Ӧксыяслӧн 4 небӧг 10:26 - Коми Библия 2023

²⁶ Сэтысь петкӧдісны Вааллы сиӧм юрбитан сюръяяссӧ да сотісны.

Ӧксыяслӧн 4 небӧг 10:26 ပူးပေါင်းရင်းမြစ်များ

Ӧксыяслӧн 2 небӧг 5:21

Филистимсаяс колисны сэтчӧ ассьыныс бӧлбанъяссӧ, а Давид аслас йӧзкӧд босьтіс найӧс. [Сэсся тшӧктіс сотны биын.]

Ӧксыяслӧн 3 небӧг 14:23

Джуджыд мылькъяс вылын да пашкыр пуяс улын найӧ вӧчисны аслыныс юрбитанінъяс, сувтӧдісны юрбитан изъяс да юрбитан пуяс.

Ӧксыяслӧн 3 небӧг 15:13

Аслас Маака пӧчыслы Аса эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ да сотіс сійӧс Кедрон ковтысын.

Ӧксыяслӧн 3 небӧг 16:32

Сійӧ лэптіс Самария карын Вааллы юрбитанін да сувтӧдіс сэтчӧ висьпуктанін.

Ӧксыяслӧн 4 небӧг 11:18

Став войтырыс муніс Вааллы юрбитанінӧ да жугӧдіс сійӧс. Найӧ торпыригӧдз жуглісны висьпуктанінъяс да бӧлбанъяс, а Вааллысь Маттан нима попӧс виисны висьпуктанін водзас. Иодай поп индіс йӧзӧс видзны Господьлысь крамсӧ.

Ӧксыяслӧн 4 небӧг 18:4

Сійӧ бырӧдіс вись ваян мылькъяс, жугліс юрбитан изъяс да пӧрӧдіс юрбитан пуяс. Жугӧдіс-пазӧдіс ыргӧн змейӧс, кодӧс коркӧ вӧчліс Мӧисей. Ӧд тайӧ Нехуштан нима ыргӧн змейлы израильсаяс тайӧ кадӧдзыс пыр на сотісны висьяс.

Ӧксыяслӧн 4 небӧг 19:18

а налысь енъяссӧ шыблалісны биӧ. Но тайӧ эз вӧвны енъяс, а пуысь да изйысь вӧчӧмторъяс. Та вӧсна и вермисны бырӧдны найӧс.

Ӧксыяслӧн 4 небӧг 23:12

Сійӧ бырӧдіс висьпуктанінъяс, кодъясӧс иудаса ӧксыяс сувтӧдісны Ахазлӧн керка вевт вылӧ. Бырӧдіс тшӧтш Господьлӧн крам кыкнан йӧрысь Манассейӧн сувтӧдӧм висьпуктанінъяс. Жугліс найӧс торпыригӧдз, нырис пызьӧдз да шыблаліс Кедрон ковтысӧ.

Ӧксыяслӧн 4 небӧг 23:4

Ӧксы тшӧктіс Хилки аркирейлы, попъяслы да крам пыранін видзысьяслы петкӧдны Господьлӧн крамысь став юрбитанторсӧ, мый вӧлі вӧчӧма Ваал да Астарта идолъяслы да енэжвыв вынъяслы. Сійӧ сотіс ставсӧ Ерусалим кар сайын Кедрон ковтысын да нуис пӧимсӧ Вефильӧ.

Ӧксыяслӧн 4 небӧг 23:6

Сійӧ петкӧдіс Астарта бӧлбанӧс Господьлӧн крамысь Ерусалим кар сайӧ Кедрон ковтысӧ да сотіс сэні. Сэсся пызьӧдз нырис, а пызьсӧ койыштіс шойна вылӧ.

Ӧксыяслӧн 4 небӧг 3:2

Иорам вӧчис Господь водзын шогмытӧмсӧ, но эз сы мында, мыйта вӧчисны бать-мамыс. Иорам жугліс-бырӧдіс Вааллы вӧчӧм юрбитан из, мый сувтӧдліс сылӧн батьыс.

1 Каднебӧг 14:12

Филистимсаяс колисны сэтчӧ ассьыныс бӧлбанъяссӧ. Давидлӧн тшӧктӧм серти бӧлбанъяссӧ сотісны.

2 Каднебӧг 34:7

Иосей жугліс висьпуктанінъяс да пӧрӧдіс юрбитан пуяс. Израиль му пасьтала сійӧ торпыригӧдз жугліс бӧлбанъясӧс, пӧрӧдіс тшынӧдчан висьпуктанінъяс, сэсся бӧр бергӧдчис Ерусалимӧ.

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

Индӧд 7:5

Со мый колӧ вӧчны: жуглӧй налысь висьпуктанінъяссӧ, пасьвартӧй юрбитан изъяссӧ, кералӧй юрбитан пуяссӧ да биын сотӧй бӧлбанъяссӧ.