Ӧксыяслӧн 4 небӧг 13:7 - Коми Библия 2023

⁷ Иохазлӧн вӧлі кольӧма сӧмын ветымын верзьӧма, дас тарантас да дас сюрс пода тышкаморт сы бӧрти, кор арамейяслӧн ӧксы пасьвартіс израильса тышкайӧзӧс, таляліс найӧс кокувса бусӧс моз.

Ӧксыяслӧн 4 небӧг 13:7 ပူးပေါင်းရင်းမြစ်များ

Ӧксыяслӧн 2 небӧг 22:43

Ме шердъя найӧс тӧвйыв бусӧс моз, таляла найӧс туйвыв няйтӧс моз.

Ӧксыяслӧн 3 небӧг 20:15

Ахав чукӧртіс аслас ӧксыув муясын юралысьяслысь тышкайӧзсӧ, налӧн лыдыс вӧлі кыксё комын кык морт. Сэсся арталіс-гижаліс Израиль войтырлысь тышкайӧзсӧ – налӧн лыдыс вӧлі сизим сюрс морт.

Ӧксыяслӧн 3 небӧг 20:27

Израильсаяс тшӧтш дасьтысисны тыш кежлӧ. Найӧ босьтісны аскӧдныс сёян-юан да мӧдӧдчисны петны тышӧ. Израильсаяс сувтісны арамейяслы воча. Израильса тышкайӧз вӧліны быттьӧ кык ичӧтик кӧза чукӧр, а арамейяс тыртісны ставнас мусӧ.

Ӧксыяслӧн 4 небӧг 10:32

Сійӧ кадас Господь пондіс чинтыны Израиль му. Арамейяслӧн Азаил ӧксы пасьвартіс израильса тышкайӧзӧс став Израиль му пасьтала.

Ӧксыяслӧн 4 небӧг 13:8

Иохаз ӧксыалӧм дырйи мукӧд лоӧмторъяс йылысь, сылӧн уджъяс да вермӧмъяс йылысь гижӧма израильса ӧксыяслӧн каднебӧгӧ.

Ӧксыяслӧн 4 небӧг 8:12

«Ыджыдӧй, мыйла тэ бӧрдан?» – юаліс Азаил. Елисей вочавидзис: «Ме тӧда, мыйта лёксӧ тэ вӧчан Израиль войтырлы. Налысь изкаръяссӧ тэ сотан, том зонъяссӧ шыпуртӧн бытшйӧдлан, ичӧт кагаяссӧ муас лясйӧдлан, нӧбасьысь аньяслысь кынӧмсӧ вожӧдан».

Исай 36:8

Ассурса ӧксылӧн эскана морт водзӧ тшӧктіс висьтавны Езекейлы: «Ӧтувтчы менам ыджыдкӧд, ассурса ӧксыкӧд. Ме сета тэныд кык сюрс вӧв, сюрас кӧ тэнад та мында верзьӧмаыс.

Исай 41:2

Коді асыввывсянь вайӧдіс веськыда вӧчысьӧс, чукӧстіс сійӧс Ас бӧрсяыс мунны, сетіс сы киӧ войтыръясӧс, сылӧн кипод улӧ ӧксыясӧс? Сылӧн шыпуртыс вӧчӧ войтыръясӧс бусӧн, сылӧн ньӧввужйысь найӧ разалӧны, быттьӧ тӧвнырӧн нӧбӧдан идзас.

Йоиль 3:14

Унасьыс-уна йӧз чукӧртчӧма мыждан ковтысӧ, ӧд Господьлӧн луныс матыстчӧ ковтыслань.

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Амос 1:3

Господь тадзи висьталӧ: – Дамаск карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд кӧртысь вӧчӧм вартан гӧгыльӧн Галаад му вывті мунісны.

Амос 4:10

Ме ысті тіян вылӧ пӧрӧс висьӧм, кыдзи коркӧ ысті Египет вылӧ. Ме виалі шыпуртӧн зонъяснытӧ, вӧрӧгныдлы сеті вӧвъяснытӧ. Тышкайӧзныдлӧн чукӧртчанінын шойяссянь дукыс пуркйис тіян ныр-вомӧдз. Но ті энӧ бергӧдчӧй Ме дінӧ, – висьталӧ Господь. –

Ӧксыяслӧн 1 небӧг 13:15

Самуил чеччис да муніс Галгалысь Гиваӧ Венямин муӧ. [Гиваӧ муніганыс Саулкӧд кольччӧм йӧзыс паныдасисны вӧрӧгкӧд. Вӧрӧг уськӧдчис на вылӧ.] Гиваын Саул арталіс-гижаліс ассьыс йӧзсӧ, лои морт квайтсё.