Ӧксыяслӧн 4 небӧг 10:25 - Коми Библия 2023

²⁵ Кор сотан вись вайӧмыс помасис, Еху горӧдіс аслас видзысьяслы да тышкайӧзӧн веськӧдлысьяслы: «Пырӧй да ставнысӧ виӧй! Некодӧс энӧ лэдзӧй петнысӧ!» Найӧ виисны шыпуртӧн ставнысӧ да шыбитісны шойяссӧ ортсӧ. Сэсся пырисны Вааллы юрбитанінлӧн пыді вежӧсӧ.

Ӧксыяслӧн 4 небӧг 10:25 ပူးပေါင်းရင်းမြစ်များ

Ӧксыяслӧн 3 небӧг 18:40

Илля шуис войтырыслы: «Босьтӧй Вааллысь пророкъяссӧ, энӧ лэдзӧй некодлы пышйыны». Вааллысь пророкъяссӧ босьтісны. Сэсся Илля нуӧдіс найӧс Кишон ю дорӧ да сэні ставнысӧ виис.

Ӧксыяслӧн 4 небӧг 11:18

Став войтырыс муніс Вааллы юрбитанінӧ да жугӧдіс сійӧс. Найӧ торпыригӧдз жуглісны висьпуктанінъяс да бӧлбанъяс, а Вааллысь Маттан нима попӧс виисны висьпуктанін водзас. Иодай поп индіс йӧзӧс видзны Господьлысь крамсӧ.

Ӧксыяслӧн 4 небӧг 23:20

Вись ваян мылькъяс вылын кесъялысь попъясӧс Иосей виис налӧн висьпуктанінъяс вылын, тшӧтш сотіс сэні шойнаысь перйӧм лыяссӧ. Та бӧрын ӧксы бӧр локтіс Ерусалимӧ.

Петӧм 22:20

Коді вайӧ вись мукӧд енъяслы Господьлы кындзи, сійӧс мед лоӧ бырӧдӧма.

Петӧм 32:27

Мӧисей шуис налы: «Господь, Израильлӧн Ен, тадзи висьталӧ: ”Вӧнялӧй косканыд ассьыныд шыпуртнытӧ, мунӧй чомъяс сулаланінӧд помсянь помӧдзыс да виӧй быдӧнӧс, кодкӧд паныдасянныд, весиг вокнытӧ, ёртнытӧ да матыссанытӧ”».

Ӧксыяслӧн 1 небӧг 22:17

Ӧксы шуис сійӧс кытшалысь видзысьяслы: «Мунӧй да виӧй Господьлысь попъяссӧ, ӧд найӧ Давид дор сулалӧны. Найӧ тӧдісны, мый сійӧ пышйис меысь, и эз висьтавны меным та йылысь». Но ӧксылӧн кесйӧгъяс эз кӧсйыны кинысӧ лэптыны, медым вины Господьлысь попъяссӧ.