Ӧксыяслӧн 4 небӧг 11:11 - Коми Библия 2023

¹¹ Ӧксыӧс видзӧм могысь видзысьяс сувталісны крам ортсыас веськыдладор стенсянь шуйгаладор стенӧдз да висьпуктанін водзӧ. Быдӧн вӧлі дась тышкасьны.

Ӧксыяслӧн 4 небӧг 11:11 ပူးပေါင်းရင်းမြစ်များ

Ӧксыяслӧн 4 небӧг 11:10

Тышкайӧзӧн веськӧдлысьяслы Иодай поп сетіс Господьлӧн крамысь шыяс да сайӧдъяс, кодъяс коркӧ вӧліны Давид ӧксылӧн.

Ӧксыяслӧн 4 небӧг 11:12

Иодай поп петкӧдіс ӧксылысь Йоас писӧ крамысь, пуктіс сылы юр вылас юркытш да сетіс сылы Индӧд небӧг. Сэсся пуктісны сійӧс ӧксыӧ да мавтыштісны. Войтырыс кинаныс клопайтӧмӧн горзіс: «Мед олас ӧксы!»

Ӧксыяслӧн 4 небӧг 11:8

Кытшалӧй-видзӧй ӧксыӧс быд боксянь, кианыд мед лоӧ шыпурт. Виӧй быдӧнӧс, коді кутас матыстчыны тіян дінӧ. Видзӧй ӧксыӧс быдлаын, кытчӧ сійӧ мунас».

2 Каднебӧг 6:12

Став Израиль войтыр водзын Соломон сувтіс Господьлӧн висьпуктанін водзӧ да лэптіс кисӧ.

Петӧм 40:6

Вежа чом пыранін водзӧ сувтӧд сотан висьлы висьпуктанін.

Езекиль 8:16

Господь вайӧдіс менӧ крамлӧн пытшкӧс йӧрӧ. Крам пыранін дорын, посводз да висьпуктанін костын, сулалісны кызь вит кымын айлов. Найӧ сулалісны Господьлӧн крамлы мышкӧн, чужӧмнаныс асыввылӧ, да копрасисны шонділы.

Йоиль 2:17

Бӧрдӧй, попъяс, крам посводз да висьпуктанін костын. Господьлӧн кесъялысьяс, шуӧй: «Господьӧй, ло бур сьӧлӧма Аслад войтыр дінӧ. Эн сет янӧдны Ассьыд войтыртӧ, эн лэдз мукӧд войтырлы омӧльтны миянӧс. Мед найӧ оз шуны, кӧні Израильлӧн Енмыс».

Матвей 23:35

Тадзи тіянӧс мыждасны став веськыда олысьыслӧн вирысь: веськыда олысь Авель вирсянь да Варакейлӧн Закар пи вирӧдз, кодӧс ті виинныд крам да висьпуктанін костын.

Лука 11:51

Авель вирсянь да Закар вирӧдз, кодӧс виисны висьпуктанін да крам костын. Висьтала тіянлы: ӧнія олысьяслы ковмас мынтысьны таысь.