Ӧксыяслӧн 4 небӧг 16:7 - Коми Библия 2023

⁷ Ахаз мӧдӧдіс юӧртысьясӧс ассурса Тиглатпаласар ӧксы дінӧ да тшӧктіс шуны сылы: «Ме – тэнад кесйӧг, тэнад пи. Лок да мезды менӧ арамса да израильса ӧксыяслӧн киысь, ӧд найӧ тышӧ петісны меным паныд».

Ӧксыяслӧн 4 небӧг 16:7 ပူးပေါင်းရင်းမြစ်များ

Ӧксыяслӧн 3 небӧг 20:4

Израильса ӧксы вочавидзис: «Мед лоас тэнад шуӧмыд серти, ӧксыӧй-ыджыдӧй. Ме да ставыс, мый менам эм, лоӧ тэнад».

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Ӧксыяслӧн 4 небӧг 18:7

Господь вӧлі Езекейкӧд, та вӧсна сылӧн ставыс артмис. Езекей кыпӧдчис ассурса ӧксылы паныд да дугдіс сылы кесъявны.

1 Каднебӧг 5:26

Израильлӧн Ен ышӧдіс ассурса Пул ӧксыӧс, мӧд ногӧн кӧ, Тиглатпаласар ӧксыӧс, нуӧдны пленӧ Рувимсянь да Гадсянь чужысьясӧс да Манассейлысь джын чужанкотырсӧ. Найӧс вайӧдісны Халахӧ да Хараӧ, тшӧтш Хавор ю дорӧ да Гозанын визувтысь ю дорӧ. Найӧ ӧнӧдз на сэні олӧны.

2 Каднебӧг 28:16

Тайӧ кадас Ахаз ӧксы мӧдӧдіс юӧр ассурса ӧксылы да корис отсавны,

2 Каднебӧг 28:20

Ахаз дінӧ локтіс ассурса Тиглатпаласар ӧксы. Но отсалӧм пыдди сійӧ дзескӧдіс Ахаз ӧксыӧс.

Исай 2:6

Господьӧй, Тэ эновтін Ассьыд войтыртӧ, колин Яковсянь чужысьясӧс. Ӧд найӧ унаторйӧ велӧдчисны асыввыв олысьяссянь, филистимсаяс моз найӧ кимӧститчӧны, волысьӧны локтысь йӧзкӧд.

Еремей 13:21

Мый тэ шуан, кор Господь пуктас тэ вылын ыджыдавны найӧс, кодъясӧс тэ лыддин аслад ёртъясӧн? Кага чужтысьӧс моз тэнӧ сэки топӧдасны дойясыд.

Еремей 17:5

Господь тадзи висьталӧ: – Ёрӧма сійӧ мортсӧ, коді лача кутӧ морт вылӧ, коді мыджсьӧ мувывса олысь вылӧ, кодлӧн сьӧлӧмыс ылыстчӧ Господьысь.

Бӧрданкыв 4:17

Весьшӧрӧ отсӧгсӧ виччысигӧн миян синным мудзис. Башня вывсянь ми дзӧргим, виччысим войтырӧс, но сійӧ эз лок миянӧс мездыны.

Езекиль 16:28

Тэ пӧтлытӧг кырсалін ассурсаяскӧд, но тайӧ тэныд вӧлі этша на.

Езекиль 23:12

Сійӧ ӧзъяліс лёкколӧмнас орччӧн олысь ассурсаяс дінӧ, кодъяс вӧліны ыджыдалысьяс да юралысьяс. Тыш дырйи найӧ вӧліны вӧла-тарантаса веськӧдлысьясӧн. Ставныс найӧ вӧліны мича том зонъяс, новлісны дона паськӧм.

Езекиль 23:5

Огола вӧлі Менам, но кырсаліс. Сылӧн лёкколӧмыс ӧзъяліс мусукъяс дінас, орччӧн олысь ассурсаяс дінӧ.

Осий 14:3

Кевмысьӧмӧн бергӧдчӧй Господь дінӧ, шуӧй Сылы: прӧстит миянлысь мыжъяснымӧс да сибӧд миянлысь козиннымӧс, ӧш пыдди ми ваям Тэныд кевмысьӧмнымӧс.

Осий 7:11

Ефрем лои вежӧртӧм гулю кодь, нинӧм оз гӧгӧрво: отсӧг корӧ Египетлысь, мунӧ Ассурӧ.