олысь войтыръяслӧн индӧдъяс серти».

Даниил 9:5

Ми мыж вӧчим да лёкнога олім. Ми лёксӧ вӧчим да кыпӧдчим Тэныд паныд, ми ӧтдортім Тэнсьыд индӧд-тшӧктӧмъястӧ.

Амос 2:6

Господь тадзи висьталӧ: Израиль войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд вузалӧны веськыда олысьӧс эзысь сьӧмысь, гӧльӧс – кӧмкот гозйысь.

Микей 3:4

Сэсся ті шыасянныд Господь дінӧ, но Сійӧ оз кыв тіянӧс, Сійӧ тупкас чужӧмсӧ тіян лёк вӧчӧмныд понда.

Лыд 12:7

Но Аслам Мӧисей кесйӧгкӧд ог сідзи сёрнит, ӧд сійӧ кывзысьӧмӧн кесъялӧ Менам керкаын.

Индӧд 11:28

Ёрӧмыс лоӧ тіянлы, ті кӧ онӧ кутӧй овны асланыд Господь Енлӧн индӧд-тшӧктӧмъяс серти, кежанныд кӧ туйсьыс, кытчӧ ме веськӧда тіянӧс талун, да мунанныд тіянлы тӧдтӧм енъяс бӧрся.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Индӧд 31:17

Сійӧ лунӧ Ме скӧрма на вылӧ да эновта найӧс. Ме тупка Ассьым чужӧмбанӧс наысь, и уна шог да сьӧкыдлун суас найӧс. Сійӧ лунӧ найӧ шуасны, мый шогъясыс суисны найӧс сы вӧсна, мый [Господь] налӧн Енныс абу накӧд.

Индӧд 34:5

Мӧисей, Господьлӧн кесйӧг, куліс Моав муын, кыдзи шуис Господь.

Индӧд 8:20

Онӧ кӧ кутӧй кывзысьны Господьлысь, асланыд Енлысь, ті быранныд сійӧ войтыръясыс моз, кодъясӧс Господь [Ен] бырӧдӧ тіян водзысь».

2 Фессалоникаӧ 1:8

ыпъялан би пытшкын да мыждас найӧс, кодъяс оз тӧдны Енсӧ да оз кывзыны миян Господь Исус Кристослысь Бур Юӧрсӧ.

2 Тимофейлы 2:24

Господьлӧн кесйӧг оз вензьы, мӧдарӧ, сійӧ быдӧнкӧд мелі, кужӧ велӧдны да оз дӧзмы.

Нав Исус 1:1

Кор Мӧисей, Господьлӧн кесйӧг, куліс, Господь шуис Навлӧн Исус пилы, Мӧисейлӧн отсасьысьлы:

1 Петыр 2:8

Найӧ крукасьӧны, ӧд Ен кывйыслысь оз кывзысьны. Тадзи налы шуӧма лоны.

1 Петыр 4:17

Мыждан кадыс матын нин, и медводз Енмыс кутас мыждыны Ассьыс войтырсӧ. Сідзкӧ, медводз кӧ кутас мыждыны миянӧс, сэки мый виччысьӧ найӧс, кодъяс оз кывзысьны Енлӧн Евангелльӧлысь?