Ӧксыяслӧн 4 небӧг 1:3 - Коми Библия 2023

³ Но Тишби карын олысь Иллялы Господьлӧн андел шуис: «Пет воча самарияса ӧксылӧн мӧдӧдӧмаяслы да висьтав налы: ”Мыйла ті мунанныд юасьны экронса Ваал-Зевув енлысь? Израильын ӧмӧй абу Енмыс?

Ӧксыяслӧн 4 небӧг 1:3 ပူးပေါင်းရင်းမြစ်များ

Ӧксыяслӧн 3 небӧг 11:33

Ме вӧча тадзи, ӧд Израиль войтыр эновтіс Менӧ да кутіс юрбитны сидонсаяслӧн Астарта енлы, моавсаяслӧн Кемош енлы да аммон войтырлӧн Милком енлы. Найӧ оз ветлыны Менам туйӧд, оз вӧчны Ме водзын шогманасӧ, оз овны Менам индӧд-тшӧктӧмъяс серти, оз овны Соломонлӧн Давид батьыс моз.

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 18:1

Зэртӧм кадӧ коймӧд вонас Иллялы вӧлі Господьсянь кыв: «Мун Ахав дінӧ. Сэсся Ме ыста му вылас зэр».

Ӧксыяслӧн 3 небӧг 18:36

Рытъя вись ваян кадӧ Илля пророк матыстчис висьпуктанін дорӧ да [енэжас видзӧдӧмӧн гораа] шуис: «Господьӧй, Ӧвраамлӧн, Исааклӧн да Израильлӧн Ен! [Кыв менӧ, Господьӧй, кыв менӧ талун би пытшсянь!] Талун мед тӧдмаласны тайӧ йӧзыс, мый Тэ – Израильлӧн Ен, и мый ме – Тэнад кесйӧг. Найӧ мед аддзасны, мый ме ставсӧ вӧчи Тэнад тшӧктӧм серти.

Ӧксыяслӧн 3 небӧг 19:5

Сэсся водіс пу улӧ да унмовсис. Сэки андел инмӧдчис сы дінӧ да шуис: «Чеччы, сёй [да ю]».

Ӧксыяслӧн 3 небӧг 19:7

Господьлӧн андел мӧдысь локтіс, инмӧдчис Илля дінӧ да шуис: «Чеччы, сёй [да ю]. Тэнӧ кузь туй виччысьӧ».

Ӧксыяслӧн 3 небӧг 21:17

Сэки тишбиса Иллялы вӧлі Господьсянь кыв:

Ӧксыяслӧн 4 небӧг 1:2

Самарияын олігас Ахазий аслас керкаын усис вылі судта ӧшиньӧдыс да ёна доймис. Сійӧ корис ассьыс йӧзсӧ да шуис: «Ветлӧй экронса Ваал-Зевув ен дінӧ да юалӧй, бурда-ӧ ме тайӧ доймӧмсьыс?» [Мӧдӧдӧмаяс мунісны.]

Ӧксыяслӧн 4 небӧг 1:6

Найӧ вочавидзисны: «Миянлы паныдасис морт, коді тшӧктіс миянлы бӧр бергӧдчыны ӧксыным дінӧ да шуны, мый Господь тадзи висьталӧ: ”Мыйла тэ мӧдӧдін ассьыд йӧзтӧ юасьны экронса Ваал-Зевув енлысь? Израильын ӧмӧй абу Енмыс? Тэ он чеччы вольпась вывсьыд, кӧні куйлан. Тэ кулан”».

Ӧксыяслӧн 4 небӧг 1:8

Ӧксылы вочавидзисны: «Сы вылын вӧлі гӧна паськӧм, коскас – кучик тасма». Ӧксы шуис: «Тайӧ Тишби карысь Илля».

Ӧксыяслӧн 4 небӧг 5:15

Нееман аслас йӧзкӧд бӧр локтіс Енлӧн морт дінӧ, сувтіс сы водзӧ да шуис: «Ӧні ме тӧда, мый му вылас эм сӧмын ӧти Ен – тайӧ Израильлӧн Ен. Босьт месянь, аслад кесйӧгсянь, тайӧ козинсӧ».

Ӧксыяслӧн 4 небӧг 5:8

Кор Енлӧн морт Елисейлы кывсис, мый израильса ӧксы косялӧма ассьыс паськӧмсӧ, сійӧ мӧдӧдіс мортӧс да тшӧктіс висьтавны ӧксылы: «Мый вӧсна тэ паськӧмтӧ косялін? Сійӧ мортыс, код вӧсна тэ тадзи вӧчин, мед локтас ме дінӧ да тӧдмалас, мый Израильын эм пророк».

Псалтыр 76:1

Едутунлы, сьылысьясӧн веськӧдлысьлы. Асафлӧн псалом.

Исай 8:19

Тіянлы тшӧктасны шыасьны кулӧмаӧс корысьяс да туналысьяс дінӧ, кодъяс вашкӧдчӧны-шӧпкӧдчӧны. Но оз ӧмӧй ков войтырыслы шыасьны асланыс Ен дінӧ! Кулӧмаяслысь ӧмӧй колӧ юасьны ловъяяс йылысь?

Иона 2:8

Кор нюкыртчис менам лолӧй, сэки тӧд вылӧ усин меным, Господьӧй. Менам кевмӧмӧй воис Тэӧдз, Тэнад вежа крамӧдз.

Марк 3:22

Ерусалимысь локтысь Индӧдӧ велӧдысьяс сёрнитісны, Сы пытшкын пӧ Вельзевул, вӧтлалӧ пӧ пеж ловъясӧс налӧн юралысь вынӧн.

Ап. уджъяс 8:26

Господьлӧн андел шуис Филиплы: «Луншӧр кадӧ чеччы да мун Ерусалимысь Газаӧ мунан эновтӧм туй вылӧ».

Ӧксыяслӧн 1 небӧг 17:46

Талун Господь сетас тэнӧ менам киӧ. Ме виа тэнӧ, юртӧ керышта, и [тэнсьыд шойтӧ да] став филистимса тышкайӧзлысь шойсӧ сета лэбачьяслы да зверъяслы. Сэки став муыс тӧдмалас, мый Израильлӧн эм Ен.