Ӧксыяслӧн 4 небӧг 17:9 - Коми Библия 2023

⁹ Израильсаяс вӧчисны асланыс Господь Ен водзын шогмытӧмсӧ. Найӧ вӧчалісны вись ваян мылькъяс став асланыс изкаръясын да ичӧт каръясын, кӧні эз вӧв карса стенмыс, а сулаліс сӧмын видзӧдан башня.

Ӧксыяслӧн 4 небӧг 17:9 ပူးပေါင်းရင်းမြစ်များ

Ӧксыяслӧн 4 небӧг 18:8

Сійӧ пасьвартіс филистимсаясӧс, босьтіс налысь мусӧ Газа карӧдз. Босьтіс изкаръяс да ичӧт каръяс, кӧні эз вӧв карса стенмыс, а сулаліс сӧмын видзӧдан башня.

Иов 31:27

менам сьӧлӧмӧй кӧ гусьӧн копрасис налы, ме кӧ ыстылі налы ки пыдӧсын окыштӧмӧс,

Исай 29:15

Курыд шог налы, кодъяс ассьыныс мӧвпъяссӧ кӧсйӧны пыдӧ дзебны Господьысь. Пемыдас найӧ вӧчӧны ассьыныс уджъяссӧ, шуалӧны: «Коді аддзас миянӧс? Коді тӧдмалас миянӧс?»

Езекиль 20:28

Ме вайӧді найӧс муӧ, мый киӧс лэптӧмӧн кӧсйыси сетны налы. Но быдлаын, кӧні аддзисны джуджыд мыльк либӧ пашкыр пу, найӧ кутісны вайны висьяснысӧ да вайӧмторъяснысӧ. Тайӧн найӧ скӧрмӧдісны Менӧ. Найӧ тшынӧдлісны сэні чӧскыд ӧвтанторъяснысӧ да кисьтавлісны вина висьнысӧ.

Езекиль 8:12

Господь шуис меным: «Морт пиӧй, аддзан-ӧ, мый Израильлӧн юрнуӧдысьясыс вӧчӧны асланыс пемыд жыръясын, кӧні серпасалӧма идолъясӧс? Найӧ шуӧны, Господь пӧ оз аддзы миянӧс, Сійӧ пӧ эновтӧма тайӧ мусӧ».

Осий 12:11

Галаад тырис лёкнас, сэтчӧс олысьяс лоины шогмытӧмӧсь. Галгалын начкисны ӧшъясӧс, медым вись вайны, но налысь висьпуктанінъяссӧ жугласны, найӧ лоӧны гӧрӧм му вылын туплясьысь из чукӧръяс кодьӧсь.

Индӧд 13:6

Тэнӧ кӧ вокыд, [батьыдлӧн пиыс либӧ] мамыдлӧн пиыс, аслад пиыд либӧ нылыд, радейтана гӧтырыд либӧ меддона ёртыд гусьӧн корас мунны сыкӧд да кесъявны мукӧд енъяслы, кодъясӧс ті да тіян батьясныд онӧ тӧдӧй,

Индӧд 27:15

”Ёрӧм улӧ веськалӧ быдӧн, коді сывдӧмӧн либӧ мӧд ногӧн вӧчӧ бӧлбанӧс – Господьлы зывӧкторйӧс – да гусяинын юрбитӧ сылы”. И став войтырыс мед шуас: ”Мед лоӧ тадзи!”

Индӧд 29:25

Налы вочавидзасны: ”Тайӧ лои сы вӧсна, мый найӧ кежисны Господьлӧн йитӧдсьыс. Тайӧ йитӧдсӧ Господь, батьясныслӧн Енмыс, кӧрталіс накӧд, кор петкӧдіс найӧс Египетысь.