Ӧксыяслӧн 4 небӧг 16:15 - Коми Библия 2023

¹⁵ Ахаз ӧксы шуис Урий поплы: «Выль ыджыд висьпуктанін вылас сот асъя сотан вись да рытъя нянь вись, ӧксылысь сотан висьсӧ да нянь висьсӧ, войтырлысь сотан висьсӧ, нянь висьсӧ да вина висьяссӧ. Сотан вись пыдди да мукӧд вись пыдди вайӧм пемӧсъяслӧн вирнас рез висьпуктанінсӧ. А ыргӧн висьпуктаніныс мед сулалас, кытчӧдз ме ог тшӧкты, мый вӧчны».

Ӧксыяслӧн 4 небӧг 16:15 ပူးပေါင်းရင်းမြစ်များ

Олӧм 44:5

Тайӧ дозмуксьыс юӧ менам ыджыдӧй, тшӧтш тунасьӧ сы отсӧгӧн. Ті лёктор вӧчинныд”».

Ӧксыяслӧн 3 небӧг 3:4

Ӧтчыд Соломон муніс Гаваонӧ, мед вись вайны. Буретш сэні сулаліс медшӧр вись ваян мылькйыс. Сэні висьпуктанін вылын Соломон вайис сюрс мында сотан вись.

Ӧксыяслӧн 3 небӧг 7:23

Хирам вӧчис ыргӧнысь ыджыд гӧгрӧс вайӧртӧд, шуисны сійӧс саридзӧн. Ӧтар дорышсяньыс мӧдар дорышӧдзыс сійӧ вӧлі дас гырддза пасьта, джуджданас вӧлі вит гырддза, а гӧгӧртны кӧ сійӧс кӧвйӧн, колана вӧлі комын гырддза кузьта кӧв.

Ӧксыяслӧн 3 небӧг 8:64

Сійӧ жӧ лунӧ ӧксы вежӧдіс Господьлӧн крам йӧрлысь шӧр юкӧнсӧ, сотіс сэні сотан вись да нянь вись, тшӧтш бурасян вись пыдди вайӧм пемӧсъяслысь госсӧ. Ӧд ыргӧн висьпуктаніныс, мый сулаліс Господь водзын, вӧлі ичӧт, сэтчӧ эз тӧр сотан вись, нянь вись да пемӧсъяслӧн госыс.

Ӧксыяслӧн 4 небӧг 16:14

Сійӧ босьтіс Господь водзын сулалысь ыргӧн висьпуктанінсӧ крам водзладорысь – крам да выль висьпуктанін костысь – да вештіс сійӧс выль висьпуктанінсянь войвывладорӧ.

Ӧксыяслӧн 4 небӧг 16:16

Урий поп вӧчис ставсӧ сідзи, кыдзи тшӧктіс сылы Ахаз ӧксы.

Ӧксыяслӧн 4 небӧг 18:4

Сійӧ бырӧдіс вись ваян мылькъяс, жугліс юрбитан изъяс да пӧрӧдіс юрбитан пуяс. Жугӧдіс-пазӧдіс ыргӧн змейӧс, кодӧс коркӧ вӧчліс Мӧисей. Ӧд тайӧ Нехуштан нима ыргӧн змейлы израильсаяс тайӧ кадӧдзыс пыр на сотісны висьяс.

Ӧксыяслӧн 4 небӧг 3:20

Мӧд асывнас, нянь вись ваян кадӧ, Эдомсянь став ковтыс пасьтала пондіс визувтны ва.

2 Каднебӧг 29:32

Чукӧртчӧм войтырыс вайис Господьлы сотан вись пыдди сизимдас ӧшкӧс, сё межӧс да кыксё баляӧс.

2 Каднебӧг 29:35

Сотан висьяс кындзи колӧ вӧлі сотны бурасян вись пыдди вайӧм пемӧсъяслысь госсӧ и сотан виськӧд ӧтвыв вайны вина вись. Тадзи вӧлі выльысь лӧсьӧдӧма Господьлӧн крамын кесъялӧмсӧ.

2 Каднебӧг 33:6

Бен-Хинном ковтысын Манассей сотліс биын ассьыс пиянсӧ. Сійӧ кимӧститчис, тунасис, тшыкӧдчис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Исай 2:6

Господьӧй, Тэ эновтін Ассьыд войтыртӧ, колин Яковсянь чужысьясӧс. Ӧд найӧ унаторйӧ велӧдчисны асыввыв олысьяссянь, филистимсаяс моз найӧ кимӧститчӧны, волысьӧны локтысь йӧзкӧд.

Даниил 11:31

Сійӧ мӧдӧдас ассьыс тышкайӧзсӧ, и найӧ пежаласны ыджыд да вежа крамсӧ. Найӧ дугӧдасны сэні быдлунся вись вайӧм да сувтӧдасны сэтчӧ пеж зывӧксӧ.

Даниил 12:11

Сійӧ кадсяньыс, кор дугӧдасны быдлунся вись вайӧм да сувтӧдасны крамӧ пеж зывӧксӧ, коляс сюрс да кыксё ӧкмысдас лун.

Даниил 9:21

Менам кевмысигӧн петкӧдчис Гавриил, кодӧс ме водзынджык аддзылі. Рытъя вись ваян кадӧ сійӧ зэв ӧдйӧ лэбзис мелань да инмӧдчис ме дінӧ.

Даниил 9:27

Локтана юралысьыс унакӧд кӧрталас йитӧд сизим во кежлӧ. Сизим воыслӧн джын кадас сійӧ дугӧдас вись вайӧм. Вежаинлӧн вевт вылас пеж зывӧкыс лоӧ сэтчӧдз, кытчӧдз Енлӧн водзвыв шуӧмыс серти оз ло бырӧдӧма асьсӧ бырӧдысьсӧ».

Осий 4:12

Менам войтыр шыасьӧ путор дінӧ, и бедь сетӧ сылы вочавидзӧмсӧ. Кырсалан руыс кежӧдіс найӧс ылӧгас, кырсалысь ань моз найӧ эновтісны ассьыныс Енсӧ.