Ӧксыяслӧн 4 небӧг 14:23 - Коми Библия 2023

²³ Иудаса Амасей ӧксылӧн, Йоас пилӧн, дас витӧд веськӧдлан воӧ Израиль муын ӧксыӧ пуксис Йоаслӧн Еровам пиыс. Нелямын ӧти во чӧж сійӧ юраліс Самария карын.

Ӧксыяслӧн 4 небӧг 14:23 ပူးပေါင်းရင်းမြစ်များ

Ӧксыяслӧн 4 небӧг 10:30

Господь шуис Ехулы: «Тэ веськыда вӧчин Ахав рӧдкӧд, и тайӧ Менам син водзын шогмана. Та вӧсна тэсянь чужысьяс нёльӧд чужанвужйӧдз пондасны пукавны Израильлӧн юралан пуклӧсын».

Ӧксыяслӧн 4 небӧг 13:13

Йоас куліс да вуджис батьясыс дінӧ. Сы бӧрти ӧксыӧ пуксис Еровам. Йоасӧс дзебисны Самария карӧ, израильса ӧксыяскӧд орччӧн.

Ӧксыяслӧн 4 небӧг 14:1

Израильса Йоас ӧксылӧн, Иохаз пилӧн, мӧд веськӧдлан воӧ Иуда муын ӧксыӧ пуксис иудаса Йоас ӧксылӧн Амасей пиыс.

Ӧксыяслӧн 4 небӧг 14:15

Йоас ӧксыалӧм дырйи мукӧд лоӧмторъяс йылысь, сылӧн тӧдчана уджъяс йылысь да иудаса Амасей ӧксыкӧд тышкасьӧм йылысь гижӧма израильса ӧксыяслӧн каднебӧгӧ.

Ӧксыяслӧн 4 небӧг 14:16

Йоас куліс да вуджис батьясыс дінӧ. Сійӧс дзебисны Самария карӧ, израильса ӧксыяскӧд орччӧн. Йоас бӧрти ӧксыӧ пуксис сылӧн Еровам пиыс.

Ӧксыяслӧн 4 небӧг 14:22

Амасей ӧксылӧн кулӧм бӧрын да батьясыс дінӧ вуджӧм бӧрын Азарий бӧр босьтіс Элат кар да выльысь лэптіс сійӧс.

Ӧксыяслӧн 4 небӧг 14:24

Еровам вӧчис Господь водзын шогмытӧмсӧ, эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 4 небӧг 14:27

Но Господь эз кӧсйы дзикӧдз бырӧдны Израиль войтырӧс енэж увсьыс, та вӧсна мездіс найӧс Йоаслӧн Еровам пиыс пыр.

Ӧксыяслӧн 4 небӧг 15:1

Израильса Еровам ӧксылӧн кызь сизимӧд веськӧдлан воӧ Иуда муын ӧксыӧ пуксис Амасейлӧн Азарий пиыс.

1 Каднебӧг 5:17

Гадсянь чужысьяслысь став тайӧ нимъяссӧ вӧлі лыддьӧдлӧма чужанвуж гижӧдын иудаса Иотам ӧксылӧн да израильса Еровам ӧксылӧн веськӧдлан кадӧ.

Осий 1:1

Берлӧн Осий пилы вӧлі Господьсянь кыв, кор Иуда муын сьӧрсьӧн-бӧрсьӧн юралісны Озей, Иотам, Ахаз да Езекей ӧксыяс, а Израиль муын юраліс Еровам ӧксы, Йоаслӧн пиыс.

Амос 1:1

Тайӧ кывъясыс Амослӧн, коді рӧдмӧдіс ыжъясӧс Текояын. Сійӧ аддзыліс Израиль йылысь петкӧдчылӧм, тайӧ вӧлі му вӧрӧмӧдз кык воӧн водзджык. Сэки Иуда муын юраліс Озей ӧксы, а Израиль муын – Еровам ӧксы, Йоаслӧн пиыс.