Ӧксыяслӧн 4 небӧг 14:8 - Коми Библия 2023

⁸ Сэсся Амасей мӧдӧдіс израильса Йоас ӧксы дінӧ юӧртысьӧс. Йоас вӧлі Иохазлӧн пи, Иохаз – Ехулӧн. Амасей тшӧктіс висьтавны Йоаслы, мый кӧсйӧ аддзысьлыны сыкӧд.

Ӧксыяслӧн 4 небӧг 14:8 ပူးပေါင်းရင်းမြစ်များ

Ӧксыяслӧн 3 небӧг 20:18

Бен-Хадад шуис: «Бур могӧн кӧ локтӧны, босьтӧй найӧс ловйӧн. Тышкасьӧм могысь кӧ локтӧны, тшӧтш ловйӧн босьтӧй».

Ӧксыяслӧн 4 небӧг 13:12

Йоас ӧксыалӧм дырйи мукӧд лоӧмторъяс йылысь, сылӧн тӧдчана уджъяс йылысь да иудаса Амасей ӧксыкӧд тышкасьӧм йылысь гижӧма израильса ӧксыяслӧн каднебӧгӧ.

Ӧксыяслӧн 4 небӧг 14:11

Но Амасей эз кывзы Йоасӧс. Сэки израильса Йоас ӧксы петіс тышӧ иудаса Амасей ӧксылы паныд. Найӧ паныдасисны Иуда муын Бет-Шемеш карын.

2 Каднебӧг 25:14

Эдомсаясӧс пасьвартӧм бӧрын гортас локтігӧн Амасей вайис аскӧдыс Сеир керӧсвыв муын олысьяслысь идолъяссӧ. Сійӧ пуктіс найӧс аслыс ен пыдди, юрбитіс налы да сотіс налы висьяс.

Шусьӧгъяс 13:10

Вылӧ пуксьӧмыд сӧмын вензьӧм чужтӧ, мывкыд мортыд туйдӧдӧмсӧ сибӧдӧ.

Шусьӧгъяс 17:14

Пинь-зык панӧмыд ва ызӧбтӧм кодь, пансьытӧдзыс сувтӧд сійӧс.

Шусьӧгъяс 18:6

Вежӧртӧм морттӧ сёрниыс зык-венӧ кыскас, вомыс тышкасьӧмӧдз вайӧдас.

Шусьӧгъяс 20:18

Могъястӧ сувтӧд туйдӧдӧмсӧ кывзӧм бӧрын, туйдӧдтӧг тышӧ эн пет.

Шусьӧгъяс 25:8

эн тэрмась ёрдӧ вайны. Мый кутан вӧчны, янӧдасны кӧ тэнӧ?

Ёрдысьяс 9:29

Ме кӧ вӧлі тайӧ войтырыслӧн веськӧдлысьнас, ме эськӧ вӧтлі Авимелекӧс». Сэсся Авимелеклы шуис: «Чукӧрт тышкайӧзтӧ да пет меным паныд тышӧ!»