Ӧксыяслӧн 4 небӧг 15:32 - Коми Библия 2023

³² Израильса Пеках ӧксылӧн, Ремаль пилӧн, мӧд веськӧдлан воӧ Иуда муын ӧксыӧ пуксис Озейлӧн Иотам пиыс.

Ӧксыяслӧн 4 небӧг 15:32 ပူးပေါင်းရင်းမြစ်များ

Ӧксыяслӧн 4 небӧг 14:21

Амасей ӧксы бӧрти Иуда войтыр пуктіс ӧксыӧ Амасейлысь дас квайт арӧса Азарий писӧ.

Ӧксыяслӧн 4 небӧг 15:1

Израильса Еровам ӧксылӧн кызь сизимӧд веськӧдлан воӧ Иуда муын ӧксыӧ пуксис Амасейлӧн Азарий пиыс.

Ӧксыяслӧн 4 небӧг 15:13

Иудаса Озей ӧксылӧн комын ӧкмысӧд веськӧдлан воӧ Израиль муын ӧксыӧ пуксис Явислӧн Шаллум пиыс. Ӧти тӧлысь чӧж сійӧ юраліс Самария карын.

Ӧксыяслӧн 4 небӧг 15:17

Иудаса Азарий ӧксылӧн комын ӧкмысӧд веськӧдлан воӧ Израиль муын ӧксыӧ пуксис Гадилӧн Менаим пиыс. Дас во чӧж сійӧ юраліс Самария карын.

Ӧксыяслӧн 4 небӧг 15:23

Иудаса Азарий ӧксылӧн ветымынӧд веськӧдлан воӧ Израиль муын ӧксыӧ пуксис Менаимлӧн Пекахий пиыс. Кык во чӧж сійӧ юраліс Самария карын.

Ӧксыяслӧн 4 небӧг 15:27

Иудаса Азарий ӧксылӧн ветымын кыкӧд веськӧдлан воӧ Израиль муын ӧксыӧ пуксис Ремальлӧн Пеках пиыс. Кызь во чӧж сійӧ юраліс Самария карын.

Ӧксыяслӧн 4 небӧг 15:30

Ремальлӧн Пеках пилы паныд кыпӧдчис Элайлӧн Осий пиыс да виис сійӧс. Ачыс сы пыдди пуксис ӧксыӧ. Тайӧ вӧлі иудаса Озей Иотам ӧксылӧн кызьӧд веськӧдлан воӧ.

Ӧксыяслӧн 4 небӧг 15:31

Пеках ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма израильса ӧксыяслӧн каднебӧгӧ.

Ӧксыяслӧн 4 небӧг 15:33

Ӧксыӧ пуксигас Иотамлы вӧлі кызь вит арӧс. Дас квайт во чӧж сійӧ юраліс Ерусалимын. Сылӧн мамыс вӧлі Еруша, Садоклӧн нылыс.

Ӧксыяслӧн 4 небӧг 15:5

Та вӧсна Господь мыждіс ӧксыӧс. Аслас кулан лунӧдз сійӧ висис проказаӧн да оліс торъя керкаын. Ӧксы керкаӧн да Иуда войтырӧн веськӧдліс сылӧн Иотам пиыс.

Ӧксыяслӧн 4 небӧг 15:7

Азарий куліс да вуджис батьясыс дінӧ. Сійӧс дзебисны Давид карӧ батьясыскӧд орччӧн. Азарий бӧрти ӧксыӧ пуксис сылӧн Иотам пиыс.

1 Каднебӧг 3:12

Йоаслӧн – Амасей, Амасейлӧн – Азарий, Азарийлӧн – Иотам,

1 Каднебӧг 5:17

Гадсянь чужысьяслысь став тайӧ нимъяссӧ вӧлі лыддьӧдлӧма чужанвуж гижӧдын иудаса Иотам ӧксылӧн да израильса Еровам ӧксылӧн веськӧдлан кадӧ.

Исай 1:1

Тайӧ небӧгас гижӧма сы йылысь, мый Енмыс петкӧдліс Иуда му да Ерусалим кар йылысь Амослӧн Исай пилы. Тайӧ петкӧдчылӧмъяссӧ сійӧ аддзыліс иудаса Озей, Иотам, Ахаз да Езекей ӧксыяслӧн веськӧдлан кадӧ.

Микей 1:1

Морешетса Микейлы вӧлі Господьсянь кыв. Сійӧ кадӧ иудаса ӧксыӧн вӧлі Иотам, сэсся – Ахаз, а Ахаз бӧрын – Езекей. Микей аддзыліс Самария да Ерусалим йылысь петкӧдчылӧм.

Матвей 1:9

Озейлӧн чужӧма Иотам, Иотамлӧн – Ахаз, Ахазлӧн – Езекей.