Ӧксыяслӧн 4 небӧг 10:14 - Коми Библия 2023

¹⁴ Еху тшӧктіс аслас йӧзлы: «Босьтӧй найӧс ловйӧн!» Нелямын кыкнан мортсӧ босьтісны ловйӧн да виисны Бет-Экед юкмӧс дорын. Виисны ставнысӧ, некодӧс ловйӧн эз кольны.

Ӧксыяслӧн 4 небӧг 10:14 ပူးပေါင်းရင်းမြစ်များ

Ӧксыяслӧн 3 небӧг 20:18

Бен-Хадад шуис: «Бур могӧн кӧ локтӧны, босьтӧй найӧс ловйӧн. Тышкасьӧм могысь кӧ локтӧны, тшӧтш ловйӧн босьтӧй».

Ӧксыяслӧн 4 небӧг 10:12

Еху муніс Самарияӧ. Туй вылас Бет-Экед-Хароим дорын

Ӧксыяслӧн 4 небӧг 10:13

сылы паныдасисны иудаса Ахазий ӧксылӧн вокъясыс. Еху юаліс: «Ті кодъяс?» Сылы вочавидзисны: «Ми Ахазийлӧн вокъяс. Мунам видлыны израильса ӧксылысь пиянсӧ да ӧксылӧн мамыслысь пиянсӧ».

Ӧксыяслӧн 4 небӧг 10:15

Еху водзӧ муніс да паныдасис Рекавлӧн Ионадав пикӧд. Чолӧмасигас Еху шуис сылы: «Менам сьӧлӧмӧй восьса тэныд, а тэнад?» Ионадав вочавидзис: «Менам сьӧлӧмӧй тшӧтш восьса тэныд». «Тадзи кӧ, вай меным китӧ», – шуис Еху. Ионадав мыччис кисӧ, а Еху отсаліс сылы кайны аслас тарантасӧ.

Ӧксыяслӧн 4 небӧг 10:6

Еху ыстіс налы мӧд гижӧд. Сэні гижис: «Ті кӧ ме дор да дасьӧсь кывзысьны менсьым, сідзкӧ, аски тайӧ кадас локтӧй ме дінӧ Изреельӧ да вайӧй ӧксы пиянлысь керыштӧм юръяссӧ». Ӧксылысь сизимдас писӧ видзисны-быдтісны карса нималана йӧз.

Ӧксыяслӧн 4 небӧг 11:1

Ахазийлӧн Аталия мамыс кор тӧдмаліс пиыслӧн кулӧм йылысь, шуис бырӧдны иудаса ӧксы рӧдысь став писӧ.

Ӧксыяслӧн 4 небӧг 8:18

Иорам ветліс израильса ӧксыяслӧн туйӧд. Сылӧн гӧтырыс вӧлі Ахавлӧн нылыс, та вӧсна Ахав рӧд моз сійӧ вӧчис Господь водзын шогмытӧмсӧ.

2 Каднебӧг 22:10

Ахазийлӧн Аталия мамыс кор тӧдмаліс пиыслӧн кулӧм йылысь, шуис бырӧдны иудаса ӧксы рӧдысь став писӧ.

2 Каднебӧг 22:8

Ахавлысь рӧдсӧ бырӧдігӧн Еху паныдасис иудаса юралысьяскӧд да Ахазий вокъяслӧн пиянкӧд, кодъяс кесъялісны Ахазийлы. Еху виис тшӧтш найӧс.

Еремей 41:5

Миспаӧ локтісны Сикемысь, Силомысь да Самарияысь кӧкъямысдас морт. Найӧ вӧліны бритӧм тошкаӧсь да косявлӧм паськӧмаӧсь, вир-яйнысӧ вӧлі вундалӧмаӧсь пуртӧн. Найӧ вайисны аскӧдныс Господьлӧн крамӧ вись пыдди нянь да чӧскыд ӧвтанторъяс.