Ӧксыяслӧн 4 небӧг 11:1 - Коми Библия 2023

¹ Ахазийлӧн Аталия мамыс кор тӧдмаліс пиыслӧн кулӧм йылысь, шуис бырӧдны иудаса ӧксы рӧдысь став писӧ.

Ӧксыяслӧн 4 небӧг 11:1 ပူးပေါင်းရင်းမြစ်များ

Олӧм 9:5

Тіян вир вӧсна – олӧмнытӧ мырддьӧм вӧсна – Ме водзӧс перъя сылысь, коді кисьтас вирнытӧ, пемӧс-ӧ сійӧ либӧ морт.

Олӧм 9:6

Коді кисьтас мортлысь вир, сылысь вирсӧ тшӧтш кисьтасны, ӧд мортсӧ вӧчӧма Ен кодьӧн.

Ӧксыяслӧн 3 небӧг 1:12

Видз ассьыд олӧмтӧ да Соломон пиыдлысь олӧмсӧ. Со мый ме вӧзъя тэныд.

Ӧксыяслӧн 3 небӧг 2:44

Сэсся ӧксы шуис Шимейлы: «Тэ ачыд тӧдан, кутшӧм лёктор тэ вӧчин менам Давид батьлы. Господь мед бергӧдас лёк вӧчӧмтӧ ас вылад.

Ӧксыяслӧн 4 небӧг 10:36

Кызь кӧкъямыс во чӧж Еху ӧксыаліс Самария карын, веськӧдліс Израиль войтырӧн.

Ӧксыяслӧн 4 небӧг 10:7

Гижӧдсӧ лыддьӧм бӧрын карса веськӧдлысьяс виисны ӧксылысь сизимдаснан писӧ. Налысь юрсӧ пуктісны чуманъясӧ да ыстісны Ехулы Изреельӧ.

Ӧксыяслӧн 4 небӧг 12:1

Израильса Еху ӧксылӧн сизимӧд веськӧдлан воӧ Иуда муын ӧксыӧ пуксис Йоас. Нелямым во чӧж сійӧ юраліс Ерусалимын. Сылӧн мамыс вӧлі Бер-Шеваысь Цивия.

Ӧксыяслӧн 4 небӧг 25:25

Но сизимӧд тӧлысьӧ Миспаӧ локтіс Элишам Нетанийлӧн Измаил пиыс, коді вӧлі ӧксы рӧдысь. Сыкӧд тшӧтш локтіс дас морт. Найӧ виисны Гедалийӧс, тшӧтш иудаса да калдеяса йӧзӧс, кодъяс вӧліны сыкӧд Миспаын.

Ӧксыяслӧн 4 небӧг 8:26

Ӧксыӧ пуксигас сылы вӧлі кызь кык арӧс. Ӧти во чӧж сійӧ юраліс Ерусалимын. Сылӧн мамыс вӧлі Аталия, израильса Омри ӧксылӧн нылыс.

Ӧксыяслӧн 4 небӧг 9:27

Иудаса Ахазий ӧксы кор аддзис Иорамлысь кулӧмсӧ, уськӧдчис пышйыны Бет-Хагганлань. Еху вӧтчис сы бӧрся аслас йӧзлы горзӧмӧн: «Виӧй тшӧтш сійӧс тарантасас!» Ахазийӧс дойдісны Ивлеам кар дорын Гур керӧсын. Но сійӧ воӧдчис на Мегиддо карӧдз, и сэні куліс.

2 Каднебӧг 24:7

Ентӧг олысь Аталия да сылӧн йӧзыс куштісны-пазӧдісны Енлысь крамсӧ. Найӧ босьтісны крамысь став вежа дозмук-кӧлуйсӧ да вӧдитчисны сыӧн Ваал идолъяслы кесъялӧм могысь».

Еремей 41:1

Сизимӧд тӧлысьӧ Миспаӧ Ахикамлӧн Гедалий пи дінӧ локтіс Элишам Нетанийлӧн Измаил пиыс. Сійӧ вӧлі ӧксы рӧдысь да ӧксылӧн киподувса юралысьяс пӧвстысь. Сыкӧд тшӧтш локтіс дас морт. Кор найӧ ӧтвылысь сёйисны-юисны,

Матвей 2:13

Тӧдысьяслӧн мунӧм бӧрын Господьлӧн андел петкӧдчис Ӧсиплы вӧтас да шуис: «Чеччы, босьт кагатӧ мамыскӧд да пышйы Египет муӧ. Ов сэні менам шутӧдз. Ирӧд кутас корсьны кагатӧ, мед вины Сійӧс».

Матвей 2:16

Ирӧд кор тӧдмаліс, мый тӧдысьяс ылӧдлісны сійӧс, ёна скӧрмис. Сійӧ мӧдӧдіс шыпуртаясӧс, медым виавны Виплием карысь да сы гӧгӧрысь кык арӧса да ичӧтджык пи кагаясӧс, кодъяс чужисны сійӧ кадӧ, мый йылысь тӧдысьяс юӧртісны Ирӧдлы.

Ёрдысьяс 9:5

Авимелек локтіс медалӧм йӧзкӧд батьыс керкаӧ Офра карӧ да виис ӧти из вылын ассьыс вокъяссӧ, Еровааллысь сизимдас писӧ. Сӧмын Еровааллӧн медічӧт Иотам пиыс дзебсис да ловйӧн колис.