Ӧксыяслӧн 4 небӧг 13:9 - Коми Библия 2023

⁹ Иохаз куліс да вуджис батьясыс дінӧ. Сійӧс дзебисны Самария карӧ. Иохаз бӧрти ӧксыӧ пуксис сылӧн Йоас пиыс.

Ӧксыяслӧн 4 небӧг 13:9 ပူးပေါင်းရင်းမြစ်များ

Ӧксыяслӧн 3 небӧг 14:13

Став Израиль войтыр кутас бӧрдны-шогсьыны сы вӧсна. Еровам рӧдысь сійӧс ӧтнассӧ дзебасны морт ногӧн, ӧд Еровам рӧдын сӧмын сы пытшкысь Господь, Израильлӧн Ен, аддзис бурсӧ.

Ӧксыяслӧн 4 небӧг 10:35

Еху куліс да вуджис батьясыс дінӧ. Сійӧс дзебисны Самария карӧ. Еху бӧрти ӧксыӧ пуксис сылӧн Иохаз пиыс.

Ӧксыяслӧн 4 небӧг 13:10

Иудаса Йоас ӧксылӧн комын сизимӧд веськӧдлан воӧ Израиль муын ӧксыӧ пуксис Иохазлӧн Йоас пиыс. Дас квайт во чӧж сійӧ юраліс Самария карын.

Ӧксыяслӧн 4 небӧг 13:13

Йоас куліс да вуджис батьясыс дінӧ. Сы бӧрти ӧксыӧ пуксис Еровам. Йоасӧс дзебисны Самария карӧ, израильса ӧксыяскӧд орччӧн.

Ӧксыяслӧн 4 небӧг 13:8

Иохаз ӧксыалӧм дырйи мукӧд лоӧмторъяс йылысь, сылӧн уджъяс да вермӧмъяс йылысь гижӧма израильса ӧксыяслӧн каднебӧгӧ.

Ӧксыяслӧн 4 небӧг 14:8

Сэсся Амасей мӧдӧдіс израильса Йоас ӧксы дінӧ юӧртысьӧс. Йоас вӧлі Иохазлӧн пи, Иохаз – Ехулӧн. Амасей тшӧктіс висьтавны Йоаслы, мый кӧсйӧ аддзысьлыны сыкӧд.