Ӧксыяслӧн 4 небӧг 18:11 - Коми Библия 2023

¹¹ Ассурса ӧксы нуӧдіс израильсаясӧс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Ӧксыяслӧн 4 небӧг 18:11 ပူးပေါင်းရင်းမြစ်များ

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Ӧксыяслӧн 4 небӧг 19:11

Тэ ӧд тӧдан, мый вӧчисны ассурса ӧксыяс став муясыскӧд – дзикӧдз бырӧдісны найӧс. Тэ чайтан, мый тэ мездман?

Ӧксыяслӧн 4 небӧг 21:8

Израиль войтыр кӧ кутас овны сы серти, мый Ме тшӧкті налы, да Менам Мӧисей кесйӧгӧн налы сетӧм Индӧд серти, Ме ог вӧтлы найӧс сійӧ мусьыс, мый Ме сеті налӧн батьяслы».

Ӧксыяслӧн 4 небӧг 23:27

Господь шуис: «Израильӧс моз Ме ӧтдорта Иуда войтырӧс. Ме эновта Ерусалим кар, мый Ме бӧрйи, и крам, мый йылысь Ме шулі, мый сэні лоас Менам нимӧй».

1 Каднебӧг 5:26

Израильлӧн Ен ышӧдіс ассурса Пул ӧксыӧс, мӧд ногӧн кӧ, Тиглатпаласар ӧксыӧс, нуӧдны пленӧ Рувимсянь да Гадсянь чужысьясӧс да Манассейлысь джын чужанкотырсӧ. Найӧс вайӧдісны Халахӧ да Хараӧ, тшӧтш Хавор ю дорӧ да Гозанын визувтысь ю дорӧ. Найӧ ӧнӧдз на сэні олӧны.

Неемий 9:30

Уна во чӧж Тэ виччысин, Аслад Ловсянь Тэ ӧлӧдлін найӧс пророкъяс пыр, но найӧ эз кывзыны. Сэки Тэ сетін найӧс мукӧд войтыръяслӧн киӧ.

Исай 10:11

Ме вӧча Ерусалимлы да сылӧн идолъяслы сійӧ жӧ, мый вӧчи Самариялы да сылӧн идолъяслы».

Исай 10:5

Курыд шог Ассурлы, Менам скӧралан бедьлы. Сы киын орсыс – Менам лӧглунӧй.

Исай 36:2

Ассурса ӧксы мӧдӧдіс Лакишысь Ерусалимӧ Езекей ӧксы дінӧ уна тышкайӧзӧс да ассьыс эскана мортӧс. Сійӧ сувтіс вылыс вайӧртӧдсянь визувтысь ва дорӧ, пожъясянінӧ нуӧдан туй вылӧ.

Исай 37:12

Мукӧд войтыръясӧс ӧмӧй мездісны налӧн енъясыс? Менам батьяс бырӧдісны налысь Гозан, Харан да Рецеф каръяс, тшӧтш Телассар муысь Эден карын олысьясӧс.

Исай 7:8

Дамаскыс ӧд сӧмын Арамлӧн юркар, и Рециныс ӧд сӧмын Дамаскын юралӧ. Коляс квайтымын вит во, и Ефрем войтыр оз ло войтырӧн.

Исай 8:4

Ӧд сійӧ кадӧдзыс на, кор тайӧ кагаыс велалас ”бать” да ”мам” кывъяс шуны, Дамаскысь озырлунсӧ да Самарияысь эмбурсӧ ваясны ассурса ӧксы водзӧ».

Осий 9:3

Водзӧ тэ он понды овны Господьлӧн муын – Ефремлы бӧр ковмас мунны Египетӧ, Ассурын сійӧ пондас сёйны пеж сёян.

Амос 2:6

Господь тадзи висьталӧ: Израиль войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд вузалӧны веськыда олысьӧс эзысь сьӧмысь, гӧльӧс – кӧмкот гозйысь.

Амос 5:6

Корсьӧй Господьӧс, и ловйӧн колянныд. Онӧ кӧ корсьӧй, Сійӧ биӧн уськӧдчас Ӧсиплӧн рӧд вылӧ, и биыс ньылыштас ставсӧ, сотчас Вефиль – и сійӧс кусӧдысьыс оз ло.

Ап. уджъяс 7:43

Ті новлӧдлінныд Молок идоллысь чомсӧ да Ремфан енлысь кодзувсӧ. Ас киӧн ті вӧчинныд тайӧ бӧлбанъяссӧ да юрбитінныд налы. Та вӧсна Ме вӧтла тіянӧс Вавилонысь на ылӧджык.