Ӧксыяслӧн 4 небӧг 10:4 - Коми Библия 2023

⁴ Карса веськӧдлысьясӧс да пӧрысьясӧс полӧм босьтіс. Найӧ шуисны: «Кык ӧксы кӧ ӧтлаын эз вермыны Ехуӧс, дерт нин, ми огӧ вермӧй сійӧс».

Ӧксыяслӧн 4 небӧг 10:4 ပူးပေါင်းရင်းမြစ်များ

Ӧксыяслӧн 4 небӧг 10:3

Ахав ӧксыныдлӧн пиян пӧвстысь бӧрйӧй медбур да медшогмана мортӧс, пуксьӧдӧй сійӧс батьыслӧн юралан пуклӧсӧ да тышкасьӧй асланыд ӧксылӧн рӧд вӧсна».

Ӧксыяслӧн 4 небӧг 9:24

Сэки Еху зэлӧдіс ньӧввужсӧ да лыйис Иорамлы. Ньӧвйыс веськаліс Иорамлы мышкуас кык пуліпом костас да муніс сьӧлӧм пырыс. Иорам усис тарантасас.

Ӧксыяслӧн 4 небӧг 9:27

Иудаса Ахазий ӧксы кор аддзис Иорамлысь кулӧмсӧ, уськӧдчис пышйыны Бет-Хагганлань. Еху вӧтчис сы бӧрся аслас йӧзлы горзӧмӧн: «Виӧй тшӧтш сійӧс тарантасас!» Ахазийӧс дойдісны Ивлеам кар дорын Гур керӧсын. Но сійӧ воӧдчис на Мегиддо карӧдз, и сэні куліс.

Иов 41:8

найӧ ляскысьӧмаӧсь ӧта-мӧд бердас, весиг сынӧд оз вермы костӧдыс пырны.

Исай 27:4

Ме ог скӧрав сы вылӧ. Но сійӧ кӧ быдтас Меным йӧн да ёг турун, Ме тышӧ пета сылы паныд да кушӧдз сота сійӧс.

Еремей 49:19

Йӧрдан юдорса вӧрысь веж йирсянінӧ петысь лев моз Ме виччысьтӧг вӧтла эдомсаясӧс асланыс муысь. Ме пукта налы юралысьӧ сійӧс, кодӧс Ме бӧръя. Эм-ӧ кодкӧ Ме кодьыс? Коді вермас тшӧктыны Менӧ вочавидзны ёрд водзын? Сюрас ӧмӧй сэтшӧм юралысь, коді вермас Меным паныд кыпӧдчыны?

Наум 1:6

Коді вермас паныд сувтны Сылӧн лӧглунлы, коді вермас ловйӧн кольны Сылӧн ыпъялан скӧрлунысь? Сылӧн скӧрлуныс би моз разалӧ, Сы водзын потласьӧны-жугалӧны изкыртаяс.

Лука 14:31

Ӧксылы кӧ ковмас тышӧ петны мӧд ӧксылы паныд, оз-ӧ сійӧ водзджык пуксьы да бура мӧвпышт, вермас-ӧ сійӧ дас сюрса тышкайӧзнас водзсасьны кызь сюрса тышкайӧзкӧд.