Ӧксыяслӧн 3 небӧг 9:9 - Коми Библия 2023

⁹ Сылы вочавидзасны: ”Израиль войтыр эновтіс Господьӧс, ассьыс Енсӧ, коді петкӧдіс налысь батьяссӧ Египет муысь. Найӧ сирасисны мукӧд енъяс дінӧ, юрбитісны-кесъялісны налы. Та вӧсна Господь ыстіс налы став тайӧ лёксӧ”».

Ӧксыяслӧн 3 небӧг 9:9 ပူးပေါင်းရင်းမြစ်များ

Ӧксыяслӧн 3 небӧг 18:18

Илля вочавидзис: «Ог ме вай шогсӧ Израильлы, а тэ да тэнад батьыдлӧн рӧдыс. Ті эновтінныд Господьлысь тшӧктӧмъяссӧ да кутінныд юрбитны Ваал идолъяслы.

Ӧксыяслӧн 4 небӧг 22:17

Тайӧ войтырыс эновтіс Менӧ, найӧ сотісны висьяс мукӧд енъяслы, ёна дӧзмӧдісны Менӧ асланыс киӧн вӧчӧмторъясӧн. Таысь Менам скӧрлунӧй ыпъялӧ тайӧ карыс вылӧ да оз куслы”.

2 Каднебӧг 29:8

Та вӧсна Господь скӧрмис Иуда да Ерусалим вылӧ, вӧчис найӧс мукӧдлы повзьӧданторйӧн, сетіс найӧс сералӧм да янӧдӧм вылӧ, мый ті асьныд аддзанныд.

2 Каднебӧг 7:22

Сылы вочавидзасны: ”Израиль войтыр эновтіс Господьӧс, асланыс батьяслысь Енсӧ, коді петкӧдіс найӧс Египет муысь. Найӧ сирасисны мукӧд енъяс дінӧ, юрбитісны-кесъялісны налы. Та вӧсна Господь ыстіс налы став тайӧ лёксӧ”».

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Еремей 22:8

Мукӧд войтыръясысь унаӧн пондасны ветлыны тайӧ карыс дінті да юасьны ӧта-мӧдныслысь: «Мый вӧсна Господь тадзи вӧчис тайӧ ыджыд карыскӧд?»

Еремей 44:23

Тайӧ шогыс суис тіянӧс, ӧд ті вайинныд висьяс мукӧд енъяслы, мыж вӧчинныд Господьлы паныд, энӧ кывзысьӧй Сылысь да энӧ олӧй Сылӧн индӧд-тшӧктӧмъяс серти».

Еремей 5:19

Кор тэнсьыд юаласны, мый вӧсна Господь, тіян Енныд, тадзи вӧчис тіянкӧд, сэки вочавидз: ”Ті эновтінныд Енсӧ да асланыд муын кесъялінныд мукӧд енъяслы. Та вӧсна ті понданныд кесъявны йӧз муын мукӧд войтырлы”».

Еремей 50:7

Накӧд паныдасьысьяс уськӧдчывлісны на вылӧ, найӧс мустӧмтысьяс шуавлісны, ми пӧ абу мыжаӧсь, ӧд найӧ мыж вӧчисны веськыдлуныслӧн оланінлы паныд да Господьлы паныд, код вылӧ батьясныс лача кутісны.

Бӧрданкыв 2:15

Туй вывті ветлысь-мунысьяс кинас шлопнитӧмӧн шутьлялӧны, юрнас довкйӧдлӧны да Ерусалим йылысь омӧльтӧмӧн шуалӧны: «Тайӧ ӧмӧй сійӧ карыс, кодӧс шуисны медся мичаӧн, став муюгыдыслӧн гажӧн?»

Индӧд 29:23

Муыс ставнас сотчас, сэні лоӧ сӧмын тэг да сов, весиг турун оз кут быдмыны. Сэні нинӧм он вермы кӧдзны-быдтыны. Сійӧ лоӧ Содом да Гомора, Адма да Севоим каръяс кодь. Тайӧ каръяссӧ Господь бырӧдіс ыджыд скӧрлунӧн.