Ӧксыяслӧн 4 небӧг 17:4 - Коми Библия 2023

⁴ Но бӧрынджык Осий кыпӧдчис ассурса ӧксылы паныд да мӧдӧдіс ассьыс йӧзсӧ египетса Сигор ӧксы дінӧ корны отсӧг. Осий дугдіс мынтыны ассурса ӧксылы быдвося вот. Кор ассурса ӧксы казяліс, мый Осий вӧчӧ, пуксьӧдіс сійӧс дзескыдінӧ.

Ӧксыяслӧн 4 небӧг 17:4 ပူးပေါင်းရင်းမြစ်များ

Ӧксыяслӧн 4 небӧг 17:3

Ассурса Салманассар ӧксы тышӧ петіс Осийлы паныд. Осий шедіс Салманассар кипод улӧ и кутіс мынтыны сылы вот.

Ӧксыяслӧн 4 небӧг 17:5

Ассурса Салманассар ӧксы уськӧдчис Израиль му вылӧ да кытшаліс Самария кар, и куим во чӧж видзис сійӧс кытшын.

Ӧксыяслӧн 4 небӧг 18:21

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.

Ӧксыяслӧн 4 небӧг 24:1

Ехоякимлӧн юралан кадӧ Иуда му вылӧ уськӧдчис вавилонса Навукодоносор ӧксы. Куим во чӧж Ехояким вӧлі Навукодоносорлӧн кипод улын, но сэсся кыпӧдчис сылы паныд.

Ӧксыяслӧн 4 небӧг 24:20

Иуда муын да Ерусалим карын олысьяс вылӧ Господьлӧн скӧрлуныс вӧлі сэтшӧм ыджыд, мый вӧтліс найӧс Аслас чужӧмбан водзысь. Седекей кыпӧдчис вавилонса ӧксылы паныд.

Ӧксыяслӧн 4 небӧг 25:7

Седекейлысь пиянсӧ виисны сылӧн син водзын. Сэсся вавилонса ӧксы бытшкис Седекейлысь кыкнан синсӧ, дорис сійӧс ыргӧн чепъясӧн да нуӧдіс Вавилонӧ.

2 Каднебӧг 32:11

Езекей шуӧ, мый Господь, тіян Енныд, мездас тіянӧс ассурса ӧксылӧн киысь. Но тадзи шуалігӧн сійӧ ылӧдлӧ тіянӧс, и ті куланныд тшыгныдла да горш косьмӧмныдла.

Осий 10:4

Ӧксыяс висьталӧны нинӧм абусӧ, ылӧдчӧмӧн кыв сетӧны, кӧрталӧны йитӧдъяс. Та вӧсна локтас на вылӧ мыждӧмыс гӧрӧм му вылӧ петысь пагӧдан турун моз.

Осий 12:2

Господь мыжалӧ Иудаӧс, Сійӧ мыждас Яковӧс олан туйсьыс, мынтысяс сылы уджъясыс серти.

Осий 13:10

Кӧні ӧні тэнад ӧксыыд, коді мездас тэнӧ став тэнад каръясын? Кӧнӧсь тэнад юралысьясыд, кодъясӧс тэ корин Менсьым, шуин, сет пӧ миянлы ӧксыӧс да юралысьясӧс?

Осий 8:10

Сійӧ ньӧбис муслунсӧ войтыръяслысь, но регыд Ме чукӧрта найӧс ставнысӧ. Найӧ пондасны сьӧкыдавны ассурса ӧксылӧн да юралысьяслӧн нартитӧмысь.

Индӧд 28:36

Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы.