Ӧксыяслӧн 4 небӧг 10:15 - Коми Библия 2023

¹⁵ Еху водзӧ муніс да паныдасис Рекавлӧн Ионадав пикӧд. Чолӧмасигас Еху шуис сылы: «Менам сьӧлӧмӧй восьса тэныд, а тэнад?» Ионадав вочавидзис: «Менам сьӧлӧмӧй тшӧтш восьса тэныд». «Тадзи кӧ, вай меным китӧ», – шуис Еху. Ионадав мыччис кисӧ, а Еху отсаліс сылы кайны аслас тарантасӧ.

Ӧксыяслӧн 4 небӧг 10:15 ပူးပေါင်းရင်းမြစ်များ

Олӧм 31:55

Лаван чеччис водз асывнас, окыштіс ассьыс нывъяссӧ да налысь ныв-писӧ, бурсиис найӧс, сэсся бӧр муніс аслас оланінӧ.

Олӧм 47:10

Фараонӧс бурсиӧм бӧрын Яков петіс сы дінысь.

Олӧм 47:7

Ӧсип вайӧдіс Яков батьсӧ фараон водзӧ, и Яков бурсиис фараонӧс.

Ӧксыяслӧн 3 небӧг 20:33

Тайӧ шуӧмыс локтысьяслы вӧлі бур пасӧн. Ӧксылӧн кывйӧ кутчысьӧмӧн найӧ воча шуисны: «Збыльысь, Бен-Хадад тэнад вок». Ӧксы шуис: «Вайӧдӧй сійӧс татчӧ». Бен-Хадад локтіс Ахав дінӧ, и мӧдыс пуксьӧдіс сійӧс орччӧн аслас тарантасӧ.

Ӧксыяслӧн 4 небӧг 10:13

сылы паныдасисны иудаса Ахазий ӧксылӧн вокъясыс. Еху юаліс: «Ті кодъяс?» Сылы вочавидзисны: «Ми Ахазийлӧн вокъяс. Мунам видлыны израильса ӧксылысь пиянсӧ да ӧксылӧн мамыслысь пиянсӧ».

Ӧксыяслӧн 4 небӧг 10:14

Еху тшӧктіс аслас йӧзлы: «Босьтӧй найӧс ловйӧн!» Нелямын кыкнан мортсӧ босьтісны ловйӧн да виисны Бет-Экед юкмӧс дорын. Виисны ставнысӧ, некодӧс ловйӧн эз кольны.

Ӧксыяслӧн 4 небӧг 9:21

«Доддялӧй меным тарантас!» – тшӧктіс Иорам ӧксы. Кесйӧгъяс доддялісны. Сэки израильса Иорам ӧксы да иудаса Ахазий ӧксы быдӧн аслас тарантасын петісны Ехулы воча. Паныдасисны сыкӧд изреельса Навотлӧн му вылын.

1 Каднебӧг 2:55

Ябецын олысь соферъяссянь чужисны тирейяс, шимейяс да сукатъяс. Найӧ вӧліны кенейяс, Хамматсянь чужысьяс, Рекав рӧдысь.

Ездра 10:19

Найӧ кыв сетісны, мый бӧр ыстасны гӧтыръяснысӧ да быдӧн аслас мыж вӧсна ваяс вись пыдди межӧс.

Неемий 3:14

Ёг дзиръя дзоньталіс Рекавлӧн Малкий пиыс, Бет-Карем гӧгӧр муӧн веськӧдлысь. Вӧчӧм дзиръяӧ сійӧ сувтӧдіс ӧдзӧсъяс да пуктіс сэтчӧ иган-тасъяс.

Еремей 35:2

«Мун Рекав рӧд дінӧ, сёрнит накӧд да вайӧд найӧс Господьлӧн крамӧ. Сэні кутшӧмкӧ вежӧсын сет налы юны вина».

Езекиль 17:18

Иудаса ӧксы нинӧмӧ пуктіс кыв сетӧмсӧ да торкис вавилонса ӧксыкӧд сёрнитчӧмсӧ, мый ки сетӧмӧн вынсьӧдіс. Та вӧсна сійӧ оз пышйы мыждӧмысь.

Ап. уджъяс 8:31

Мӧдыс шуис: «Кыдзи нӧ верма гӧгӧрвонысӧ, абу кӧ гӧгӧрвоӧдысьыс?» Сійӧ корис Филипӧс пуксьыны орччӧн.

Галатӧ 2:9

Яков, Петыр да Иоан, кодъясӧс лыддисны зумыд сюръяясӧн, гӧгӧрвоисны, мый Енмыс буралӧмнас корӧма менӧ. Сэки миянлы Варнавакӧд найӧ кинысӧ сетісны, медым вӧчны ӧтувъя удж. Сёрнитчим, мый найӧ мунасны иудейяс дінӧ, ми – мукӧд войтыръяс дінӧ.

Галатӧ 4:12

Вокъяс, кора тіянӧс, лоӧй ме кодь, ӧд ме тіян кодь. Ті менӧ нинӧмӧн энӧ дӧзмӧдӧй.