Ӧксыяслӧн 4 небӧг 11:4 - Коми Библия 2023

⁴ Квайт во мысти Иодай поп корис Господьлӧн крамӧ тышкайӧзӧн веськӧдлысьясӧс, кодъяслӧн кипод улын вӧліны ӧксыӧс видзысьяс. Сэні Иодай кӧрталіс веськӧдлысьяскӧд йитӧд да тшӧктіс налы кыв сетны, мый кутасны кывзысьны. Сэсся петкӧдліс налы ӧксылысь писӧ

Ӧксыяслӧн 4 небӧг 11:4 ပူးပေါင်းရင်းမြစ်များ

Олӧм 50:25

Ӧсип шуис Израиль пиянлы: «Кыв сетӧй, мый петкӧданныд менсьым лыясӧс Египетысь, кор Енмыс волас тіянла».

Ӧксыяслӧн 2 небӧг 20:23

Йоав веськӧдліс став израильса тышкайӧзӧн, а Иодайлӧн Бенай пиыс веськӧдліс ӧксыӧс видзысь керетса да пелетса шыпуртаясӧн.

Ӧксыяслӧн 2 небӧг 8:18

Иодайлӧн Бенай пиыс веськӧдліс ӧксыӧс видзысь керетса да пелетса шыпуртаясӧн. Давид ӧксылӧн пияныс отсасисны сылы юралӧмын.

Ӧксыяслӧн 3 небӧг 14:27

На пыдди Ровоам ӧксы вӧчӧдіс ыргӧн сайӧдъяс да сетіс найӧс веськӧдлысьяслы, кодъяс видзӧдісны ӧксы керкаӧ пыранін видзысьяс бӧрся.

Ӧксыяслӧн 3 небӧг 18:10

Ловъя Господь водзын, тэнад Ен водзын, шуа: менам ыджыдӧй мӧдӧдліс корсьны тэнӧ быд муӧ да быд войтыр пӧвстӧ. Ставныслы сійӧ тшӧктыліс кыв сетны, мый эз аддзывны тэнӧ.

Ӧксыяслӧн 4 небӧг 11:17

Иодай поп кӧрталіс Господь, ӧксы да войтырыс костын йитӧд сы йылысь, мый найӧ – Господьлӧн войтыр. Нӧшта кӧрталіс торъя йитӧд ӧксы да войтырыс костын.

Ӧксыяслӧн 4 небӧг 11:19

Иодай поп босьтіс аскӧдыс тышкайӧзӧн веськӧдлысьясӧс, ӧксыӧс видзысьясӧс да став войтырсӧ, и найӧ нуӧдісны Йоас ӧксыӧс Господьлӧн крамысь. Найӧ пырисны Видзысьяслӧн дзиръяӧд ӧксы керкаӧ. Сэні Йоас пуксис юралан пуклӧсӧ.

Ӧксыяслӧн 4 небӧг 11:3

Квайт во чӧж Йоасӧс дзеблалісны Ехошева дінын Господьлӧн крамын. Тайӧ кадас Иуда муын ӧксыаліс Аталия.

Ӧксыяслӧн 4 небӧг 11:9

Тышкайӧзӧн веськӧдлысьяс ставсӧ вӧчисны сідзи, кыдзи тшӧктіс Иодай поп. Быд веськӧдлысь чукӧртіс ассьыс йӧзсӧ – найӧс, кодъяслы колӧ вӧлі кесъявны крамын шойччан лунӧ, и найӧс, кодъясӧс колӧ вӧлі вежны кесъялӧм бӧртиныс. Ставныс локтісны Иодай поп дінӧ.

Ӧксыяслӧн 4 небӧг 12:7

Та вӧсна Йоас ӧксы корис Иодайӧс, тшӧтш мукӧд попъясӧс да юаліс: «Мыйла ті онӧ дзоньталӧй крамсӧ? Ӧнісянь ті онӧ кутӧй босьтны аслыныд сьӧмсӧ крамӧ локтысьяслысь, но кутанныд сетны сійӧс крам дзоньталӧм вылӧ».

Ӧксыяслӧн 4 небӧг 23:3

Сэсся ӧксы сувтіс джуджыд пос вылӧ да Господь водзын кӧсйысис видзны йитӧд, мый Господь кӧртавліс Аслас войтыркӧд. Ӧксы кӧсйысис кывзысьны Господьлысь да став сьӧлӧмсяньыс овны Сылӧн индӧд-тшӧктӧмъяс серти, медым видзны небӧгӧ гижӧм йитӧдлысь кывъяссӧ. Став войтырыс тшӧтш кӧсйысис видзны тайӧ йитӧдсӧ.

1 Каднебӧг 9:13

Ерусалимын олісны тшӧтш налӧн чужанкотырысь рӧдкутысьяс. Ставнас – сюрс сизимсё квайтымын морт, кодъяс вермисны кесъявны Енлӧн крамын.

2 Каднебӧг 15:12

Найӧ кӧрталісны Господькӧд, асланыс батьяслӧн Енкӧд йитӧд, кӧсйысисны став сьӧлӧмсянь корсьны Господьӧс

2 Каднебӧг 29:10

Но ӧні ме кӧсъя кӧртавны йитӧд Господькӧд, Израильлӧн Енкӧд, медым Сійӧ вештас миян вылысь Ассьыс ыпъялан скӧрлунсӧ.

Неемий 10:29

ӧтувтчисны асланыс веськӧдлысьяскӧд да кыв сетӧмӧн кӧсйысисны кутчысьны Енлӧн Индӧдӧ, мый Мӧисей, Енлӧн кесйӧг, сетіс налы. Кӧсйысисны овны Господь Ыджыдлӧн став индӧд-тшӧктӧмыс серти.

Неемий 5:12

Найӧ вочавидзисны: «Ставсӧ бӧр сетам, и босьтны насянь нинӧм огӧ кутӧй. Вӧчам, кыдзи тэ шуан». Ме кори попъясӧс да на дырйи тшӧкті нималана йӧзлы да веськӧдлысьяслы кыв сетны, мый найӧ тадзикӧн и вӧчасны.

Неемий 9:38

Та вӧсна ми лӧсьӧдім кӧсйысяна гижӧд. Гижӧд улас миян юралысьяс, левитъяс да попъяс пуктісны ассьыныс пас.

Ап. уджъяс 5:24

Тайӧс кылӧмысь крам видзысьяслӧн веськӧдлысь да аркирейяс шай-паймунісны, кыдзи пӧ тайӧ вермис лоны.

Ап. уджъяс 5:26

Крам видзысьяслӧн веськӧдлысь муніс аслас йӧзкӧд да вайӧдіс апостолъясӧс. Но найӧ апостолъяслы лёксӧ эз вӧчны, ӧд полісны, мый йӧзыс вермасны найӧс асьнысӧ изъявны.

Нав Исус 24:25

Сійӧ лунӧ Господь нимсянь Исус кӧрталіс войтыркӧд йитӧд. Сэні, Сикемын [Господьлӧн, Израиль Енлӧн, вежа чом водзын] сійӧ сетіс налы индӧд-тшӧктӧмъяс.

Ӧксыяслӧн 1 небӧг 18:3

Ионафан асьсӧ моз радейтіс Давидӧс, та вӧсна кӧрталіс сыкӧд йитӧд.

Ӧксыяслӧн 1 небӧг 23:18

Господь водзын найӧ кӧрталісны ӧта-мӧдыскӧд йитӧд. Давид кольччис вӧрӧ, а Ионафан бӧр муніс гортас.