Ӧксыяслӧн 4 небӧг 12:16 - Коми Библия 2023

¹⁶ Мыж вештан висьысь да мыжысь вайӧм висьысь сьӧмсӧ сетлісны попъяслы. Господьлӧн крам дзоньталӧм вылӧ тайӧ сьӧмыс эз мунлы.

Ӧксыяслӧн 4 небӧг 12:16 ပူးပေါင်းရင်းမြစ်များ

Неемий 13:13

Крам видзанінӧ кывкутысьясӧн ме инді Шелемей попӧс, Индӧдӧ велӧдысь Садокӧс да левитъяс пӧвстысь Педайӧс, а Маттанай Заккурлысь Ханан писӧ пукті налы отсасьысьӧн. Тайӧ йӧзыслы позис эскыны. Налы вӧлі тшӧктӧма юклыны вайӧмторъяссӧ асланыс вокъяслы.

Осий 4:8

Найӧ пӧткӧдчӧны Менам войтырлӧн мыжъясӧн, нимкодясьӧны войтырлӧн лёк вӧчӧмысь.

Левит 4:24

Мед пуктылас кисӧ кӧзалы юр вылас, а сэсся мед начкас сійӧс сэні, кӧні Господь водзын начкӧны сотан вись. Тайӧ лоӧ мыжысь вись.

Левит 4:29

Мед пуктылас кисӧ кӧзалы юр вылас, а сэсся мед начкас сійӧс мыжысь вись пыдди сэні, кӧні начкӧны сотан вись.

Левит 7:7

Мыжысь вись да мыж вештан вись йылысь индӧдыс ӧти. Вись яйыс вичмӧ поплы, коді вештас мыжа мортлысь мыжсӧ.

Лыд 18:19

Став вежа вайӧмторсӧ, мый Израиль пиян вайӧны Меным, Ме сета тэныд да тэнад ныв-пилы. Тайӧ тшӧктӧмыс нэмъяс кежлӧ. Тэныд да тэсянь чужысьяслы тайӧс кӧсйысьӧма нэмъяс кежлӧ, и тайӧ Господь водзын кӧрталӧм вежсьывлытӧм йитӧд кодь».