Ӧксыяслӧн 4 небӧг 1:17 - Коми Библия 2023

¹⁷ Ахазий куліс, кыдзи Господь висьталіс Илля пыр. Ахазийлӧн эз вӧв пиыс, та вӧсна сы бӧрти ӧксыӧ пуксис Иорам [Ахазийлӧн вокыс]. Тайӧ вӧлі иудаса Иорам ӧксылӧн, Иосафат пилӧн, мӧд веськӧдлан воӧ.

Ӧксыяслӧн 4 небӧг 1:17 ပူးပေါင်းရင်းမြစ်များ

Ӧксыяслӧн 3 небӧг 17:16

Пызьыс дозмуксьыс эз бырлы, и выйыс дозъяс эз чинлы. Тадзи иніс Господьлӧн шуӧмыс, мый Сійӧ висьталіс Илля пыр.

Ӧксыяслӧн 3 небӧг 22:38

Ӧксылысь тарантассӧ мыськалісны самарияса тыын. Понъяс нюлісны ӧксылысь вирсӧ, и кырсалысь аньяс мыссисны вирӧсь ваын. Тадзи иніс Господьлӧн шуӧмыс.

Ӧксыяслӧн 3 небӧг 22:42

Ӧксыӧ пуксигас Иосафатлы вӧлі комын вит арӧс. Кызь вит во чӧж сійӧ юраліс Ерусалимын. Сылӧн мамыс вӧлі Азува, Шилхилӧн нылыс.

Ӧксыяслӧн 3 небӧг 22:51

Иудаса Иосафат ӧксылӧн дас сизимӧд веськӧдлан воӧ Израиль муын ӧксыӧ пуксис Ахавлӧн Ахазий пиыс. Кык во чӧж сійӧ юраліс Самария карын.

Ӧксыяслӧн 4 небӧг 1:18

Ахазий ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма израильса ӧксыяслӧн каднебӧгӧ.

Ӧксыяслӧн 4 небӧг 10:17

Самарияӧ воӧм бӧрын Еху виис сэні Ахав рӧдысь ставнысӧ. Тадзи иніс Господьлӧн шуӧмыс, мый Сійӧ висьталіс Илля пыр.

Ӧксыяслӧн 4 небӧг 3:1

Иудаса Иосафат ӧксылӧн дас кӧкъямысӧд веськӧдлан воӧ Израиль муын ӧксыӧ пуксис Ахавлӧн Иорам пиыс. Дас кык во чӧж сійӧ юраліс Самария карын.

Ӧксыяслӧн 4 небӧг 9:36

Кор локтісны да висьталісны та йылысь Ехулы, сійӧ шуис: «Господьлӧн шуӧмыс иніс. Аслас тишбиса Илля кесйӧг пыр Господь шуліс: ”Изреель кар сайын понъяс сёясны Езавельлысь шойсӧ.

2 Каднебӧг 17:1

Аса бӧрти ӧксыӧ пуксис сылӧн Иосафат пиыс. Сійӧ зумыдмӧдіс ассьыс мусӧ, медым израильсаяс эз вермыны сійӧс.

Индӧд 34:5

Мӧисей, Господьлӧн кесйӧг, куліс Моав муын, кыдзи шуис Господь.