Ӧксыяслӧн 4 небӧг 17:27 - Коми Библия 2023

²⁷ Сэки ассурса ӧксы тшӧктіс бӧр мӧдӧдны Самарияӧ ӧти попӧс на пӧвстысь, кодъясӧс сэтысь нуӧдлісны пленӧ. Ӧксы тшӧктіс овмӧдны попсӧ Самарияӧ, мед сійӧ велӧдас йӧзсӧ овны сэтчӧс Енлӧн тшӧктӧмъяс серти.

Ӧксыяслӧн 4 небӧг 17:27 ပူးပေါင်းရင်းမြစ်များ

Ӧксыяслӧн 3 небӧг 12:31

Еровам сувтӧдаліс мылькъяс вылын юрбитанінъяс да индіс войтыр пӧвстысь попъясӧс, кодъяс эз вӧвны Левий чужанкотырысь.

Ӧксыяслӧн 3 небӧг 13:2

Сійӧ горӧдӧмӧн шуис висьпуктанінлы Господьлысь кывсӧ: «Висьпуктанін, висьпуктанін! Господь тадзи висьталӧ: ”Давид рӧдын чужас Иосей нима пи. Мылькъяс вылын кесъялысь попъясӧс сійӧ ваяс вись пыдди тэ вылын, сотас тэ вылын тшынӧдчысьяслысь лыяссӧ”».

Ӧксыяслӧн 4 небӧг 17:26

Та йылысь юӧртісны ассурса ӧксылы: «Войтыръясыд, кодъясӧс тэ овмӧдін самарияса каръясӧ, оз тӧдны сэтчӧс Енлысь тшӧктӧмъяссӧ. Та вӧсна Енмыс мӧдӧдӧ на вылӧ левъясӧс, и найӧ косявлӧны йӧзсӧ».

Ӧксыяслӧн 4 небӧг 17:28

Самарияысь пленӧ нуӧдӧм попъясысь ӧти поп бӧр локтіс Самарияӧ да овмӧдчис Вефильӧ. Сійӧ пондіс велӧдны йӧзсӧ овны Господьысь полӧмӧн.

2 Каднебӧг 11:15

Еровам индіс аслыс попъясӧс, медым найӧ кесъялісны вись ваян мылькъяс вылын кӧза да ӧш сяма бӧлбанъяслы, кодъясӧс сійӧ вӧчӧдіс.

Ездра 7:25

А тэ, Ездра, Енсянь сетӧм мывкыдлуныд серти сувтӧд ёрдысь-мыждысьясӧс, медым найӧ веськыда мыждасны Авар-Нахара муын олысьясӧс, кодъяс тӧдӧны тэнад Енлысь тшӧктӧмъяссӧ. А кодъяс оз тӧдны, велӧдӧй найӧс.

Ёрдысьяс 17:13

Микей мӧвпаліс: «Ӧні ме тӧда, мый Господь кутас вӧчны меным бурсӧ, ӧд ме ордын олысь левит кесъялӧ попӧн».